COUPLE選戰衣 (Part 1) (朋友限定)

終於搞惦1018的戰衣了!!  YEAH~~~ 今次 D 衫好滿意!!  著得好靚呢~~

好期待 1018 的造型~~ ^^

試左好多之前未試過既衫...原來我都著到 Deep V 掛頸架...真係好開心...好驚喜呢!!

先後試左共15件婚紗晚裝呢~~

先睇用黎敬酒的晚裝 :

            No. 1                         No. 2                        No. 3

                    No. 4                                           No. 5

紅色系列的 No. 1, 3, 4, 5 都很喜歡...各有各靚...

No. 1 著起好似變得高貴了...好驚喜可以著到呢款衫~~ 名媛去 ball look...好正...哈~

No. 2 著起好老...好登台 feel~~~ 即刻 Out 左呢條...

No. 3 著起黎無咁大隻...又係有d似名媛去ball feel...都幾好睇...

No. 4 條裙特別又搶眼...估唔到我都著到掛頸款...影相應該幾好睇...好有話題的一條裙

No. 5 呢條都幾特別幾靚...裙尾幾靚...不過要黎敬酒就比較麻煩...

 

再黎睇下 for 近賓 or 送客的晚裝 :

            No. 6                         No. 7                         No. 8

                      No. 9                                       No. 10

No. 6 上次hold左既淺金色晚裝...今次著番又好似變得無咁鍾意喇...

No. 7 呢條d色好唔得...著起完全唔好睇...太似膚色喇...OUT~!!

No. 8 黃色裙第一次著...其實都幾靚架...不過條裙似乎又簡單左一d既...佢地話...我OK架

No. 9 紫色呢條係新返...著起好sharp...背部超sexy呢...第一次著紫色係咁好睇...幾靚~~

No. 10 粉紅色第一次著...漸變色幾靚...不過有條紅色喇...靚都要放棄了...

 

之後到外影婚紗喇~~~

                     No. 1                                          No. 2

                     No. 3                                          No. 4

                                  No. 5 & 喜愛的頭飾

No. 1 著起黎好瘦...簡單得黎都幾靚...

No. 2 心口隻蝴蝶結幾特別...可惜係條魚尾裙...著得我突肚同埋下盤橫唔好睇...

No. 3 好簡單既 A-line裙...條腰帶係水晶...不過佢地話太簡單了~~

No. 4 我最鐘意呢條背面縛蝴蝶結...好靚...不過無期...好唔開心...

No. 5 著起黎好瘦...其實幾好睇...不過太簡單了...所以只好放棄...

 

估下揀左邊幾件?!

去COUPLE揀衫 (PART 1-晚裝)

hea 左咁耐係時候要去搞下d正經野...多謝 blog 友告訴我 Couple 響六七月會返新衫...所以的起心肝約左今晚六點半去揀埋d衫...希望今晚搞惦晒啦~~

四點鐘首先去左旺角某樓上 Cafe 取訂左既 Dongwan's concert DVD & Minwoo's new CD...仲送左張網站既 member card 比我地添...好靚啊!!

之後見未夠鐘又無落雨...行左陣信和...買左個大口仔花盤...之後行女人街...本來想睇下 d tie ...不過太熱...走左去買左套韓版花樣男子就走人...

約左阿B去 YMCA 度取車...行左一半路...見個天突然黑晒...話咁快就落大雨...><"  搞到我對腳濕晒...!!  近黎成日落雨...真係好煩...而且仲咁悶熱添!!

去到百利...大細佬兩公婆已經到左...之後四條友就闖入去 COUPLE ... Carol 居然認得我 @@!!   一見我就話瘦左好多...佢真係識 tum 人...一陣我除左衫佢就睇到我真身係完全未修身喇!! 

黎左個新 sales ...um...有點笨手笨腳...幫我換衫次次都搞好耐都唔得...整件衫時又大力...成日扯到我企唔穩...有次仲唔小心拉開左個簾...走光呀我!!!   好彩我手快拉番埋...不過阿B話佢睇到!!   ~__~"  間中 Carol 幫番我換...快手好多...而且唔怕佢會用針吉到我!!

