金都百利行

之前一直心儀 b 仔既花球...不過好貴呢...想括出去...想用一生人一次呢d老套藉口...不過...其實都唔驚比人話既...佢都默許左我呢個諗法...哈哈~~ 仲話既然你有睇過都有想過要啦...呵呵~~~ 真係了解我!!  同埋有關 b 字既野...佢通常唔反對...最好我放晒 d "b"字上身添...成日掛住佢丫嘛...妄想...哈哈~~

不過...我就黎做阿太喇...點都要節儉下爭取番 d 分既...所以今日約左同學仔...去左好多新娘子推介既 Trinice 睇下 d 花球係點既樣... 上到去...幾多人下...比相簿我地睇...都幾靚丫...之後話五月後會加價...所以而家最好比 $200 hold 左個期先...其實唔係貴既...五百幾元起...不過原來10月唔係牡丹花花期...oh no!!!!  所以要用第二種花啦...真頭痛...難得我有決定呀嘛!!

另外...佢 d 絲花球整得都幾靚...好過金都o個 d ...同埋d手花襟花都靚d 無咁求其...老闆話如果到時o個 $200 deposit 唔用黎買花球都可以轉買其他野...ok喎...即係比多次 change我睇下到時仲係咪想轉 b 仔花球啦...呢個中晒我既心理!!  即比 $200 落訂!!

***

第二站...去金都逛逛...之前見到有個茶壺都幾得意...唔係傳統o個 d款...至o岩我呢 d 反派...去到 eden 有得訂...不過原來個盤要另配既...即係要兩舊水一套...要訂貨...正心大心細...其實我唔想放響屋企阻訂...同學仔就話訂啦...平時買d買d...唔駛買漏嘛...而且又睇o岩咯...好啦好啦...買啦買啦!!   咁又係既...到時買唔番又自己籮籮鬈...

睇左 d 化妝鋪...d 頭飾都幾靚幾多下...不過都係睇定 d ...上網再 search 下先...其實 book全日每間既價錢都差唔多...真係要試過妝先知...間間都話自己 d mua 幾得幾得...睇下點~

睇左 d 裙褂...喎!?   原來都幾靚的...不過我真係唔識得咩叫褂后...五福...又話要多金銀線先好...oh~~ 我覺得多 d 紅色後生 d 喎!!  金銀好似好老餅咁!!  珠片原來麻麻...即係酒店送o個條可以放棄啦...又係要睇定 d 先...

***

第三站...行百利...其實我未黎過...今次初到貴境...嘩~~鋪頭細細...好多婚紗店...姊妹裙店...花店...化妝公司...真係應有盡有...撞鬼丫...睇到我眼都花!!

喎...?!  呢度 d婚紗晚裝好似幾 trendy喎...um...好似呢度先o岩我呢 d 反派...個心又沉左一沉添...

姊妹裙買走都係三百左右一條...車~~金都租都要 $360 ...仲要租幾條先係呢個價...不過響度買....仲多款又多色...一定揀得o岩啦~~遲 d 約埋班姊妹組團黎呢度睇先得!!

呢度好多 mua 呢...仲有高清化妝...未試過...不過我驚好假喎!!

忘記細細的生日

養左隻妹妹咁耐...第一年忘記左佢生日...仲要係幾日後至記得...即刻同佢講對唔住...我近黎實在太多野煩喇...um...下次唔會架喇!!!

想發洩一下

雖然決定了結婚...

雖然擁有兩隻求婚介...

雖然已影過婚紗相...

雖然已買了結婚介...

雖然已定好日子...

雖然已訂好酒席...

雖然已揀好禮服公司...

很多雖然...

但係...我變得越黎越唔開心...

因為好似樣樣都好求其...

點解我地樣樣都好似是是旦咁...

真係要結得咁求其咩?!

今日突然好想喊......

 

第一次行婚紗街

今日第一次行傳說中既婚紗街...因為我唔想去金都...一黎多黑店...二黎 d 款...oh~~娘娘地...

之前睇過下人地 d blog 介紹...心目中有幾間...不過到最後...我又無去過呢幾間...我都唔知自己搞乜!!!!!!!  次次無計劃既我就係咁...所以我好憎無計劃...通常咁決定出黎既野一定係衰既!!!!

睇左幾間...d 衫好似好舊...點揀得落呀?!  唯一一間令我地有嘩嘩聲既係 victoria...不過分 grade 既...嘩得出聲o個 d 起碼要加成千元...四千幾既 plan...分分鐘咪要過萬先得?!  noway啦!!  而家先發覺...巴黎婚紗 d 衫得好多囉!!!

