他的兄弟團

介紹完一班靚靚既姊妹...求其都要介紹下阿B的兄弟兵團既...!!  呵呵呵~~

首先介紹兄弟團唯一未結婚的...不過他將會在我們結婚後一個月就做老襯了...!!  恭喜晒~~~ 油脂阿叔...哈哈~~~ 你肥左好睇好多啊...!! ^^  不過唔好比 Shirley 咁大壓力啦...成日笑佢步驚雲!! . \ / .  

第二位係高大英俊既阿康...二人世界都要出黎同朋友食飯聚下舊先得架嘛!!  ^^  咪成日匿埋呀~~~ 真係好耐無見喇!!!

第三位係鍾意踢波但好屎波...鍾意睇書但只係睇小說...但居然係一個好爸爸...不過成日食煙既阿松~~~ 戒煙啦...無益架!!  仲有...好減肥啦~~~你睇下你個肚腩丫!!

第四位係好好人既同事 Chris ...佢好鍾意狗狗...不過佢係魔鬼化身...成日帶阿B去玩D高消費又高危既野...例如: 越野電單車...放直昇機...玩風帆等等等等......

第五位係大會既 Snap shot 攝影師 Eric...哈哈~~佢食過期食品係無不良反應架喎!!!!!!  巠力!!  佢好鍾意著橙色衫...我成日話係一個暗橙份子!!  (你鍾意 Shinhwa 可以名正言順架...好多男仔都鍾意佢地!!  而且我仲知你鍾意 Eric...唔係做乜改埋同一個名o者?!  唔駛怕醜啦~~~哈哈!~~)

第六位係講野好似胡楓...身型同行路姿勢越黎越似公司其中一個老闆既 Benson...佢今年一月剛做新郎哥呢~~ 唔知幾時做爸爸呢?!  ^^

第七位係粵劇界新星...靠樣搵食既 Franky...佢唱粵曲台型十足...著起中山裝...將d 阿太殺個片甲不留...簡直係新一代既師奶殺手!!  我都就做阿太...都驚驚地第時佢係我既追星目標!!  而且佢扮花旦亦維肖維妙...真係天生食呢行飯架!!  仲有...佢響波馬方面亦好亨通下!!  嘿~~

以上既七位帥哥係咪個個一表人材呢~~ 呵呵呵 ^^

我要收集佢地 d 相 post 出黎真係唔容易架...經過一番努力的!!  (真夠無聊...哈哈哈~~) 

當我話比阿B知...我 post 左 d 兄弟姊妹相上 blog...佢問我點搵 d 相...我笑得好樣衰叫佢估下...佢估到我有d古惑...就估我用合成既方法...呵呵呵~~~ 佢仲以為估中...仲懶醒話咁易估中唔好玩...嘿嘿...邊有咁易估到我搞乜?!  不過我話比佢知出黎既反應效果...一定有d似佢睇新o個個喜力廣告咁既反應...一定會嘩嘩嘩...哈哈哈~~~ ^^

當佢睇到呢篇時...第一個反應笑到俗親...係咁咳...一路笑一路咳...都話你估我唔到架啦...懶醒!!  呵~~~ 佢話我會得罪人...乜你d兄弟會咁無幽默感既咩?!  heehee~~

 

我的姊妹團

一個婚禮的背後...需要有班美貌與智慧並重的姊妹支持才可成功...所以經過詳細的考慮及分析...終於定好我的姊妹團的人選~~~ 當然要隆重咁介紹佢地出場啦~~~ ^^ 由相識日子黎逐一介紹啦~~~

首先介紹我的伴娘 Maggie ~ 她是我的中學時期的同學...因工作地點接近...所以是我的 shopping 最佳伙伴~~ (兩個正宗敗家精獎門人!!  哈哈~~)

第二位係我讀書時一直認為係我既最佳伴娘人選的好友...只不過她一早已名花有主...很早已經搵到幸福上左岸喇...好幸福既少奶奶~~~ Wendy~~ 當年好多人追呢~~~ 不知令我多妒忌呢~~ 嘿~~

第三位都係中學同學~~~ 住響悲情城市~~天水圍的日與夜既 Emile ~~ (Wendy成日係咁形容佢)...佢響往澳洲的生活...一直都好識為自己將來打算既佢...正在搞移民中...好羨慕呢!!

