要做手術了...

晚上七點多醫生才來...真的等到人都顛呀!! 

結果令人放心得多了...只是出現了水囊...也不是什麼腫瘤...謝謝!!   可是...還是要做手術!! ><"""  因為水囊的size實在太大...3cm有多...可惡...要捱一刀...還要個多星期才康復...而且想像得到要痛很耐呢!  這個星期...阿B的耳仔一定受罪了!!  嘿~~

年紀開始大...身體的問題開始多...以後真的要多注意身體了...唉...明天要受刑了...還要晨早起來吃東西...OMG~!!   下午十二點就要進手術室了...還要打麻醉針...一定很痛的呢!!

現在胸還在痛呢...下午做x光時夾得太痛喇...

知道呢個"好"消息後...平時的我上番身...即刻同阿B講...我聽日要拆彈了...裝太耐假狗了呢...呵呵呵~~

記得下午有教會人士來臨探訪...莫名其妙的向我說了一番說話...問了些問題...實在忍不住痛哭了呢...為什麼像已經知道是不好結果般?!!  特意來安慰我一樣?!  人家正在上網唔想胡思亂想...又偏來引起我內心既恐懼......雖然是一番好意...為我祈禱...可是反而令我更不平靜呢!!   胡里胡塗的哭了一場又開始上網...真的像坐監...

晚上叫了晚餐...送來的時候覺得更像坐監...一個牒盤內有飯有餸...有個湯...還加上一個橙...!!!  加上我的間條衛衣...好有監獄風雲feel~~!!  明天應該更像...胸口給人劈了一刀...包扎了傷口...古惑女被尋仇的格局~~

不過呢度環境都唔錯...每個床位都有電視一部...剛好隔離床無人...我像包起左呢間房...希望聽日都無人啦...費事我d鼻降嘈親人啦...呵呵~~

呢度唯一唔好就係上網要每日收百幾蚊...

不過聽日我應該會好痛無咁好精神了...其實到現在我都驚...因為咁大個人都未比人湯過...但我知一定好痛...希望痛埋今次唔駛再受呢d皮肉之苦啦!!

天生怕痛的我...往往會把痛的定義放得很大......其實我應該學會感激...!!

 

 

x-ray及超聲波檢查

今日下午十二點就到達了醫院...辦好住院手續...心情很緊張...昨晚還沒用的哭了一場...真拿自己沒辦法......

在等待的中途還見到陳法蓉...好瘦呢...不過沒以前般漂亮了...若干年前在紅磡見過她...那時覺得是她最靚的時候...um...真羨慕她...起碼靚過呢~~

阿B陪到我點幾鐘...在他走後...我只有在看出門那天的短片...很回味...但很諷刺地...是在這種地方在看這樣的片......

那天真的很開心...很難忘......

***

兩點正...護士來帶我去照X光喇...嗚~~~夾到我好痛呢!!  只好邊慘叫邊忍著不動...因為再不成功又要夾多次...而且還要兩百元一張片呢!!  只好乖乖忍忍了......左邊實在夾得太痛了...身也站不直呢!!  嗚嗚~~~ 兩邊總共要照四張...唉......太折磨了......

真不敢想像做手術後的痛楚會達到第幾級......

照完X光...要等醫生看看片照出來夠清楚沒有...等待的過程...只覺得很痛......幸好唔駛黎多TAKE...實在太好了呢!!

之後過隔離做超聲波...這個不痛...不過要訓低再舉起手成45度角...先做還在痛的左邊...真的痛的要命...還要戴上口罩...有點透不過氣來的感覺...

大概十多分鐘後兩邊也完成...抹乾D o者喱...穿回衣服回房間...um...迷了路呢...帶上口罩...護士也認不得我...個個在議論我是否已做完回來...我只好不好意思地問她們我的房間在那裡...還在笑呢...呃......很無奈...不過她們的表現令我覺得沒大壓力...這裡的人很客氣...令人感覺舒服...不過我實在不想住在這裡...我只想快些回家抱著我的小狗......

***

剛有教會的人來探訪...實在忍不住...哭了一場...是的...人就係咁無用......還沒有出結果就如此了...自己在嚇自己...我也希望只是如此......很想簡簡單單的解決了......實在太恐怕了...... 在想媽媽呢...那時她承受的痛楚壓力想必比我更辛苦了...... 祝福我...好嗎?!

晚上就會知道明天的命運了......剛才姑娘給我的祈禱了...希望......也不敢寄以厚望......

 

很害怕

大概先前累壞了身子...大概壓力太大影響了心情...大概...大概......當一切應該歸於平淡的時候...身體卻突然出現了不好的狀況......上天是否太作弄人了呢?!  該感激不是在大日子之前發生嗎?!  為何要這樣大起大落呢?!  真的受不了......

這幾天不停的胡思亂想...不停的向壞的一方去想...只是想...只是希望作了最壞打算後會得到好的結果...可是...心內總有某把聲音告訴我...不是這麼簡單的......

其實...我也有問自己...在怕什麼?!  怕死麼?!  似乎又不是...大概在想...總不相信自己這麼短命...我也沒捱夠...是嗎?!  那麼我在怕什麼?!  我在想...大概怕痛...我這人就是怕痛...少少也忍受不了...聽到要做手術腳在軟...真的沒用!!  怕要做療情...怕辛苦......很討厭變得這樣軟弱......

在公司...強迫自己去忙去趕手頭上的工作...但總有停下來的時候...就在想...也不知在想什麼...間中摸摸那位置...um...仍然存在...沒有變少了......以前發夢總想夢境成真...但又相信夢和現實是相反的...偏偏當發現出了問題的那一個晚上...就夢見了我的硬塊位置變少了............... 那即是和現實相反...><" 真可惡!!  開什麼玩笑?!

