十幾年前穿過一次耳...不過因為怕痛...所以好快埋左口...一直無的起心肝去再穿...
不過...我要結婚喇...唔想夾耳環...唔靚之餘又辛苦...所以終於的起心肝去穿耳...
網上見到網友響 Isabella 穿左耳...心郁郁...睇過網頁介紹穿耳過程...應該會很安全和衛生...因為我見好多穿耳既朋友成鬼日都發炎...流血流濃極之核突...所以一定要搵間有信譽既...
放工食完飯...一支箭咁出旺角朗豪坊...出左地鐵...直上 Isabella...不過有點失望...d sales態度好麻麻...好似d惡護士咁...搞到我個心開始有d怯......
揀左對14k短針閃石...點知個sales check我耳仔時話我左邊耳仔厚身d...所以揀長針會無咁易發炎...咁...是旦啦...都係咁貴...$490...
穿耳前...個 sales 左搞右搞...又響我耳仔點位...呢樣o個樣...搞到我越黎越驚...好緊張...終於佢叫我坐直唔好郁...黎喇...黎喇...我係咁用右手既母指及食指鍊住左手既食指...實在太驚喇!!!!!!!!!!!!!! 我要令到第二度痛黎分散我既注意力!!!
終於搞惦一隻...喎?! 無想像中咁痛啵!!!! 咁我頭先我隻手咪白鍊白痛囉?! ~___~"
兩隻都搞惦晒...係有d痺痺地唔多舒服既感覺...不過真係唔多覺痛!!
因為我天生怕呢樣o個樣...所以都係比多兩舊join埋個保健計劃...未來三個月成型前...我要小心呵護對耳...哈哈哈~~
好開心...到時要買對靚耳環獎勵下自己咁勇敢先得!!
沒有留言:
張貼留言