2011-12-14 3D Angry Bird Cake Making

月中 (14/12)  BOOK 左成班人一齊去整 3D Angry Bird Cake...!!

其實我對呢堂真係超期待的...!!  呢隻野樣衰衰咁...又幾搞鬼...

而且好耐無成班人一齊整cake了~~!! 


去到觀塘都要搵左一輪先搵到...其實都唔算易搵!!

成廿幾人一班...混亂情度可想而知...今鋪似乎又要靠自己了!!

阿sir真係顧唔到我地咁多人呢~~~!! 
 

上到去課室...例必顛顛下一餐先...我地呢班人...唔顛唔舒服!! 

之後睇阿sir 示範...好快手就示範完...!! 

腦殘既我...真係有點混亂!!! 

 

到我地自己黎喇!!!

有點失望係...個海棉蛋糕又係預先準備好...!!  但係就超硬囉!!!

仲要 cut 為3份...!!  我個蛋糕本來已下陷左...仲cut 根本無可能...

而另一朋友的蛋糕又 cut 錯了...!!

終於阿sir另外再比多塊我地!!! 
 
佢比呢塊似樣d...軟熟好多呀!!

嘩...睇到成盤勁紅色...我地幾個好懷疑究竟食唔食得架...?!




終於我地既作品都能夠順利完成喇...!!!  哈哈~~~~個個都似模似樣架!!!

雖然唧到手軟...不過見到成品...個個都好開心呀~~

2011 年...蛋糕學習收爐之作...hahaha~~~~

阿B黎左學校附近接我...所以今次可以飛快咁返到屋企了!!!  YEAH~~~

不過當阿B見到個蛋糕...第一句就問 : " 食唔食得架?! "   哈哈哈~~~ 事實又真係好紅呀!!!

最後我地第日都有試食到呀...不過就覺得超恐怖囉...食到兩個口紅晒...D牙又紅晒...即刻要用水洗口呀!!!

呢個蛋糕...得個樣囉!!!!   而且間鋪幫手嗰位阿姐超求其...D 份量求其比我地...

怪唔知我打極D CREAM 都唔起啦...問左佢一次又加D比我...之後都係打唔起...!!
 
再問阿SIR...阿SIR話個女人比少我呀!!!!   真係比佢激CCCCCCC!!!  好彩最後都搞惦到咋!!!

我地整到一手都係紅色...阿SIR仲問我地係咪殺左人...哈哈哈~~~~ 

洗左好耐先甩色呀...可想而知...食落口會有咩效果啊!!!   嘩哈哈~~~~

呢個蛋糕...好玩!!!  唔好食!!!  ^^

2011-12-06 X'MAS CARD MAKING

好耐無UPDATE喇~~ 聖誕節忙住食, 玩, 訓...人變得好懶...!! 

而家要開始補 BLOG 行動...其實都係想幫自己留個回憶......

團購的發明...真係令我地D消費者得益不少...

不過我通常都係買D course 黎同朋友一齊試玩下...

另外去平平地食下野...都係d有限錢......heehee~~~


近黎 Card Making 都開始響團購界活躍...當然...所學到的其實並唔多...

但可以用平價錢黎薰毒下d朋友...等佢地慢慢中 scrapbook 毒都唔錯啊!!!!!!  


呢次買左幾張 coupon ...有幾款咭揀架...近聖誕節...梗係首選聖誕咭啦~~~!!!

響12月頭 (6/12) ...就帶左同學仔去玩喇...其實我好耐都無整咭喇...實在無時間開壇呢~~~!!!

所以我對呢一日都係充滿期待的!!!  


呢堂有兩個導師...好有耐心教我地....其實對好多工具已經唔再陌生了......

一輪痴痴貼貼...好忙...但係好好玩...重拾做咭的心情...好開心...!!!!


哈哈~~~ 大家接近完成作品時...檯面已經非常混亂了...!!! 

登...登...登...!!!!

今堂係整立體聖誕咭相架啊~~~!!

好鬼鍾意個水晶球呢~~~~~~~~~~~~~!!!

呢堂咩都玩到...上色...punch...embossing...stamping...樣樣都有機會惦到!!

我和同學仔的作品~~~ 我地兩張咭係有d唔同架...!!!

我揀左水晶球...佢揀左聖誕吊飾...

勁用閃粉 & 貼水晶...





本來諗住假期抽d時間黎整下咭...不過最後都不了了之......heehee~~~~ 朋友們...還是下年吧...!!! 

近來看過的精彩舞台劇

近黎看過兩套不錯的舞台戲...!!

特係係邵美君的一套...簡直笑c我地了!!!!

她的個人表演實在太精彩了!!!!

