隨筆

為了慶祝維他奶 70 週年...一口氣推出70多款的不同祝福語盒面的奶奶...之後 d friends 響 facebook 係咁派奶...成個畫面都比奶奶洗板式的侵佔...哈~~

同事送左盒實物版的維他奶給我打氣...真係多謝晒啊~!!!  ^__^

終於去左配眼鏡...對上一次配已經係五六年前...哈~~塊鏡面已經好花喇 (上圖)...因為呢副都係響屋企用...平時都係帶 con 多...不過近黎覺得視力好似差左咁...所以去驗下眼...原來只係左眼多左 50度散光...其他近視度數無變喎@@~~!! 

而家d眼鏡款差唔多...都係不同色既四方框...我揀左我鍾情既 b 仔框 (下圖)...呵呵~~~ 仲要係淺紫色...heehee~~~ 戴左好斯文...heehee~~

買左支唇彩及遮瑕膚...因為有 vip 邀請咭...送左盒 b 仔朱古力...好靚呢...有d唔捨得食啊!!

Shinhwa 12 週年喇~~

金烔完Blog2010photolog更新—神話12周年紀念日
2010/03/23 23:12


為了紀念12周年朝牛排館gogo~
雖然沒能見到andy..ㅜㅜ
但是包括andy那份在內全都喝光了 所以沒關係!

圖片附件: 5644da18c610a37342a9ad79.jpg (2010-3-23 11:53 PM, 43.18 K)

嗯.我們同乘一艘船在兇險的大海中航行.
但是成為風的人，成為太陽的人
以及製造了那艘船的人 全部都不會忘記
後輩們也會那樣吧....沒有能獨自發光的星星不是嗎.~*

圖片附件: 27fd3de684053b18b8382079.jpg (2010-3-23 11:53 PM, 57.25 K)

-
p.s.

圖片附件: 0dcbe8ca320fa2cb53664f78.jpg (2010-3-23 11:53 PM, 80.5 K)

<版權人 2010 金烔完. 禁止擅自轉載-再傳播.>
-
可以轉去fansite~^^


出處：dongwan   blog
翻譯：jojoyu7@shinhwachina

Wan日記上神話12周年紀念日蛋糕

轉自: 百度東萬吧


好靚呀.....

圖片附件: 1.jpg (2010-3-24 07:24 PM, 73.51 K)

圖片附件: 2.jpg (2010-3-24 07:24 PM, 43.82 K)

圖片附件: 3.jpg (2010-3-24 07:24 PM, 62.57 K)

圖片附件: 4.jpg (2010-3-24 07:24 PM, 54.07 K)

圖片附件: 5.jpg (2010-3-24 07:24 PM, 52.16 K)

圖片附件: 6.jpg (2010-3-24 07:24 PM, 50.26 K)

圖片附件: 7.jpg (2010-3-24 07:24 PM, 41.54 K)

Our Sweet Honeymoon Trip ~ Day 5@奧地利, 列支登士敦, 瑞士琉森 25/10/2009

奧地利既景色原來都好靚架...一朝早出酒店外...居然見到山上積滿雪...令我地想起日本既富士山呢~~~ 真係好靚啊!!

之後出發去參觀 Swarovski 總部...呢間係慶祝成立一百週年而建造的水晶世界博物館...女仕們簡直磨拳擦掌...興高采烈...個個都罕有地留心導遊既介紹...而男仕們就個個扮比周公招左去傾計咁...哈哈~~

 門口已經周圍都係水晶石喇...裡面應該更不可思議.......

哈~~門口既設計好得意呢...!!  唔扮下野都對唔住個設計師呀...!!!  heehee~~~ 門票要保留呢...有 discount啊!!!

入到去...真係令人好興奮...呢世都未被水晶包圍過呀!!  仲有幅大水晶牆呀...鑲有12噸水晶的水晶牆呀!!!   仲有間會不停轉顏色既房...周圍閃呀閃...好幻彩...童話故事呀!!!  可惜...我只係童話故事入面既女巫而唔係公主...嘩哈哈~~~

響入面閃到頭都暈...眼都花......