首先試紅色晚裝...因為我想租多一件 for 敬酒...唔想走動時咁阻訂...所以想搵d A-line 款式...先試左 3 件... (要睇真人示範就要加入做BLOGGER啊~~~!! ^^)

第一件係最新返的...我響 facebook 睇過...我從未試過呢d款...因為我係無乜"鬆"的...成日驚 carry 唔到...不過原來都 ok 喎...著起顯得瘦左咁...而且好似突然高貴左...因為D料好滑身...哈哈~~條裙雖然 sexy...但係好 plain...好似 d 名媛去ball咁...雖則我唔係...哈哈~~佢地話著得幾靚~~ 我都幾鍾意架...Connie 話個鬆既問題可以交比佢地 @@~~ 幫我裝假狗?!

第二件上身好多 lace 花...又有珠珠定水晶鍊響心口度...不過我細佬話顯得我個膊好橫...我都覺得個款麻麻地...著左老左十年咁...有點登台 feel...

NO. 1                                                             NO. 2

第三件著起黎都幾靚...後面條拖尾好靚...不過阿B話前面既下身位置太無野...而且我覺得敬酒時會比人跴親...好論盡咁...呢件著得幾靚下...

第四條試呢條紅色A-line ...其實我幾鍾意的...雖然係又 deep V又露背...著得好睇佢地都叫我唔好揀~~ 因為又係屬於簡單既款囉...原來我有D野遮下個膊係好D既...

正在頭痛再試邊D款好...細佬見到有D中式既裙...其實之前我都睇過下...d款好靚架...料都好廷身下...不過我成日認為自己唔夠高...唔夠"鬆"...carry 唔到 d 咁修身既中式晚裝...所以一直無諗過試...而且上次黎揀衫...保守的同學仔話呢d唔會啱我~~ 上次都無諗過試D deep V露背既款式...原來由男人黎揀衫都會有唔同既作用效果架!!

有三條中式都好靚的...而且三條都係幾sexy下...deep V露背露腿的...

第一條全紅色掛頸款...超大露背...因為我唔鍾意條領包到實...但係下身係好靚既~~~不過無試...佢地話唔好喎!!  點解唔比我試下啵...><"

條裙d圖案好靚架~~

第二條係一字膊紅色上身...下身是金黃色的...前面係開叉露腿的...有blog友曾經著過...相片已經過處理...佢著得好靚架...不過阿B話唔好...佢唔係咁鍾意黃色...所以無試到...上次同學仔話似肚兜...不過我覺得幾靚喎!!   又係做乜唔比我試下啵!!  ><"

第三條色彩好豐富...好 sexy...前面好 deep 下...後面露背...側面開高叉...@@"  我從未試過呢類衫...著起黎都ok喎...而且唔橫啊...好鍾意呢件呢...不過我個肚腩仲要努力d先得!!  Connie 話如果我怕走光...可以響前面加個中國繩結扣~~

條裙既圖案都好靚架!!  中式裙款要加 $500 呢~~~ 佢地一致鐘意我著呢條...所以 confirm 了喇...希望到時著得唔失禮啦~~

搞惦左條敬酒裙...跟住到揀送客件晚裝...其實我幾鍾意NO. 1 呢件黃色架...咁耐都未試過...所以第一件就試下黃色...其實都 ok 的...不過佢地唔太鍾意我揀d咁簡單既款囉...所以被否決了!!

第二件試番之前 hold 既 NO. 2 金黃色晚裝...件衫好輕...著起都幾好睇...不過佢地又話好普通...~___~"  唯有再試其他...不過呢條打o個個腰帶結...我都幾驚到時唔識整...打到成注菜咁...要我煩既...即係呢條可以放棄 lu...

                               NO. 1                                       NO. 2

第三件...試一條淡粉紅的...我咁耐都未試過粉紅色...呢條有d漸變既效果...條裙係幾靚既...著左都幾好睇...不過有條紅色喇...唔想再揀呢類 tone ...而且總係覺得呢類色太女仔...我驚唔太襯我...

                   NO. 3

第四件就試下d紫色系列...試過咁多次衫...試過幾次紫色...我都無一條著得好睇...一直以為同紫色無緣了...首先試條NO. 4 紫黃色既...d色著起好似同膚色好接近...而且個款麻麻地...而且d色有d沉...一定唔揀...

