上次因為發燒...所以取消了 treatment...本來諗住唔book番...不過有個 sales 又打黎約時間...所以book左今晚上去做~~~
可以選擇部位黎做 free trial...我對腿咁多年都咁多肉...一於做小腿啦~~本來想做肚的...不過小腿範圍大d...好似抵d咁...哈~~~ 小女人心態~
先要度身高磅體重...做了一份簡單問卷...之後上左架 check 身體既機...其實我都有d質疑只係企上去...隻手捉住兩邊就做到分析?! 知道我水腫睡眠唔多好?! 睇得出既野黎喎?!
之後做機了...做小腿背...某幾個部位有d痛...可能我真係塞左d淋巴...其實一睇就知啦...><"
做完一邊...佢問我有冇見到成果...是否收細了少許...講真...真係唔覺喎!! 佢想搵相機影相...不過比人借左...所以無得影相!!
之後做埋左腿...今次唔覺痛...仲好舒服的感覺...差d訓著~~
就係用呢部機黎做架喇!!
又落左花園街搵伯伯...家下我認清個地步了...就係響火車站由新世紀電梯落到去...經過卓悅...再行去中間檔口條路右轉一直行...經過好多生果檔 (左手邊)...之後就會見到傳說中的伯伯了... !!
人來人往...要影得好真係唔易...所以睇到係花檔就ok明架啦...哈~~~喎?! 明明伯伯響度喎...點解唔見左既?! 我企響度影相時...好多人好奇怪咁望住我...唔係以為我係自由行呀嘛!! 我係 blog 友黎架咋!!
見d花靚又執左一 d ...
***
今日出左旺角...好多野搞...出左火車站響新世紀入面...見到有隻兩層樓高既鐵甲人企左響度...原來係變型金剛...雖然趕時間都影左兩張相...哈~~
之後趕去朗豪坊...無遲到...!!
我去左做個免費既 treatment 呀...感覺幾舒服喎...又唔痛...!!
臨走去左 check 第二次打既耳窿...左耳個窿都係麻麻地...可能下次未可以剝住...~_~"
返到屋企成十一點...因為我搭錯去荃灣方向呀...!! 明明我係去九龍塘架嘛...去左深水埗...又要搭番轉頭...近黎成日盪失路...><"
***
禽晚響大家鑊試左新出o個個鐵板飯呀...都係 pepper lunch 好食d...早兩日都去過pepper lunch...不過因為佢地壞左一個飯煲呀...原本等 20 mins ...我地等左 45 mins 先食到呀...而排隊買又用左 10 mins...不過我地只係用左 15mins就食完喇!!!
大家鑊既鐵板牛肉飯飯~~~ 唔夠黑椒無咁惹味呀~!!
估唔到咁 luck ... 777 都攞到!! 嘿~~~ 即係中左 jackpot ?!?!?!
由於要開始準備印喜帖，所以上網爬左一些關於喜帖內文既資料，順便就同大家分享下
喜帖內文格式
承嚴命與承慈命
相信很多新人在撰寫喜帖內容、喜帖內文時都有一個疑問，就是究竟在何時才需在喜帖內容或喜帖內文裡加入承嚴命與承慈命的字眼。其實，只要我們明白其中的原理，這一個承嚴命與承慈命的喜帖內容、喜帖內文問題是很容易可以解決的。
首先，我們必須明白，一般來說，喜帖/結婚請帖是以新人雙方的父母的名義發出的，而他們(理論上)是受命於自己的父母(即新人的祖父母)而發出喜帖/結婚請帖的。 這裡就是關鍵所在，所謂嚴父慈母， 所喜帖內容、喜帖內文裡的「承嚴命」和「承慈命」就是指受命於父親和母親的意思。要留意的是，這裡所指的父親和母親是新人父母的父親和母親，亦即是新人的祖父母。所以簡單地說，喜帖內容、喜帖內文的承嚴命和承慈命的用法應該是這樣的：
承嚴命：祖父健在
承慈命：祖母健在
承嚴慈命：祖父母健在
舉一個例子，如果男方和女方的祖父母都是健在的話，在喜帖內容、喜帖內文裡，男方父母和女方父母的名字上便需分別加上承嚴慈命了。
長男？長女？小兒？小女？
在喜帖內容、喜帖內文裡，新人名字之上一般都會加上他們在家中的排行，其實要留意的是，家中的兒子和女兒是分開計算的。以下是在一般情況下，在喜帖/結婚請帖上排行的寫法：