參觀完...梗係要去做 d 香港人至熱衷既事...就係放血喇!!!  呢度磁場好勁呀!!!  哈哈~~~ 個個團友係咁買鵝仔產品...而限定版水晶鉛筆係香港無架...佢地就狂掃黎做手信...@@~~!!  其實一支都唔平架架!!  而且仲係支鉛筆...只係筆頂有d水晶包圍住...好睇唔好駛o個d...個個拎住個購物籃係咁狂掃貨...@@!!  個個都好似已經陷入迷失既世界...哈~~搞到導遊不時在我地身邊提醒要去結賬...而我都係鵝仔迷...不過成熟款唔啱我...只係響度買左幾條手鍊比朋友及花女...一條頸鍊比朋友...而阿B就買左隻狗仔擺設...哈~~後黎返到HK...發現同我好多年前買既狗仔係一模一樣呀!!!   而家變左有一對囉~~~!!   因為花多眼亂既關係...又想買呢樣o個樣...最後只係買左條骷髏骨頭頸鍊......仲慶幸自己好清醒......點知後黎響法國又出了一桶水晶血...哈哈~~~

不過我覺得至搞笑係...響香港入鵝仔鋪買野...d sales 會好謹慎帶晒白手套咁拎d水晶飾物比你睇...又要用鎖匙黎開櫃...鋪晒絨布咁......(其實買鑽石都無咁誇...) 響呢度...水晶變左林x記o個d 朱耳繩咁...全部掛晒出黎...睇啱就自助式放落購物籃...究竟係咪真係物離鄉貴呢?!   人離鄉賤 (←狂買野...haha)...@@~~ 而且埋單好似超市咁...o都一o都..求其包一包...比一個紙袋仔你拎走...@@~~!!   當期時有一個感覺...一直以為幾高貴下既鵝仔...點解身價突然變得同我響花園街買珠鍊咁上下既?!

領隊話...一定要去看看洗手間...因為水龍頭好靚!   用手摸摸側邊..水就會發亮地流出!   哈~~ 唔好意思響裡面影比大家睇添...!!

奧地利...風景真係好靚........後來至知...茵斯布魯克係奧地利最美麗既山城...!!

之後又要出發去下一個國家喇~~~~呢個國家個名...我讀左好多次先記得緊...就係郵票小國~~~列支登士敦...首都名係華多茲...真係細到唔細既國家仔呀!!  導遊話只要行一個鐘左右就會行左呢個國家一個圈喇!! 

呢度周圍都有牛鈴售賣...不過唔平架...但係真係好靚...幾大個都有呀...導遊話買一個比老公掛響頸度...佢去邊你都會知道...哈哈~~~

至於山上既皇宮...我地無上去參觀...只係響山腳影左個模型~~~

之前響意大利寄唔到既 postcard ...我地帶埋黎呢度寄...又響度買左幾張...不過埋單超貴...兩張咭...五個郵票...要成百幾蚊呀!!  @@~~~ 而且d手信真係貴到無朋友呀!!   可以比 Euro 不過就會找 瑞士法郎...下下都六七十蚊港紙呀...一個磁石貼咋...雖然我地去每個國家都會買個磁石貼...貼在家中的雪櫃...不過咁貴...我貼張歐羅上去好過喇!! 

因為今日係 SUN 既關係...郵局唔開呢...OH~!!  呢個邊係郵票小國丫...物價貴到似吸血王國多D囉!!

午餐就響呢個細少國家既餐廳食呀...仲有個情侶雅座添...不過另一對新婚夫婦坐左...我地只係借黎影下相扮野...

食飽飽之後就去另一個國家喇...真係駛過條馬路就進入瑞士境內喇...!!  外國真係神奇...不知不覺就會進入第二個國家...哈哈~~ 因為完全唔駛過關嘛...但係點解反而同係中國人...我地出入大陸要過關既?!  @@~!!!

瑞士...一個令我至有期望既國家...因為傳說中既瑞士好靚架嘛...HEEHEE~~其實進入瑞士境內...所有山呀草呀都係好靚...真係度度都係一幅畫...導遊叫我地全個行程搭車都可以訓...但係入到瑞士景內就千祈唔好訓...因為呢D景色真係值成幾千蚊團費...HAHA~~~ 訓左真係好可惜架!!