最後試呢條 NO. 5 上身有黑色lace 繡花...下身淡紫既...裙腳係幾層紗...好輕盈既感覺...件衫幾特別...著起黎幾好睇...不過我又唔想送客時著咁大件野...因為個門口唔係太大囉...咁咪變左企得我一個人?!  所以初時被我否決了...不過佢地話...其實可以將溫馨租o個件綠黃色晚裝轉為送客咪得囉!?  其實都ok喎...而且著紫色係 sharp d...阿B仲話著得我個人白左...聽到變 "白左"...真係精神為之一振...好心郁!!   而且細佬猛哦我...叫我要改變下D思想...咪成日低低調調咁...咪企響個台度人地都唔知邊位係新娘...所以就決定 confirm呢件啦!! 

條裙係最新返既...後面要綁絲帶架...著上身先知背部係 see through 黎~!!!   即係我剛 confirm 左呢兩件衫...都係唔可以著 girdle 架!!  今次真係突破...我未試過露咁多肉...各位親朋戚友到時就算我地酒微菜薄...見到我d肉地都一定飽架喇...哈~~

                     NO. 5                                      NO. 4

我總共試左 10 套晚裝...都好快手就決定到喇...試完晒晚裝...之後到揀件外影婚紗了~~~

(Part 2)

http://hk.myblog.yahoo.com/jew903hk/article?mid=863

終於拎左Dongwan DVD & Minwoo CD喇~~

等左好耐...Dongwan 上年演唱會終於出左 DVD 喇...今日論壇分發我地訂左既牒...

四點幾去左旺角某間樓上 cafe ... 成大班工作人員...佢地仲問我做乜咁快走呢...@@~ 我以為佢地只係拎牒...無諗住佢地響度 gathering 架~~ 不過佢地叫我下次join埋呢~~ 佢地幾好人架...成日幫我地做呢樣訂o個樣...其實好辛苦架...而且又唔係賺錢喎...所以都幾感激佢地架!!

終於到手喇!!!  yeah~~~~ 搵日重溫先得!!  呢隻dvd係我細細佬答應送比我既舊年生日禮物~~ 多謝晒!!

 

Spinning + 食扒

今日又上金光華玩健身...今次仲有兩個稀客一齊玩呢...就係我細細佬同佢女友喇!!

食完魚翅餐...之後換衫開始玩...跑左幾個字步...就入左單車房等 miss ...

細細佬都跟到節奏黎跴啊...不過佢女友就好搞笑...大概少做運動...好姐手姐腳...而且平衡力仲好差...哈~~ 架健身單車都唔會左搖右擺咁郁...佢坐響上面就成日驚跌...而且成日跴唔郁...個個玩完身水身汗...因為 spinning 既運動量真係幾大...佢係無乜出汗...而且樽水只係飲左好少...大細佬老婆笑佢...佢飲左幾多水就即係流左幾多汗...個個都飲成支水...哈哈~~

玩完之後又去食好野...又食大扒餐~~~ 用港幣找數抵 d ...一兌一...每人百幾蚊~~

好好味...下次我地仲約定去食日本野...哈哈~~~ 咁樣搞法...我既修身減肥計劃真係泡晒湯了!!

收到壹誓證婚的 e-mail 通知...

今日收到An Oath的e-mail...通知我地去 :

1. 簽署擬結婚通知書；
2. 參加婚禮前工作坊。

大日子...真係越黎越近喇!!   不過我仲未識緊張既?!  @@~~

***
Dear Bridal Customers,

In relation to your wedding ceremony on 18 Oct 2009, you are invited to attend our office between 2009-Jul-18 to 2009-Sep-18：
1. to sign the Notice of Intended Marriage ('the Notice') as required by law; and
2. to attend our pre-ceremony workshop.

To make appointment and enable us to prepare the Notice in advance, please click this link http://www.oath.com.hk/chi/customerLogin.php :
a. to log on your account (with your user id and password registered with us);
b. to complete the online questionnaire and workshop enrolment form; and
c. to submit the completed forms.

Please refer to our latest SMS relating to this subject for your user id and password if you forget the same.

Thank you for choosing our service!