長男：家裡兒子排行最大
次男：家裡兒子排行第二
三男：家裡兒子排行第三
四男：家裡兒子排行第四
幼男：家裡兒子排行最小
小兒：家裡只有一位兒子
（家姐及細妹不計在內）
長女：家裡女兒排行最大
次女：家裡女兒排行第二
三女：家裡女兒排行第三
四女：家裡女兒排行第四
幼女：家裡女兒排行最小
小女：家裡只有一位女兒
（哥哥及細佬不計在內）
以新人名義發出喜帖的內容
以兄長名義發出喜帖
有些情況下，可能需要以兄長的名義發出喜帖。其實，這情況下的喜帖內容寫法跟平時以父母名義發喜帖的寫法沒有太大的分別，最大的分別就是對新人的稱謂了。
舉一個例子，假設發帖人是新郎 / 新娘的兄長，新郎 / 新娘排行第三，那新郎 / 新娘的稱謂就會是「三弟 / 三妹」(以父母名義發出喜帖時稱謂為「三子 / 三女」)，簡單一點的話，可以考慮使用舍弟或舍妹。當然，在此情況下，下款的名字就是兄長的名字了；而如果新郎 / 新娘的母親仍然在堂的話，兄長的名字上便需加上承慈命。
結婚註冊儀式及喜宴在同一地點舉行
新娘或新郎父母不在時的喜帖寫法
有一些新人可能會遇到以下的一個問題：如果新娘或新郎有一方的父母都不健在，喜帖內容的寫法就變成了一個問題。
其實，在這一個情況下可以有兩個方法解決：
1. 以新人名義發喜帖
以新人名義發喜帖其實是最直接的解決方法；不過，有些時候，另一方的父母可能仍是希望以自己的名義發帖。如果遇到此情況，這一個方法就行不通了！
2. 以長輩名義發喜帖
如果有一方的父母不健在，而另一方的父母又希望以自己的名義發喜帖的話，那可以考慮找一長輩，以他的名義發。
長輩方面，所謂長兄為父，如果有兄長的話，以兄長的名義發帖就最好不過的了。如果沒有兄長的話，可以考慮父系的長輩（例如伯父，叔父）；以父系的長輩發帖較為合乎傳統禮教。當然，現在的社會已不是完全的父系社會，以母親那一邊的長輩名義發帖，也是絕對沒有問題的！
父母離異的情況下的喜帖寫法
有一些新人的父母可能已經離異。很多新人都不知道在這個情況下，應該如何處理喜帖內容的下款。其實，這沒有所謂特定的寫法，最重要是跟家人商量一下，找出最理想的寫法。不過，也有一些較為常用的方法，可以供新人參考。
以下的內容皆以男家作為例子，對於女家也是適用的。
這是最常見的寫法，其實跟一般的喜帖下款沒有甚麼大分別，主要是母親不會冠夫姓。
其實這不是一個理想的方法，因為只放父親或母親名字的話，收到喜帖的朋友可能會以為是新人的母親或父親已離世。當然，與家人商量過後，有一些新人仍是會採用這一種寫法的。要留意的是，如果只放上母親的名字作下款的話，新人的名稱最好是加上姓氏，否則收到喜帖的朋友就不知道新人的姓氏了。
喜帖印刷數量計算
其實應該怎樣計算喜帖的印刷數量呢？最好的方法當然是計算清楚那一個賓客會到來婚宴了。但是如果只有一個約數，那又該如何計算喜帖的印刷數量呢？一般來說，可以單簡地利用以下的方法估計喜帖的印刷數量：
喜帖的印刷數量 = 婚宴圍數 X 12 X 0.8
舉一個例子，如一個三十圍的婚宴，那大約就需要印刷 30X12X0.8=288 張喜帖。
又係每個月一次的進度表更新了~~ 呢個月都做過下野架...有d進展...不過唔多~~要勤力d上心d先得喇!!! 嘿~~~加油~~
| 藍色字 = 剛完成, 綠色字=進行中, 紅色字 = 未進行 | |
| 婚禮日期： | 18/10/2009 (星期日) |
| 當日rundown ： | 有些少idea |
| 註册 | |
| 註册地點： | 九龍維景酒店 (晚上8:30) |
| 證婚律師： | 壹証婚服務 (7月尾或8月頭交擬結婚証明書, 未知邊位律師) |
| 戒指枕: | 大口仔-已請Ron加工制造(暑假前交貨) |
| 結婚証書簽名冊： | (1) 律師送禮盒 (2) 朋友代訂 |
| 簽名羽毛筆： | 律師提供 |
| 結婚戒子： | 已買 (J's Duet), 非常簡潔的款式 |
| 婚宴 | |
| 婚宴地點： | 九龍維景酒店 (未確定圍數及菜式) |