想走既途中...望到有間樓上鋪好似好多衫喎...即管上去睇睇...不過...命運真會捉弄我...呢間係我後黎好後悔 join 左...令我擔心唔開心左好耐好耐.......

上到去...個 sales 好熱情拎 d 婚紗出黎比我地睇...都 ok既...件件都幾靚...又猛叫我試下...其實今日都無諗過試衫的...但係唔知點解又入左去試囉...

試左兩件婚紗...一件泡泡的...幾 ok...可能我受呢 d 款...另一件 grand d既...著出黎又顯得我有腰!!   連 d 客睇到都話呢條好d...uｍ...比人讚完....個腦一片空白!!

之後又拎 d 晚裝出黎 show 下...都幾 ok既...不過都係蛋糕款多...但係都 ok...佢係好多衫囉...但係無得自己揀既...又無相簿睇...

講講下到講 package...佢唔係貴既...五件衫四千幾...拖尾加 $500...最後個價又平400比我地...其實都 ok既...樣樣都好似 ok既情況下...又費事煩...終於失守...其實都無守過 d 乜...~___~"  而家諗諗下...至唔鐘意係佢地無得轉款嘛...對我呢d 3心兩意既人...好大壓力既呢!!  而且仲要o係婚前半前要confirm?!  咁 d 衫殘左點呢下?!  越諗越擔心...

本來諗住已搞惦一樣...點知仲更加煩多樣......無經驗即係無經驗!!

穿耳

十幾年前穿過一次耳...不過因為怕痛...所以好快埋左口...一直無的起心肝去再穿...

不過...我要結婚喇...唔想夾耳環...唔靚之餘又辛苦...所以終於的起心肝去穿耳...

網上見到網友響 Isabella 穿左耳...心郁郁...睇過網頁介紹穿耳過程...應該會很安全和衛生...因為我見好多穿耳既朋友成鬼日都發炎...流血流濃極之核突...所以一定要搵間有信譽既...

放工食完飯...一支箭咁出旺角朗豪坊...出左地鐵...直上 Isabella...不過有點失望...d sales態度好麻麻...好似d惡護士咁...搞到我個心開始有d怯......

揀左對14k短針閃石...點知個sales check我耳仔時話我左邊耳仔厚身d...所以揀長針會無咁易發炎...咁...是旦啦...都係咁貴...$490...

穿耳前...個 sales 左搞右搞...又響我耳仔點位...呢樣o個樣...搞到我越黎越驚...好緊張...終於佢叫我坐直唔好郁...黎喇...黎喇...我係咁用右手既母指及食指鍊住左手既食指...實在太驚喇!!!!!!!!!!!!!!   我要令到第二度痛黎分散我既注意力!!! 

終於搞惦一隻...喎?!  無想像中咁痛啵!!!!   咁我頭先我隻手咪白鍊白痛囉?!  ~___~"

兩隻都搞惦晒...係有d痺痺地唔多舒服既感覺...不過真係唔多覺痛!!

因為我天生怕呢樣o個樣...所以都係比多兩舊join埋個保健計劃...未來三個月成型前...我要小心呵護對耳...哈哈哈~~

好開心...到時要買對靚耳環獎勵下自己咁勇敢先得!!

 

婚紗展(續)

今日無禽日咁多人...因為有印花...可以去免費擇日...排左成個鐘先到我地...兩個大師好唔 pro...成日傾計唔專心...唔收 $$ 都唔駛咁 hea丫嘛!!

終於佢比左好多日子我地再揀...我地決定擺 sun ...就 d 人唔駛返工應該會早 d 到掛...

選左幾個日子...拿拿聲去心水酒店問有冇期...連番打擊...全軍覆沒呀!!  間間都 full...一係剩低 d 細房 (擺十圍)...某人成日話擺咁少圍應該周圍都有...家下你睇...真係無呀!!!   荃灣o個間居然無新娘房又唔送房...唔係嘛?!

唯有再去睇其他...問左幾間有...不過始終唔多合心水...心情簡直落到谷底...好唔開心!!!!!!!!!   紅磡火車站o個間其實都 ok...不過唔知點解我地最後無揀到...後來...我地成日話...如果時光倒流...我地一定會揀呢間...起碼佢地方大...可以最多擺十六圍仲望海景啊!!!!!!!   命運...唉......