明天便要進入醫院了...三天...之後又要等一個多星期才有化驗結果...從來沒試過每日過得這麼漫長......大概有結果後又不想日子過得太快了......

好驚...唔敢同朋友講......唔敢同親人講...怕他們擔心...怕他們擔心之下我更覺得有壓力...我總希望...無事之後可以像從前一樣輕描淡寫的像說笑的告訴他們有這樣的一回事...但.......

公司只告訴了兩位女同事...其中一位知道我好擔心...亦忍不住陪我哭了起來...反而我要刻制自己情緒安撫她...@@~ 另一位也勸我不要擔心...說應該沒事...臨走也走來為我打氣...很感激.....!!

而阿B就告訴了伴郎...OH~~比男人知道添!!  其實我在他們面前也一如過往說笑...可是放工的時候...他來拍拍我膊頭...說沒事的...會支持我.....當時心頭很溫暖...眼淚在眼內滾...雖然別人在這時候是幫不了我什麼...可是...一句關心的說話...令我覺得很溫暖...

人生真的是這麼無常的嗎?!  為何偏偏在我正在步入人生另一階段的時候?!  偏偏在我在想將來的三人世界的時候?!  為何偏偏在這時候出了這樣的亂子?!  很可惡!!

明天要接受檢查...嗚~~~後天要接受手術了...

前面的路究竟會係點呢?!

 

 

好擔心......

好擔心...好驚...點解變成咁啊?!  唔敢希望d咩...因為...實在太明顯了............好驚...

屋企樓下

因為屋企地方淺窄...所以阿B為我佈置左樓下個花園...大日子當日可以成大棚人響度影合照...本來仲有D汽球...之前一晚辛苦左兩位兄弟同埋二伯 & 姑仔...佢地好努力咁吹汽球...真係用口吹成幾百個波...因為買番黎既 pump全部唔 work...真係辛苦佢地呢!! ^__^  雖然第二日好多波都漏左氣...但當我入門o個刻睇到...真係好感動.......

熱鬧過後既花園...我地唔捨得拆走個花拱門...放佢響度都幾靚丫...

姊妹Y後黎同我講...佢一入到黎第一個反應就係 : 嘩~羅浮宮咩?!  比佢笑死~~!! ^^

哈哈~~呢個花槽D花係假的...二伯用我用剩o個d絲花插落去充下場面的...heehee~~

我的戰衣

Book 左帝京做出門酒店...不過佢個衣櫃好細...掛唔到d衫入去...咁我同伴娘及姊妹C就響出門前一晚就黎一場著衫預習...HAHA...將所有衫先預先黎一場試著...好彩當時有呢個突發貪玩既想法...對大日子當日真係好有幫助呢!!

我地一齊研究點樣著...點著得快D...點襯D飾物...點痴D膠紙唔走光...點收埋D鬼祟肉...好好玩...因為決定唔著 girdle...著左又唔自然反而又變肥...所以放棄...但又唔識用 nu bra...姊妹C就叫我拎出黎...佢教我點著...響佢既幫忙之下...真係自然好多...而且唔駛真空上陣...HAHA...我話比佢知有呢個想法嚇親佢呢...!!  所以當日我可以好自在...雖然個胸無變大左...不過自然對我黎講就係最靚架喇...HEEHEE~~

Couple 真係好...每件衫都包我頭飾同頸鍊耳環...終於大部份都係用佢d飾物...反而 mua o個d只係用左一個頭飾......我好鍾意中式o個 set ...好特別好靚...而紫色o個 set 條鍊我初時好抗拒咁大抽...不過襯埋件衫出黎效果好好...白色o個d就無用過...而個蝴蝶結頭 cool 就用左黎送客用...全部耳環我都無用...因為我驚敏感...所以用番自己o個d...雖然細抽好多...呵呵~~

而襯婚紗我就用左自己買o個條珠鍊 & 手鍊...蝴蝶結耳環...加埋mua 個小皇冠...好簡單...姊妹C見我大部份野都係用蝴蝶結...仲笑我蝴蝶結狂.....

大日子戰衣排排掛~~~

以上有兩件衫...令我好擔心...綠色o個件甚至放棄左再租多件黃色黎頂替 (遲D會講詳情)...不過姊妹C話唔好浪費...響佢幫忙之下...肥肉收埋左...出黎效果都好OK...所以當晚我多左一件席前衫喇!!  好彩有綵排...HAHA~

而中式o個件係著黎敬酒用...其實我好擔心走光...而且著出黎又好暴露咁...自己睇到好唔慣...好擔心d賓客接受唔到...但最後居然係呢件最受歡迎...一出場好哄動...嚇死我...跟住仲排長龍出黎補影相...@@~ 之前一晚我一著 (無著束褲)...姊妹C仲笑我肚腩大過胸...!!   不過餓左成日個肚腩當晚好幫得手自動匿埋左...我老頂仲笑住叫我唔好咁著返工...佢驚d同事唔專心做野...haha~~ 呢件衫真係租得極之抵!!

花球DIY

原本打算有拋花球呢個環節...花球其實亦已經整左...不過最後因為時間緊迫...所以最後取消左呢個環節...個花球都無白費既...當日下午外影時都拎過出去影過下相架...不過未有相睇唔知影出黎係咪好肉酸呢?!

呢個係婚前一晚整架...haha~~ 係將剩番既花求其束埋用條絲帶縛起就搞惦喇...全程唔駛一個鐘......

用完之後第日放左響酒店無拎走 lu...因為太多野拎喇...仲記得幫我執野d waiters 好多怒言呀...話我地超多野呀...當然佢唔係響我地面前講啦...但比我 brother 聽到呢!!