第四位是識左不知多少年的靚靚 Connie ... 咁多個姊妹真係最靚係佢了...!!  希望佢早d搵到幸福...^^  不過佢咁多人追...一定花多眼亂啦~~~~ 唔怕...至緊要搵個鍚你既!! ^^

第五位係我的同事好朋友...就係高妹 Sammy 了...佢都會響今年12月結婚啊...搵到個好錫佢既人呢~~ ^^   而家佢同我一樣努力緊呢...!!

第六位係最識照顧別人...而且好大方又多人錫...鍾意睇舞台劇既 Amy...佢真係好好人架...為別人著想多過自己...喂~~~ 好錫自己多d喇!! ^__^  仲有...唔好成日喊...會盲架..!!

最後一位係我既檯號咭設計師...哈~~~ 成日話自己 16 歲扑扑趣的靚女恩...佢對愛情好專一...而且好堅持...佢愛左傑斯有十多年...呢份堅持和執著令我好欣賞...哈~~ 唔好意思...因為佢好鍾意紫色...所以想搵張著紫色衫既相出黎...點知搵到既只係呢張咁 sexy 既...@@~~ 是旦啦可...哈哈~~

姊妹們...多謝你們的支持...!!  ^_____________^ 

10月18日要好好地 " 招呼 " 各兄弟...嘿嘿嘿~~~ 拜託了喇~~!!

COUPLE選戰衣 (Part 2) (朋友限定)

經過一輪試衫影相...睇左效果...商量過及經過考慮下...決定 Confirm 下面三件戰衣喇...!!

(1) 外影婚紗 :

前面睇都幾修身...幾靚架~~~

原來我個樣呢個角度都幾好睇...哈~~ 到時要咁樣影多幾張先得...

簡簡單單的小拖尾...其實也很好看~~~

如果係蝴蝶結o個條當然係最 perfect 啦...不過機會都幾微了...算啦...緣份既野好難強求既~~

(2) 近賓晚裝 :

著起黎都幾精神丫...影相出黎d 色都好ok呀...好靚的紫色!!

oh~~後面好 sexy...呢件唔可以著 girdle...要勤d做背部磨沙呀...唔係點見人呀!!! 

不過個sales都唔幫我整好d條裙腳既...~___~"

(3) 敬酒中式晚裝 :

前面Deep V好sexy...又係唔可以著girdle架~~不過應該會加個中式結繩扣...著起黎前面睇都幾瘦啊...哈~~不過我要學下唔好寒背了...原來影相出黎真係唔好睇架~~~ 仲要買對紅色高跟鞋...如果唔係唔多靚啊~~

不過我要努力d減個肚腩先得喇...突晒出黎呀~~!!!  仲要買條束褲呀...!!  側面仲開高叉...@@~~~ 對腳都要減下...仲要去買絲襪呀!!!

背面唔係大露背添...不過露左前面...後面就唔駛露啦...費事d人眼花潦亂...哈哈~~

全程試左兩個幾鐘左右...都算快手喇~~~

今日所揀既3件衫都好滿意...最衰(1) 唔記得響榮華影件褂...(2) 溫馨又唔比人影件婚紗同埋晚裝...如果唔係就可以一次過幻想當日既6個 look 喇!!

下一步係要諗係用咩髮型頭飾黎襯 lu~~

 

去COUPLE揀衫 (PART 2-外影婚紗)

揀定晒 D 晚裝...就開始揀件婚紗黎影外景相...其實可以唔租呢件都得既...因為進場o個條其實都係著得一陣...不過阿B話驚影外影時整烏糟條裙 (佢真了解我實在太論盡了)...到夜晚會好肉酸...所以一早已決定租多一條了...對我黎講...梗係好啦...呵~~ 可以著多一款衫嘛!!

響溫馨已經揀左一條...佢地話進場要閃 D 誇 D ...所以揀左條好閃既泡泡型拖尾婚紗...其實我都幾易受人擺佈...哈哈~~ 不過溫馨無得影相...所以無得 post 出黎住...要等 fitting 先影到呢~~

出去外影...我想輕便d...當然今次要揀 A-line 啦...我要簡單既款!!  雖然佢地反對...不過我出外唔要玩變魔術!!!