| 出門酒店： | 九龍維景酒店 (傾了細節, 睇左套房) ( 未訂房) |
| 場地佈置： | (1) Casablanca Flower Workshop (未有初稿) |
| (2) 樓梯佈置@維景 | |
| 婚宴音樂： | 諗緊 (在尋找中, MC提供) |
| 註冊音樂： | 諗緊 (MC提供) |
| 婚宴音樂： | 諗緊 (MC提供) |
| 成長片段: | 純美新娘 (九月頭交相片) |
| 婚照片段: | 巴黎婚紗提供 & DIY |
| 嘉賓簽名布： | 巴黎婚紗 (已取), 羅浮宮 (八月尾取) |
| 簽名筆： | 禮服大口仔&大口妹4枝 & 絲花4枝 (未做) |
| 酒水： | (1) 酒店提供汽水,啤酒,橙汁 |
| (2) 買紅酒兩箱 (大概在八月expo買) | |
| 瓜子糖果: | 酒店提供 |
| 席前飲品: | 酒店提供Fruit Punch |
| 祝酒杯: | 應該酒店會提供 (未問) |
| 結婚蛋糕: | 酒店提供三磅心型蛋糕 |
| 回禮小禮物: | (1) 已預約及落訂 (2) 未訂(已有心水) |
| Table Stand 及 Menu： | 朋友設計 |
| 賓客名單／Seating Plan： | 有初步構思, 幾頭痛… |
| Welcome Broad : | DIY (有初步構思) |
| Wedding Logo: | 阿B 負責 (未有初部構思, 佢太懶…可能會爛尾…哈~~) |
| 簽名檯 decoration: | 有初步構思 |
| 相簿區設計: | 阿B 負責 (有初部構思) |
| 男家花園佈置: | 阿B 負責 (未有初部構思) |
| Pre-Wedding／婚禮當日攝影 | |
| Pre-Wedding Photo : | 1) 巴黎婚紗 (2008年已影及2009年已取相) |
| 2) 羅浮宮 (2009-05-16已影, 八月尾取相) | |
| 婚禮當日攝錄： | 1) 純美新娘 - 攝影師:福哥, 錄影師:未知 |
| 2) Snap shot 攝影師 - Anthony,弟弟及所有來賓(HAHA~~) | |
| 禮服及配飾 | |
| 新娘 | |
| 婚紗／晚裝： | 溫馨 (1WG, 1EG - Confirmed) |
| COUPLE 囍 (1WG, 2EG - Confirmed) | |
| 裙褂： | 中五福@榮華 |
| Girdle: | 已買 |
| 束褲: | 未買 |
| NU BRA: | 未買 |
| 婚紗鞋： | 未買 |
| 晚裝鞋： | 未買 |
| 裙褂鞋： | 未買 |
| 頭紗及手套: | 未買 |
| 化妝造型： | Shirley @ Image Beauty |
| 頭飾及飾物： | (1) Shirley @ Image Beauty |
| (2) 購買少量飾物 | |
| (3) 訂了一個頸花@Ron (暑假前交貨) | |
| 花球： | 1) 絲花球 (pre-wedding photo)-Trinice Flower (已取) |
| 2) 真花球 - agnes b. florist (八月訂) | |
| 結婚禮物: | 已收到…多謝晒!!!! HAHA~~好鍾意!!! |
| 新郎 | |
| 禮服： | 溫馨 (1黑1白 - Confirmed) |
| 恤衫： | 已買 (會再買多一件) |
| 白色禮服鞋: | 已買 (adidas波鞋) |
| 黑色禮服皮鞋: | 未買 |
| 西褲: | 未買 |
| 皮帶 | 未買 |
| 銀包: | 未買 |
| 女婿禮物: | 未買 |
| 結婚禮物: | 未買 (阿B未揀定) |
| 親友及兄弟姊妹 | |
| 新郎及新娘上頭人選: | 未諗 |
| 爸爸禮服及皮鞋: | 未買 |
| 弟弟禮服及皮鞋: | 未買 |
| 伴郎服裝： | 未買 |
| 伴娘／姊妹服裝： | (1) 伴娘裙@溫馨 (Confirmed) |