係咁搵搵搵...終於問到九龍維景...雖然外型唔太靚...又唔係D 5 星酒店...但佢未改名前...2003年期間...佢都算出過下名架...哈~~  佢比既優惠好 ok...而且包酒水...有房送...包蛋糕...包車...咩都有齊...仲送好多優惠...比起好多出名 d 既黎得實惠...而且個 sales 態度又幾好...我地成日都會衰心軟響呢d環境...

我地既是旦既性格又作怪...拿拿林落訂...其實我地都未去過呢間酒店 @@"  人地個個都會傾好耐...問好多野...我地就好似買棵菜咁比 $$ 就走人...@@~~ 只係拎左份 menu 同埋張 receipt 咋!!  哈哈~~唯一我地講到唔駛比開瓶費...對我地黎講...好叻叻架喇!!!

 

美心今次無擺檔...不過同事貓話幫我買...員工價大概30幾元一張...不過要等 8 月先拎到...ok啦...又唔急既~~

搞惦左後...因為約左 brother 去科學園 bbq ..所以又拿拿林走人...@@!!!!!

***

第一次黎科學園...呢度都幾靚架喎...不過呢間燒烤就麻麻地啦~~ 假期好貴一倍...唔係咁抵呢~~

阿輝同阿SA係第一個知道我地結婚既人呢...呵呵~~

第一次行婚紗展

2006年尾開始...講左結婚都成幾年...不過因為兩個都係懶鬼...拖拖下...日子都擇過幾次...哈~~ 最想當然係11月19啦...之後11月23...3月21日...不過都係得個講字...無乜實際行動~ 成日諗...不如唔擺酒去旅行結婚...就算擺都係好少圍...因為我地兩個都係怕麻煩既人黎...終於只係成日響呢兩個問題度徘徊...

上年今日佢正式求婚...哈~~ 好難忘...因為佢拎束花比我時...我仲未起身...隻狗仔見佢跪響床邊...以為佢想撩佢玩...high到跳跳扎...仲係咁跴我個頭添呀 @@!!!  兩隻介指...粒石...大過我買o個粒仔好多好多...好閃呀!! 

***

今日終於的起心肝去一次婚紗展睇下咩環境啦...嘩~~ 都幾多人啵!!  仲要排隊買飛...即場填表入個新婚會仲有野送...oh~~ 本雜誌過期左好耐啵!! 

第一次行...心情都幾興奮...而且周圍都係 d 將會結婚既人...所以都幾有婚嫁氣氛...好開心...不過我地無經驗...根本唔知從咩入手...總之有咩就拎啦!!

因為夜晚 book 左去巴西燒烤慶祝情人節...平丫嘛...哈~~ 所以我地都唔係行左好耐...不過就拎左好多關於擺酒場地既資料...仲有 d租衫呀...婚前驗查...攝影啦... 好重呢~~

初時想買定 d 雪糕劵...不過原來得一年期限...好彩睇清楚o者...如果唔係呢一年食死我呀!!  50 張!!!!!

***

返到屋企係咁睇...心目中鐘意尖咀o個幾間...不過原來好多都唔包酒水...另計都幾貴下...計埋要成萬一圍呢...oh~~我唔係明星...唔駛咁貴!!

越睇越覺得我地準備實在太不足了...應該去睇下場嘛...~____~"

我地鎖定左幾間...mark 左幾個日子...大概擺十至十二圍...不過後期先知...我地預計錯誤...其實要揀十四至十六圍...唉.....

睇過下 d 菜單...酒店 o個 d 其實好一般...而且貴 d ...酒樓平好多...不過驚執...所以都係唔想博呢d...聽日再去展覽會...唔知順唔順利呢?!

***

今日情人節...亦係我地最後一個單身的情人節...度度都咁多人食飯...不過今年明顯少左人拎住D花周街走...可能真係市道唔好啦~~~ 我地去左巴西燒烤度慶祝...呢度平丫嘛...都OK丫...我對食其實要求唔太高~~ 太貴真係唔捨得食呢~~

上年既今日...阿B正式求婚~~ 不過比阿細破壞左浪漫氣氛...但係令到我幾難忘...哈哈~~百厭細!!!

今年都有收到花啊...好靚添呀!! ^^

   

叫呢隻o靚妹影相都算乖...好多時都會望鏡頭...由細影到大佢都慣晒...呵呵~~

上年求婚...今年先BOOK場地...我地算慢熱定即興呢?!  @@~!!!

仲有個大口仔 cushion 呢~~ 真係唔捨得開個膠袋...驚整烏糟啊!!  不過阿B話唔好咁小家用膠袋包住喎!!  ><"  人地唔想佢咁快殘丫嘛!!

阿B叫我拆左個膠袋...>