我地隊TERM D 成員...分別唔同既理由好多都無行...
本來九個人...最後得番四個人@@~~~ 阿B就同另外三個朋友一齊出發了!!
唔舒服都要完成手頭上 D 野...真係無時間喇...仲有個証書套未做呢~~!!
1216 的朋友交來的公仔是 Stitch & Angel's 手掌...真係好傷腦筋...!!
而且公仔的質地麻麻...掌心的圓圈大部份出現明顯裂紋...
所以最後決定用背面...如果我搵到差唔多色的不織布...可能會加番上去...不過大概都無時間去搵了!!
本來諗住用埋d絲花唔好浪費...不過左併右併都係感覺怪怪...
所以最後決定~~~~~用紫色但唔同質地又唔同粗幼的絲帶黎做配襯~~!!
簡單的方法突出隻手掌~~~~
襟花用 T 字扣...手花用粉紅珠鍊......
又係響檯面左併右併...其實砌過幾個模樣出黎...
不過最後都決定用下面既圖 LU...簡單得黎有少少變化咁...嘻~~~
坦白講...本身D 手掌比人感覺都幾奇怪...所以無論點整...我都係覺得好奇怪...@@~~~
希望唔會令 1216 的朋友失望罷~~~~
經過幾個鐘...匿埋響廚房努力痴痴痴...
小狗阿細又扭計喎...因為阿B咁夜出左去行盲俠行...隻傻妹就成晚籐黎籐去...
食唔安訓唔落...成日扭我抱...帶我出門口...@@~~~
終於差唔多點幾佢先安靜落黎...~___~" 我先可以專心整埋D野...!!!
手掌襟花終於完成...效果其實我覺得普普通通...
不過就算再研究落去...我都未必會再整得好D的了~~
大概...無乜心機整...內心有點鬱結......
之後整埋手花...感覺手花的效果好過襟花少少...哈哈~~~~
大功告成...效果...?! 我只係覺得不過不失...唔知 1216 的兄弟姊妹會唔會鍾意呢?! @@~~~~
哈哈.. 放心, 你整乜我都鍾意...
回覆刪除