| (2) 7條姊妹裙@EXING (剛落訂, 7月22日揀款度身) | |
| 兄弟服裝： | 兄弟自行提供西裝 (會提供tie, 未買) |
| 証婚人襟花： | 未諗款式 (用Trinice Flower - 2個) |
| 親友襟花/手花: | 未諗款式 (用Trinice Flower - 襟花4個, 手花6個) |
| 兄弟襟花／姊妹及司儀手花： | DIY - 襟花7個, 手花8個 |
| 花球 (for拋花球用): | 想試下 DIY…希望成功 (不過未定實有冇呢個環節) |
| 兄弟姊妹的詳細分工: | 未諗 |
| 兄弟姊妹團 | |
| 伴郎： | Eric |
| 伴娘： | Maggie |
| 兄弟： | Chris, Franky, Benson, Anthony, Hong, Chung (未搵齊) |
| 姊妹： | Wendy, Emile, Amy, Yan, Connie, Sammy |
| MC： | Angel Leung |
| 花車 | |
| 花車： | 1) 美滿 (紅色London Taxi) |
| 2) 酒店已free三小時花車, 決定用7人車 | |
| 花車佈置： | 大口仔中式公仔, 已找Ron設計絲花佈置 (暑假前交貨) |
| 兄弟姊妹／親友車： | LB's車, LB's 大哥7人車, Chris's車 |
| 兄弟姊妹／親友車佈置： | 可能買現成 或 DIY |
| 喜慶用品 | |
| 接新娘遊戲道具： | 未諗 (3級或噁心遊戲禁止) |
| 嫁妝： | 買了龍鳳鐲, 花花頸鍊, 耳環(未買) |
| 中式禮餅券: | 未買 (會買奇華) |
| 西餅券: | 未買 (請同事代買美心80張, 另訂70張Pappagallo雪糕劵) |
| 過大禮用品： | 跟足傳統太浪費! 會以果籃,唐餅及利是代替 |
| 龍鳳被： | 已買 (Casablanca) |
| 紅色喼： | 已買 (Pierre Cardin) |
| 敬茶用具： | 已買: (1)紅色小鳥茶壺@金都伊甸園,(2)囍字小紙杯@笋崗 |
| 子孫桶裝飾: | 未買 (鵬鵬@笋崗) |
| 對聯: | 未買 (笋崗 / 金都) |
| 上頭用品： | 未買 (笋崗 / 金都) |
| 紅傘： | 未買 (笋崗 / 金都) |
| 男女睡衣及拖鞋: | 未買 (笋崗 / 金都) |
| Cushion： | 未買 (笋崗 / 或買兩個大口仔粉紅色心型cushion) |
| 囍帖: | 未睇 (可能用番酒店提供的) |
| 回門乳豬： | 未諗 (或以利是代替) |
| 紅棗, 蓮子, 米, 紅豆, 綠豆: | 未買 |
| 啤牌: | 未買 (笋崗) |
| 利是封： | 已買@笋崗 |
| 花籃: | 已買2個@笋崗 |
| 衣架: | 已買4個@笋崗 |
| 佈置物品： | (1) 已買: 花瓣, 籐波@笋崗 |
| (2) 未買: 囍字蠟燭,囍字拉字吊飾,羽毛,囍字貼,絲花,汽球等 | |
| 其他 | |
| 新居： | 泰亨祠堂村 |
| 婚前檢查： | 未book時間 (已 join package, 大概7月尾8月頭驗身) |
| Honeymoon地點： | 未決定 (目標係衝出亞洲!! 嘿~) |
| 換銀紙 | 未換 |
| 擇各樣吉時: | 未擇 |
| 過大禮日期: | 大概九月 |
| 上頭時間: | 未定 |
| 新郎及新娘笑容: | 努力學習中 |
| 新娘減肥: | 掙扎中 |
| 新郎及新娘皮膚護理: | 盡量中 |
因為 exing 話隨時會加番價...雖然我約左7月22日試衫...不過未比 $$ 到時加番我價都唔出奇...所以唯有屈服...放工死死氣咁去比 Deposit...佢開完單之後叫我 full payment...但係響電話度...佢叫我比住少少錢做 deposit hold 住個價先丫嘛...咁我個身上只係得千五蚊...不過我又唔忿氣佢講左唔多算數咁...所以話只係得五百 (我無散紙咋...如果唔係只係比三百添呀~~)...佢話收 EPS都得...我話無帶咭...你奸我都奸!!!! 終於佢都係收我 $500...不過叮囑我到時要比晒...如果唔係無呢個價......一開波就遇到小挫折添@@~~~