呢兩條真係無乜花款...我唔鍾意絹料...所以通花尾我麻麻地...我唔適合高貴look...@@~ 呢兩條都有我鐘意既 lace 加埋 d 水晶...著起個人好瘦...但係鐘意浮誇既佢地就極力話唔好...連 carol 都話...一拎出黎佢地一定叫我唔駛試...哈哈~~ 不過都有試...@@~　其實我覺得條裙無乜野都 ok 架...因為影外影附近有好多色彩...加上花球...頸花...頭花等等...都已經好夠啦~~ 當然有d 蝴蝶結會好d啦...hee~~

之後試上次試唔到o個條拖尾蝴蝶結裙...睇相時已經好鍾意...著起更鐘意...不過無期啊 ><"  好唔開心!!

跟住試心口打個結呢條...係最新返既...個結好靚好特別...相信影相會幾好睇...不過我著起黎...好似下身麻麻地咁...可能太修身...個 hip 位唔係咁好睇...所以我無揀呢條...但細佬就話呢條係最好既!

之後試埋呢條...阿B話好睇...所以 confirm 左呢條...不過我個心繫隔離呢條...呢條有兩條架...一條絲帶係粉紅色...一條係白色 (呢條係新返既)...不過兩條都有人 hold 了...而家要等人轉款先得了...我相信都無望喇...!!

終於揀晒所有衫喇...個人好似輕鬆左好多呢...始終揀衫係婚禮既大 project...而家可以煩少樣喇!!!

不過阿B叫我要開始進行地獄式減肥...哈哈哈~~~

而 Connie 叫我好練下唔好成日寒背...因為影相唔好睇...次次試衫出黎佢都提醒我...哈哈...所以我一見佢個樣就會自動自覺廷直個身...Carol 笑我到時不如帶埋 Connie 去...哈~~

試衫過程好輕鬆...而且Connie都比左好多意見...試左兩個鐘左右...好愉快...^^  其實我都算快手搞惦喇...

大日子前十幾日左右再黎 fitting ... 佢地叫我繼續努力...試下盡力啦!!  heehee~~

由於受盡風雨的影響...個樣上左鏡實在太扒了...所以真人試衫d相唔打算公開 post 出黎喇...要睇就留言 add 埋你做朋友仔啦~~~

***

之後返馬鞍山搵埋黃老闆食飯...佢知我又搞惦一樣...都好開心呢!!  原來屋企樓下間酒樓都ok喎...下次可以轉移飯堂喇!!

***

好喇...已經響兩間租衫公司選好兩婚紗三晚裝了...至頭痛心煩o個樣都搞惦了...要開始其他環節喇!!

跟住要搞既係另一大 project...就係姊妹裙了!!!  約了其中兩個姊妹下星期三去百利探路先...希望到時可以順順利利就好了!!

 

 

COUPLE選戰衣 (Part 1) (朋友限定)

終於搞惦1018的戰衣了!!  YEAH~~~ 今次 D 衫好滿意!!  著得好靚呢~~

好期待 1018 的造型~~ ^^

試左好多之前未試過既衫...原來我都著到 Deep V 掛頸架...真係好開心...好驚喜呢!!

先後試左共15件婚紗晚裝呢~~

先睇用黎敬酒的晚裝 :

            No. 1                         No. 2                        No. 3

                    No. 4                                           No. 5

紅色系列的 No. 1, 3, 4, 5 都很喜歡...各有各靚...

No. 1 著起好似變得高貴了...好驚喜可以著到呢款衫~~ 名媛去 ball look...好正...哈~

No. 2 著起好老...好登台 feel~~~ 即刻 Out 左呢條...

No. 3 著起黎無咁大隻...又係有d似名媛去ball feel...都幾好睇...

No. 4 條裙特別又搶眼...估唔到我都著到掛頸款...影相應該幾好睇...好有話題的一條裙

No. 5 呢條都幾特別幾靚...裙尾幾靚...不過要黎敬酒就比較麻煩...

 

再黎睇下 for 近賓 or 送客的晚裝 :

            No. 6                         No. 7                         No. 8

                      No. 9                                       No. 10

No. 6 上次hold左既淺金色晚裝...今次著番又好似變得無咁鍾意喇...

No. 7 呢條d色好唔得...著起完全唔好睇...太似膚色喇...OUT~!!

No. 8 黃色裙第一次著...其實都幾靚架...不過條裙似乎又簡單左一d既...佢地話...我OK架

No. 9 紫色呢條係新返...著起好sharp...背部超sexy呢...第一次著紫色係咁好睇...幾靚~~

No. 10 粉紅色第一次著...漸變色幾靚...不過有條紅色喇...靚都要放棄了...

