好朋友的大日子 (PART 2)

晚宴前...我就要展開我既兄弟助理既職務...同阿B一齊忙住搞個 reception 同相簿區佈置...有限既材料...整出黎不過不失啦~~~新娘子滿意就得喇...佢地見到盤筆猛問係咪買架...當知道係DIY既時候覺得好神奇咁...好開心呢...heehee~~~^^

呢六支簽名筆及四支姊妹筆...比我地大日子o個D更受歡迎...最後一支都無得留底...全部比人拎走晒!!  其實有人欣賞我都覺得好開心...不過無留底一枝比新娘子呢~~ @@~!!

因為只有兩位較年輕又無經驗既姊妹響 receiption 座陣...其他既分完錢就失晒蹤...所以我只有留底幫佢地派入座咭...佢地兩個好搞笑...真係緊張到成晚無乜坐低...一聽到係女家既親朋戚友就好緊張...因為多老人家又講d聽唔明既福建話...我地同佢講野又唔理又唔明咁...好彩女家有位好盡責既姑姐留響度幫手...如果唔係...我地一定整鑊粥出黎...!!

兩位年輕可愛的雙妹o麥~~

.

阿B整既檯咭..D賓客覺得好有心思...因為係同檯咭係一套的...!!  而且好多見到有入座咭好似好神奇咁~~@@!!

有兩個小妹妹響度扮簽名...好搞笑又得意呢!!

成個小明星咁...真係想咀啖佢~~~

一對新人送比賓客既小禮物~~ 筷子一雙~~!!

好顛的一班 MC 及姊妹化妝師~

準備証婚儀式~~

呢位律師先生惹黎全場不滿...因為佢既語氣太命令式...搞到有少少群眾起哄...而且又遲到...講野又快到聽唔清楚...之後仲好快唔見左人 @@~~ 只係留底好多卡片叫個MC幫佢派比人...好商業味重~~~ 趕住返屋企?!  之前阿B七點九打比佢...問佢響邊...佢話黎緊...仲問阿B搭地鐵響邊個站轉的士黎近D?!  呢D唔係應該你之前做定功課既咩?!  終於八點三先黎到...!!  八點半就進行儀式...準備功夫完全唔夠!!  感覺唔太專業及尊重!!

好得意既兩位小妹妹後黎仲手拖手...即慶上台合唱一曲黎祝賀一對新人呢~~~實在很可愛呢 !! ^^

兄弟A都人緣好喇...公司大部份老闆及員工都黎飲...我仲見番舊公司既老闆...佢仲認得我呢~~ 不過佢老左好多咁...

呢位係舊老闆既大佬...依然咁大聲...不過親切左...無以前咁串呢...HAHA~~ 佢初時唔認得我...後黎話我變得女仔左所以唔認得@@~~ 不過我用手勢扮整眼鏡既樣...佢就認得喇...!!  哈~~

呢位係舊上司...依然咁客氣...^^

呢位都係舊上司...我話比佢知我剛結婚...佢仲話以為我唔會嫁添 @@~~ 因為當年實在太男仔頭了!!  佢最搞笑...拎佢部相機出黎影多張合照~~!!

呢兩位都係舊同事...點解佢兩個都好似無老過咁既...係咪以前已經老定左呢?!

呢位變化最大...不論職位同外型...而家入股左舊公司呢~~ 可能變得更有錢...就會變M字額了...heehee~~^__~

呢位係兄弟H...初時D舊同事唔認得我...仲以為我係佢女友...HAHAHAHAHA~~ 佢好受d女同事歡迎呢...成晚比人捉住合照...我叫佢收每位兩舊水...佢話睇黎要收五舊...haha~~

兄弟 G 的家人...

我既小花女...!!  我叫佢要向高發展...唔好再向橫發展喇...亦已經叫佢好減肥了...不過佢話唔駛!!  哈~~ 我讚佢響我大日子既表現好叻...好多人都讚佢同另一位花女...佢遺傅左佢爸爸既口才...即刻讚番我...話我o個晚好靚...佢鍾意紫色同埋中式o個條裙喎...真識貨...haha~~ 佢爸爸仲猛追我拎o個晚中式裙既相...佢勁鍾意o個條裙...呢條裙真係租得抵...!!

我地既成長片段中刻意放左一D好友既合照在內...所以佢地睇到份外感觸投入...估唔到...兄弟A都係咁...哈~~~果然有義氣...!!  其實我地無約定咁做...大家係不約而同...果然係老友!!

大家真係不知不覺識左好多年呢...響互相既婚宴中見到比較年輕時代既自己以及一起成長既同伴...雖然樣子好老土...唔係呢D場合都唔會再拎出黎...但係真係覺得好開心...真係人生有幾多個十年...呢份友情真係好難得!!