我問左佢拎左幾張宣傳咭...話如果好既...黎緊我仲有兩個兄弟姊妹會結婚...會介紹埋佢地黎...哈~~~ 我無講大話架...真係有兩個就結婚架!! 佢仲寫埋佢個名響張咭度添~~
家下佢響張單 mark左造6條短裙...到時再改長裙...顏色到時再定...式樣到時再揀...希望到時一切順利...嘔白泡都算了...唔駛嘔血就好了~~~
又搞惦左一個項目...再黎做d咩呢?! 丫...係!! 揀帖...!! 要印帖喇~~ !! 響酒店拎左張 sample 帖...um...派比老人家會好d...唔係唔靚既...紅噹噹正宗炸彈...太中式我麻麻地...太西式我又覺得dry過頭...不過問我想要咩款我又唔知喎!! 總之揀帖都要有叮一聲既感覺先得啦~~哈~~ 可能而家講就天下無敵...到時我地呢d快刀獎門人...求其了事算了...呵呵~~
睇過 Joy's card ...d 帖款都ok既...不過總係覺得欠緊d野咁...有個優點就係有 " 電視框 " ~~
***
在百利行左個圈...響間鞋鋪度見到呢對鞋...幾靚啊...之前在網上見過架喇...!! 不過$88 又好似貴左D喎!! 再睇下先...!!
諗諗下都係決定著褂鞋了...Converse 幾時都可以著...但褂鞋就得一次機會著...所以應該珍惜機會去著的!! ^^ 大喜日子...我唔任性喇!! 我都驚第時後悔架嘛...哈哈~~~ 我係咪成熟左好多呢?! heehee~~
繼上星期多左兩個稀客一齊玩健身之後...今日又多了一位更稀的客...就係姊妹 Y ~~ 阿恩了~~ !!
約左三點半一齊北上...先去燒東西吃魚翅餐...大細佬都黎左一齊食...今次成7個人...分左三個卡座...個位置好似坐火車咁...哈~~~
大細佬話比我地知...上次去食開o個間扒房關左門...搬左去世界之窗附近...哈~~咁咪無得食囉...天啊...我既動力無左喇!! 咁以後運動完食咩呀?
大概四點左右就換好衫開始玩喇...先玩跑步機...阿恩玩跑步機好搞笑...好似小販推住架車仔走鬼咁~~哈~跑左陣就要入去單車房霸位了...今日都幾 full 下...我地七個人七架車一齊跴...好有運動精神...哈~~~今次阿 sa 跴得好左...阿恩第一次跴都ok啵~~ 佢仲話第一次出咁多汗...梗係啦...跴呢架野都幾大運動量架...!! 個個跴到大汗疊細汗...好爽~~我最鐘意玩spinning...一黎上堂咁多人...為左自尊心所以會係咁玩無咁hea...哈~~
玩完之後出去試玩左幾部機...新既太空漫步機...划艇機...樓梯機...仲有步唔知係咩機 (用腳黎跴既)...都幾好玩丫...
次次都想學人跳下街舞...不過總係跟唔到步伐...又多人圍觀喎...所以都係放棄左...
我問阿B邊部機用黎收腹好...佢好認真咁答我 : 餓過饑...!! 頂丫...等我仲咁認真諗係乜機黎?! 原來划艇機係收腹架...下次要玩耐D先得...!! 我既重災區係腹部呢~~~
沖完涼約左黃老闆食飯...今晚差唔多全海鮮餐~~~椒鹽九肚魚...聖子皇...豉汁蒸倉魚...豉油王海蝦...白焯蝦...潮州炒蜆...絲瓜炒鮮魷...豬頸肉...炒菜心...OH~~ 好高膽固醇呀~!!!! 好飽呀~~我地仲飲左汽水呀~~~咁辛苦運動完又白費心機喇...哈哈~~~ 好搞笑!! 次次做完運動都係咁食食食...
返到屋企...好似食得好熱氣咁...開雪櫃拎左盒 Dreyer's 出黎...仲要係 cookies 口味...因為百乖做特價...五十幾元兩盒呀!!! 抵呀!~~食左五份一盒...究竟我係想減肥定增肥呢?! @@~~ 我都覺得我有d誤解左減肥的方法...哈~~