 

之後到外影婚紗喇~~~

                     No. 1                                          No. 2

                     No. 3                                          No. 4

                                  No. 5 & 喜愛的頭飾

No. 1 著起黎好瘦...簡單得黎都幾靚...

No. 2 心口隻蝴蝶結幾特別...可惜係條魚尾裙...著得我突肚同埋下盤橫唔好睇...

No. 3 好簡單既 A-line裙...條腰帶係水晶...不過佢地話太簡單了~~

No. 4 我最鐘意呢條背面縛蝴蝶結...好靚...不過無期...好唔開心...

No. 5 著起黎好瘦...其實幾好睇...不過太簡單了...所以只好放棄...

 

估下揀左邊幾件?!

去COUPLE揀衫 (PART 1-晚裝)

hea 左咁耐係時候要去搞下d正經野...多謝 blog 友告訴我 Couple 響六七月會返新衫...所以的起心肝約左今晚六點半去揀埋d衫...希望今晚搞惦晒啦~~

四點鐘首先去左旺角某樓上 Cafe 取訂左既 Dongwan's concert DVD & Minwoo's new CD...仲送左張網站既 member card 比我地添...好靚啊!!

之後見未夠鐘又無落雨...行左陣信和...買左個大口仔花盤...之後行女人街...本來想睇下 d tie ...不過太熱...走左去買左套韓版花樣男子就走人...

約左阿B去 YMCA 度取車...行左一半路...見個天突然黑晒...話咁快就落大雨...><"  搞到我對腳濕晒...!!  近黎成日落雨...真係好煩...而且仲咁悶熱添!!

去到百利...大細佬兩公婆已經到左...之後四條友就闖入去 COUPLE ... Carol 居然認得我 @@!!   一見我就話瘦左好多...佢真係識 tum 人...一陣我除左衫佢就睇到我真身係完全未修身喇!! 

黎左個新 sales ...um...有點笨手笨腳...幫我換衫次次都搞好耐都唔得...整件衫時又大力...成日扯到我企唔穩...有次仲唔小心拉開左個簾...走光呀我!!!   好彩我手快拉番埋...不過阿B話佢睇到!!   ~__~"  間中 Carol 幫番我換...快手好多...而且唔怕佢會用針吉到我!!

首先試紅色晚裝...因為我想租多一件 for 敬酒...唔想走動時咁阻訂...所以想搵d A-line 款式...先試左 3 件... (要睇真人示範就要加入做BLOGGER啊~~~!! ^^)

第一件係最新返的...我響 facebook 睇過...我從未試過呢d款...因為我係無乜"鬆"的...成日驚 carry 唔到...不過原來都 ok 喎...著起顯得瘦左咁...而且好似突然高貴左...因為D料好滑身...哈哈~~條裙雖然 sexy...但係好 plain...好似 d 名媛去ball咁...雖則我唔係...哈哈~~佢地話著得幾靚~~ 我都幾鍾意架...Connie 話個鬆既問題可以交比佢地 @@~~ 幫我裝假狗?!

第二件上身好多 lace 花...又有珠珠定水晶鍊響心口度...不過我細佬話顯得我個膊好橫...我都覺得個款麻麻地...著左老左十年咁...有點登台 feel...

NO. 1                                                             NO. 2

第三件著起黎都幾靚...後面條拖尾好靚...不過阿B話前面既下身位置太無野...而且我覺得敬酒時會比人跴親...好論盡咁...呢件著得幾靚下...

第四條試呢條紅色A-line ...其實我幾鍾意的...雖然係又 deep V又露背...著得好睇佢地都叫我唔好揀~~ 因為又係屬於簡單既款囉...原來我有D野遮下個膊係好D既...

正在頭痛再試邊D款好...細佬見到有D中式既裙...其實之前我都睇過下...d款好靚架...料都好廷身下...不過我成日認為自己唔夠高...唔夠"鬆"...carry 唔到 d 咁修身既中式晚裝...所以一直無諗過試...而且上次黎揀衫...保守的同學仔話呢d唔會啱我~~ 上次都無諗過試D deep V露背既款式...原來由男人黎揀衫都會有唔同既作用效果架!!

有三條中式都好靚的...而且三條都係幾sexy下...deep V露背露腿的...