晚宴後...我地載其中一位MC E返屋企...佢都係兄弟A既同事...佢突然問我係咪就係兄弟A口中常提及既 " 四眼妹"...哈~~ 係丫...我係丫...已經好耐無戴眼鏡...但係佢地依然係咁叫我@@!!!   從MC E 既口中知道...原來兄弟A好重視送比我地既結婚禮物...周圍搵人幫佢訂番黎...因為佢實在太想送呢份野比我地...其實我有嫌棄過架...哈~~因為又係擺設...好阻訂...亦知道唔平...但係我未開黎睇...@@!!  其實聽到佢咁重視...就算佢送舊炭黎我都會好開心...因為有佢既真心就已經好足夠...!!  佢絕對係有情有義...雖然佢個性姿柔慢吞吞令人有點激氣...哈哈~~你急佢唔急...仲要大條道理...即使係咁...我地都會義不容辭搞好佢既婚禮...

當佢敬酒到我地張檯時...佢同我地講...真係唔知應該對我地講乜...o個刻真係唔駛多講...真係盡在不言...朋友在心中!!   當有人讚佢d野搞得靚既時候...佢好開心同人講好彩有阿B呢位兄弟同埋有位姊妹 (乜唔係兄弟助理咩?!  哈~~)...其實只要佢兩公婆開心...我地都會好開心呢~~!!  ^^

新婚愉快啊~~老朋友!! ^^  記住帶D澳洲鮑魚比我地就得喇...嘩哈哈~~~

好朋友的大日子 (PART 1)

剛過去的星期六...係我地多年好友"兄弟A"既大日子...o個朝好凍...吹到個人都顛...

我地八點就去到紅磡佈置花車...早餐無得食...但就食左張牛肉乾...@@~~ 阿sir好比面...話只係抄一架車既牌...真比面...就係抄我地o個架!!!

先響花車前裝模作樣咁影相...佢地又跳又扮型...但無我份囉...!!  我既身份比較特別...派左封利是比我...響後面寫左今次我響呢個大日子既角色名稱...好搞笑既 title ~~~~ 兄弟助理!!!!  @@!!!

兄弟A的兄弟B & 兄弟助理J...HAHAHA~~

上到女家...好多人呢~~ 姊妹團已經準備好晒玩班兄弟...好彩我只係助理...唔駛被玩...阿B都好好彩...佢揸住部相機無人搞佢~~ 好好睇場GOOD SHOW...HAHA~~

姊姊們都幾花心思~~

先黎甜酸苦辣...兄弟A要飲四杯唔同味道既奇怪飲品...仲要飲完一杯就要講句符合味道既四字祝福語...好易過關...

接住黎係要錫九次 (長長久久既意思)吊在屋頂印有A嫂樣子既咭紙...場面好搞笑~~

之後要新郎哥加四位兄弟著上紙底褲...前面及後面分別都有兩個心...每個心都寫上一個字...之後仲要大聲讀出黎...真係笑爆咀...

再黎就係將班兄弟既咀唇畫上紅色唇膏...仲要出晒界...之後用咀傳張透明膠片...哈哈~~~鏡頭下好似兩位兄弟在互咀呢~~~ 爆笑十足...!!  玩完之後先發覺...隻唇膏係唔易脫色既...搞到班兄弟成班烏咀狗咁...笑死~~!!

之後新郎哥再要用日本芥辣黎刷牙...哈~~ 再黎讀篇三字經既愛的宣言...好長好有心思!!  呢班姊姊確係勁呀!!

好惦既三字經愛的宣言!!

姊妹們收到開門利是...幾開心~~哈哈~~ 九萬九千九百九十九...豪比佢...HAHA~

經過咁多重既考驗...A嫂終於出場了!!  嘩~~ 佢滿身金器!!  @@~~  都未進行敬茶儀式呢...之後係咁收金器...睇到我地眼瓊瓊...家下金價係咁升...好羨慕呢!! 

D手指都滿晒戒指...勁~~

哈~~睇黎阿B都幾有潛質影SNAP~~

其實只要有幸福笑容...個個新娘子都係好漂亮...所以...各位姊妹...大日子當日...要笑多d啊~~~

富貴的方氐夫婦!!  新郎哥仲收到兩條連牌既金鍊...我地仲話好似睇住兄弟A出嫁咁...HAHA~~ 你地就發啦...又金又勞~~

之後去男家...女家有個習俗好搞笑...伴娘要拎遮呢樣唔奇...但係伴郎原來對手仲忙...要拎燈...仲要係一對...而且唔可以放底...直至去到男家...哈哈~~~我地係咁成日笑伴郎...兩盞燈又搞野...有插蘇的...我仲成日叫佢快D響個身上搵個窿插著佢地...HAHA~~

到夜晚睇朝拍晚播時...睇到佢拎住呢對燈...個個都狂笑...哈哈~~~

GO TO PART 2

http://hk.myblog.yahoo.com/jew903hk/article?new=1&mid=2856

為兄弟A做的姊妹支票, Floor Plan 及 Table Card

我地大日子當日為姊妹做了一張姊妹大支票...兄弟A及A嫂覺得好靚...所以叫阿B幫佢地整一張...比個驚喜佢班姊妹...設計完後又交比我地既無間道姊妹Y...請佢拎去Banner 公司整...佢一見到個銀碼就話整蠱佢...因為上次整o個張個銀碼好大...搞到佢玩開門利是o個時講呢個銀碼暗號好論盡...講極都講唔到...哈哈~~~只係一味話 : 九千萬...九千萬...總係講唔出之後既數字...笑死響房入面既我~~ 仲話佢無鬼用添...haha~~ 而今次個銀碼就容易讀得多~~~