Regards,
An Oath Celebrant Service

***

仲有份司儀稿比我地參考添~~~ 好詳細呀!!   服務真係幾好喎!!  只係無得揀律師...其實都唔緊要既...人夾人...就算做晒 research 搵到個別人認為好既...可能各人要求唔同...所以感覺都未必相同...例如紅人林律師...同佢講電話時...就覺得佢好煩 @@"...一輪咀...太搶鏡喇...而且好 hard sell 下...佢唔得閒就推佢老婆出黎...另外之前搵我地母公司o個位 director律師...佢都奇奇怪怪...我地約佢8:30證婚...佢話夜d得唔得!!  開左席先黎註冊咩?!  所以...一切就交比個天安排罷...!!  只要佢個簽名唔太衰就 ok 架喇...唔好簽到我張證書核核突突就得架喇...哈~~~話時話...係咪要練下個簽名先呢?!  究竟簽中文定英文好呢?!  我個簽名有埋個公仔樣架喎...畫唔畫得落去呢?!  哈~

搵邊日上去簽呢?!  簽完仲要上一個鐘頭堂添...覺得好得意...!!  很期待呢~~^^  係咪真係會好似佢地句"士no緊"所講既 "向倒模婚禮說再見"呢?!

石屎剝落

今日黃老闆打電話話比我知...馬鞍山屋企廁所趺左好多石屎落黎...都幾大忽...好彩無扑中佢o者!!!

所以今晚約左佢食飯...我地5個人又叫左條大魚...特價都係 $68 咋...不過其他野份量就細牒左...我地仲笑話因為上次食左人地一圍...所以今次佢地扣番d份量...哈哈~~

食飽之後上去睇下d 石屎剝落情況...喎?!   真係好大忽喎...三份一天花呢...仲露出鐵枝添~!!

叫左人整喇...報價三千幾...希望手工好啦...!!!

住左廿年喇...好多野都要維修...嗚嗚~~~

大埔屋企住左 4 年...地板問題困擾左我好耐...早兩年個廳已經搞到好麻煩...之後到書房...而家廚房有兩塊地板都有裂痕...不過就唔係太嚴重...睡房冷氣近來又壞左個 remote control 開唔到冷氣...個衣櫃門今晚仲跌左個較出黎...真係越窮越見鬼呢~~~

修眉 & 做 Treatment ~~

上次做 facial 比o個位阿姐修我條眉起晒角...而家長番晒先敢約 Jennifer 修番條眉...佢一見我就話 : 你又比人修幼左條眉呀?! ~___~"  佢個樣同講野都好似陳慧琳咁...係一個好爽既人...所以我幾鍾意比佢修眉...

剛巧之前收到 Lancome 既會員優惠咭...用 $100 約修眉之後可以用番 $100 黎買 products...橫惦要買番 d 補品...所以今次唔扣 course ...買左粉底...乾粉...base...新出既精華素...遮瑕霜...唇彩...又破左財...

有雙倍積分之外...仲有以下贈品...另外有個娘娘手袋...實在太娘唔想影出黎...哈哈~~ 阿B叫我扔左佢啦...哈哈哈~~

跟住去左花園街買絲花...再去朗豪坊...約左 dermes 7:45 做 treatment ... 搞左差唔多成個鐘...好痛呢...不過今次我敏感...有 d 痕 ~~ 過兩日應該會無事了~~

之後同個 sales Maggie 傾開...原來佢都係今年結婚呢...11月22日...哈~~~ 我身邊有多幫我既人都係近來結婚啊...我既 MC 明年 1月... 姊妹今年12月... 兄弟 11月...之前幫我做 gel 甲既就剛結婚...早前買金飾個 sales 年幾前結婚...真係好開心呢...同佢地好多話題...係咁講講講大家都好興奮...仲交換婚紗相黎睇啊...!! 

Maggie 佢去台灣影...好靚呀...去埋台中呢...真係好靚...!!  唔似 HK 四大天王 (羅浮宮...法國...新天地...蒙羅麗莎) o個 d 罐頭相...基本上真係換左頭...pose 好多都係一樣的...哈~~ 真係好羨慕佢呢~~!!  而且佢好叻呀...佢3月先開始搞結婚...遲我只係一個月...佢所有野都搞惦晒喇!!!   因為佢唔想拖住d野心掛掛...所以快靚正的搞惦...而且絕對唔係求其黎~~!!