第一條全紅色掛頸款...超大露背...因為我唔鍾意條領包到實...但係下身係好靚既~~~不過無試...佢地話唔好喎!!  點解唔比我試下啵...><"

條裙d圖案好靚架~~

第二條係一字膊紅色上身...下身是金黃色的...前面係開叉露腿的...有blog友曾經著過...相片已經過處理...佢著得好靚架...不過阿B話唔好...佢唔係咁鍾意黃色...所以無試到...上次同學仔話似肚兜...不過我覺得幾靚喎!!   又係做乜唔比我試下啵!!  ><"

第三條色彩好豐富...好 sexy...前面好 deep 下...後面露背...側面開高叉...@@"  我從未試過呢類衫...著起黎都ok喎...而且唔橫啊...好鍾意呢件呢...不過我個肚腩仲要努力d先得!!  Connie 話如果我怕走光...可以響前面加個中國繩結扣~~

條裙既圖案都好靚架!!  中式裙款要加 $500 呢~~~ 佢地一致鐘意我著呢條...所以 confirm 了喇...希望到時著得唔失禮啦~~

搞惦左條敬酒裙...跟住到揀送客件晚裝...其實我幾鍾意NO. 1 呢件黃色架...咁耐都未試過...所以第一件就試下黃色...其實都 ok 的...不過佢地唔太鍾意我揀d咁簡單既款囉...所以被否決了!!

第二件試番之前 hold 既 NO. 2 金黃色晚裝...件衫好輕...著起都幾好睇...不過佢地又話好普通...~___~"  唯有再試其他...不過呢條打o個個腰帶結...我都幾驚到時唔識整...打到成注菜咁...要我煩既...即係呢條可以放棄 lu...

                               NO. 1                                       NO. 2

第三件...試一條淡粉紅的...我咁耐都未試過粉紅色...呢條有d漸變既效果...條裙係幾靚既...著左都幾好睇...不過有條紅色喇...唔想再揀呢類 tone ...而且總係覺得呢類色太女仔...我驚唔太襯我...

                   NO. 3

第四件就試下d紫色系列...試過咁多次衫...試過幾次紫色...我都無一條著得好睇...一直以為同紫色無緣了...首先試條NO. 4 紫黃色既...d色著起好似同膚色好接近...而且個款麻麻地...而且d色有d沉...一定唔揀...

最後試呢條 NO. 5 上身有黑色lace 繡花...下身淡紫既...裙腳係幾層紗...好輕盈既感覺...件衫幾特別...著起黎幾好睇...不過我又唔想送客時著咁大件野...因為個門口唔係太大囉...咁咪變左企得我一個人?!  所以初時被我否決了...不過佢地話...其實可以將溫馨租o個件綠黃色晚裝轉為送客咪得囉!?  其實都ok喎...而且著紫色係 sharp d...阿B仲話著得我個人白左...聽到變 "白左"...真係精神為之一振...好心郁!!   而且細佬猛哦我...叫我要改變下D思想...咪成日低低調調咁...咪企響個台度人地都唔知邊位係新娘...所以就決定 confirm呢件啦!! 

條裙係最新返既...後面要綁絲帶架...著上身先知背部係 see through 黎~!!!   即係我剛 confirm 左呢兩件衫...都係唔可以著 girdle 架!!  今次真係突破...我未試過露咁多肉...各位親朋戚友到時就算我地酒微菜薄...見到我d肉地都一定飽架喇...哈~~

                     NO. 5                                      NO. 4

我總共試左 10 套晚裝...都好快手就決定到喇...試完晒晚裝...之後到揀件外影婚紗了~~~

(Part 2)

http://hk.myblog.yahoo.com/jew903hk/article?mid=863

終於拎左Dongwan DVD & Minwoo CD喇~~

等左好耐...Dongwan 上年演唱會終於出左 DVD 喇...今日論壇分發我地訂左既牒...

四點幾去左旺角某間樓上 cafe ... 成大班工作人員...佢地仲問我做乜咁快走呢...@@~ 我以為佢地只係拎牒...無諗住佢地響度 gathering 架~~ 不過佢地叫我下次join埋呢~~ 佢地幾好人架...成日幫我地做呢樣訂o個樣...其實好辛苦架...而且又唔係賺錢喎...所以都幾感激佢地架!!

終於到手喇!!!  yeah~~~~ 搵日重溫先得!!  呢隻dvd係我細細佬答應送比我既舊年生日禮物~~ 多謝晒!!