上次個銀碼真係幾大既...haha~~最搞笑係當姊妹Y好努力咁話九千萬既時候...不知情既姊妹W居然話: 咁多?!  九萬九得啦~~~

真係搞笑...咩意思?!  我唔值咁多?!  邊有人嫌開門利是多架...HAHA~~

***

而另外幫兄弟A整左個 Floor plan ... 好囍慶的感覺...^^

經過上次既經驗...發覺唔 show 個 seating plan 出黎係會好 d...起碼再調動座位方面會容易一點...其實派左 table card 已足夠呢...!!

***

檯咭今次只係好簡單 PRINT 出黎...效果都幾好...不過要花時間底面用雙面膠紙痴合...有想過拎去過膠...不過覺得影相出黎唔多靚...現場睇又會反光影響觀感呢~~

終於拎左姊妹裙

下個月就輪到姊妹S的大日子來臨了...本來她在 Exing 已訂了姊妹裙給一眾姊妹團...點知間衰野突然執左...所以她又要為我地四出張羅姊妹裙...終於去左對面鋪買現成的...可能近年尾的關係...間鋪特別忙...我第一次去時受到 sales 的不友善待遇...其實我真係入去試身都係用左唔夠 3 mins ...但係我響鋪頭就企左 10 mins 先有人理我... 仲要好冷淡...係咪真係比晒錢就要咁呢?!  有時都要靠D客既口碑先響呢行站得住腳嘛...都唔明D鋪頭點諗既......

終於第一次無功而回...我已經唔再揀其他款...去到只係要求睇下其他姊妹揀左乜款...我已講明 confirm 要佢地揀既短裙款...儘量簡單化...佢拎左條大碼比我試...試出黎佢話條裙唔啱我...叫我著中碼...點知佢又唔係比件中碼我...我響更衣室裡面等左陣見唔對路...就大聲叫出去問係咪比緊件中碼我試...點知佢先話我知要訂番黎...@@~~ 咁又唔早講...我響裡面除晒衫等緊架嘛!! 

之後寫番低條裙既資料...但佢又無問我叫咩名電話 no. 等...我就問佢 : 咁你點搵我黎試呀??  佢居然話你要黎試就先打電話黎...咁我都要知幾時有得試架嘛...!!!  佢又答左好似無答咁話: 條裙一個星期返又唔定...兩個星期又唔定.......真比佢吹脹...!!

其他兩個姊妹拎裙去改時都遭遇黑面的對待...~___~"

後來發覺...我條裙已經係最無問題最快搞惦既一條...@@~~

點解間間鋪都係咁既呢?!

***

今日我又打去問...終於話有得試...又要麻煩新娘子打去再 confirm...放工約埋另一姊姊落去試裙...去到人山人海...好難先入到鋪...但d sales 同我地又好似雞同鴨講咁...搞左好耐先分得清我地係一個黎試裙...一個黎拎裙...終於比左件中碼我...不過一拎上手就發覺條裙係走晒紗既...又要拎過第二條...終於入得去試...其實仲有鬆的...不過唔想叫佢改喇...而且我都唔想太窄食唔到野做野又唔方便...所以見無乜大問題就 ko 左喇!!  到時都會著件披遮晒...就咩都唔覺架啦...不過著左呢條裙...顯得個"鬆" 好誇咁...太突出了...@@~~ 有點唔啱比例添...我驚到時比左d錯覺d兄弟...以為我地呢班姊妹發育得零舍好...haha~~~ 結婚o個時都無咁大胸...hahaha~~

而另一姊妹條裙...佢都無拎到改左o個條比佢...反而拎過條新既比佢...@@~~ 因為我地費事再煩了...呢個時勢都係早拎到裙就安心好多...所以佢都係就咁拎走...唔駛佢地再改了!!  後來先記得蝕左改衫錢添!!  @@""

登...登...登...呢條就係我條裙喇...其實我做咁多次姊妹...都係第一次著姊妹裙@@~~

條裙個款簡簡單單...其實都幾好睇的...不過隻蝴蝶結條帶長d會好d...家下個長度好似有d唔長唔短既感覺...衰B玩野話...比佢剛用完既兄弟 tie 比我駁長佢!!  @@~~!!

我著過條裙比阿B睇...佢話好似 "妹妹"裙...@@~~!!  佢問我做乜唔著長裙...因為...我唔想加錢囉~~ 而且大部份姊妹都係呢款短裙...所以一 SET 感覺會好D... 雖然我都覺我已幾廿歲人仲學o靚妹著短裙有點那個...哈哈~~ 不過我相信著起黎都幾好睇掛...

至於鞋就會用番我結婚時既婚紗鞋...對鞋係尖頭鞋...著成日唔知我會唔會抽筋呢?!  哈~~

終於搞惦喇~~~ 咁姊妹S就可以專心去迎接佢既大日子喇!! ^__^  祝一切順順利利...開開心心!!