而微男博女的對白也很精警...起碼...阿B就響我面前講左幾日裡面既對白!!!!  嘿嘿
~~~~

不過睇完呢套舞台劇...我跌左個b仔杷機袋...嗚嗚~~~~好唔捨得...!!  而家已經無得賣架喇!!!!

2011-12-22 冬至做節

今年的冬至做節飯...一家人去左馬鞍山的 "海王漁港" 食...大細佬一家唔得閒...

叫左個套餐再加餸...起筷之前一齊舉杯慶祝下...哈~~ 唯一舉啤酒嗰個係我細細佬女友...女中豪傑!! 

呢間真係好多人黎食...因為食物質素唔差...

因為我地人少...所以無得訂位...等左成個鐘先入到座呀!!

哈~~~ 我爸爸好鍾意痴住佢女婿影相~~!!

細細佬而家又變番好似以前咁開心...真係好開心!!!!!!!!!

老友鬼鬼咁...!!  ^^

Table Card for 1216 !!

1216 的最後一個項目...因為近年尾...印刷公司好繁忙...所以要加錢先及時做到...

而且仲要做後期加工...終於要響佢地大婚前兩晚...先可以交到新人手上...真係要抹一把汗呀!!


當晚放工後...阿B即刻開工...之前幾晚已經將D咭紙條痴好晒雙面膠紙...

所以可以快手將檯咭CUT一刀...再響後面痴上咭紙條...再將兩面痴埋...但係都花左唔少時間...

今次的檯哃比 6 條 1 多一倍份量...呢度係部份半成品~~~

而且改良左上次有少少彈開的問題...

哈~~~ 攝影B幫一對結婚公仔影左一輯婚紗相...好 SHARP 呀~~

終於搞惦~~~ 所有 1216 的項目...終於大功告成喇~~~~~~~~~~~~!!!  Yeah~~~~

經過一個月的時間...終於幫朋友完成晒所有項目...我地亦創造了奇蹟...咁短時間做了八個項目@@!!   真係好開心...可以及時送上祝福心意~~~



相關 BLOG:

1216 婚禮用品 DIY 項目

結婚証書套連盒子

賓客簽名筆

姊姊剔名筆

愛的宣言牌

Floor Plan及入座咭

兄弟襟花及姊妹手花

1216 入座咭 & Floor Plan 完成了~

1216 朋友的 Floor Plan & 入座咭...其實呢兩個項目一早已完成左...

入座咭亦響我地去日本旅行前交左比一對新人...不過係半成品...

因為唔夠時間...所以晒好之後交左比佢地自己搵人 cut ...


< 入座咭設計圖 >

同 Floor Plan 係同一設計... 大部份新娘子都係鍾意紫色的...

< Floor Plan 設計圖 >

每張檯號有隻史迪仔呢~~~

其實仲有一個構思...不過一黎唔夠時間...二黎考慮到運送的問題...所以最後都係用番呢個版本~!!

成品出黎效果都唔錯呀~~~ 如果有時間 cut 埋邊仲靚呀...可惜真係無時間 lu......





聽朋友講番...當晚 d 賓客反應好好...真係辛苦d 都值番了~~!!

今次我地破晒紀錄呀...一個月內做左八個項目...

哈哈~~~好似有d對唔住 6條1的朋友添...佢嗰12個項目...我地用左七個月先完成......

完成1216愛的宣言牌

又要坐時光機了...1216 朋友的大日子...

新娘的姊妹團有個很好多 idea ...

就係要新郎哥響風月版上搵d 字出黎...

砌一篇特別的愛的宣言~~!!  哈哈~~~可以想像有幾好玩了!!! 

而新娘預先問我地可唔可以幫佢整張簡單既咭黎寫~~~

同阿B商量過後...用番佢地對主題公仔黎整 FOAM BOARD...

為左令影相畫面靚D...所以阿B打算做雙面~~

雖然雙面 & CUT 邊要貴一倍有多...但係為左靚...我諗值得掛...HEEHEE~~~

不過因為近年尾...Banner shop 多 order 做唔切...所以仲要加 $$ 黎做...

但唔幫我地整雙面...又唔cut 邊...所以最後只有由阿B操刀~~!!


< 初稿 >

封面 :

內容頁 :

上星期三 (14/12) ...終於收到實物...效果唔錯啊~~~!!! 

不過有個難度...就係要兩邊點樣接合到邊位......

痴左雙面膠紙...CUT起黎就超唔順...

阿B要用左個幾鐘先搞惦...第一次CUT真係唔錯了...哈~~~

偷左朋友 FB 幅相...內容超搞笑...新郎哥...你真係超惦呀!!!   哈哈哈~~~~