我地在琉森度漫步教堂橋...條橋比花包圍住...響度真係好舒服......我好鍾意呢度...好平靜...唔似意大利咁緊張...無時無刻驚有扒手......

水塔花橋  Water Tower and Chapel  Bridge

這條斜跨在羅伊斯河上的古橋建於 1233 年,至今已. 有六百六十多年的歷史,是瑞士非常著名的一座木橋,也是全歐洲最 古老的木. 橋。 從十八世紀以來,卡貝爾橋和它旁邊矗立在河中的水塔 ,組合成琉森市區、乃至瑞士的風景象徵是世界遊客到瑞士後不會遺漏的景點。 

十角水塔

超過34米（111.5英尺）的塔樓約在1300年前後建成，最初是城牆的一部分。曾經用作檔案館，金庫，監獄和審訊室。

為免琉森市(Luzern)不受外敵侵擾, 約在14世紀, 該市便興建聖堂橋 (Kapellbruecke)作自衛之用.  直至17世紀, 該市加設以瑞士歷史為據的圖畫在簷樑上作裝飾.
然而好景不常, 在1993年8月13日一場大火中, 這橋的極大部份都付諸火炬中, 幾經搶修, 新的聖堂橋才可再於在翌年4月14日重開. 可惜的是橋上的大部份畫作已不復再.

導遊帶我地每人拎張 coupon 去換左隻 rolex ~~~~~匙巾仔紀念品...哈~~買唔起勞...都撈到支匙巾..HAHA~~ 團友忙於購買名表...我地只係夠錢買軍刀仔......@@~!!  同埋幫襯左個 toilet...因為呢度唔駛比$$去...

我地仲買左幾個 macaroon 黎試下...雖然好迷你...不過實在太甜了...好睇唔好食...!!  特別係個開心果 (綠色o個個)...非常之怪味呀~~!!

晚餐時...有D阿太興高采烈談論買勞過程...又不時伸手出黎 show quali...haha~~ 其實感覺幾搞笑...有個阿太...佢話自己第三次黎歐洲...但佢個款真係成個街市賣菜o個d 阿太...不過佢買名牌絕不手軟...可以用快狠準黎形容...真係好羨慕囉!!  呵~~~

晚飯後...我地去左琉森的中央車站下面既超市~ 因為我地要買朱古力和可樂...HAHA~~

歐洲國家d可樂都幾貴下...所以我地去掃定d存貨 (用黎搭車時響車度飲)...下下響加油站買都係唔化算...樽裝可樂成廿幾蚊一樽呀!!  超市為十九蚊左右...已經令我地開心左好耐...哈哈~~ 有個團友仲搞笑...佢係無可樂唔得o個隻...有次買左樽係四十幾蚊...@@!~~  所以佢就狂掃...點知比佢見到一公升裝特價都係廿幾蚊...佢仲考慮買幾支...好彩佢老婆阻止佢咋...佢講笑話買黎響車一杯杯咁賣比團友...哈~

跟永安~ 食住行程都唔差......

申請伯大尼資料

在教堂舉行婚禮是很多女孩子的夢想，但基於不同的宗教信仰，一般的教堂未必會將場地外借予非宗教信仰人士。伯大尼小教堂自然是圓教堂夢的途徑之一。

這座已有130年歷史的小教堂，於1875年由巴黎外方傳教會建成，為本港一級古蹟建築物，同時現為香港演藝學院的校舍，因此在租借及場地佈置上都有一定的規則。如果打算租用伯大尼舉行婚禮的準新人，就需要留意以下的事項﹕

 

租場價目及時間﹕

• 用伯大尼小教堂進行婚禮 HK$4,800 / 2小時，公眾假期額外收取租金的15%為作為附加費。
  
• 租用者需另付HK$5,000的清潔及損毀按金，如場地在歸還後並無損毀或需另外清潔，按金會於活動完成一個月後，以支票形式退還。
  
• 星期一至六的租用時間為 10:00am 至 12:00n，1:00pm 至 3:00pm 及 4:00pm 至 6:00pm。星期日為 1:00pm 至 3:00pm 及 4:00pm 至 6:00pm。延長租用時間的收費為 HK$1,200 / 半小時起。
  
• 所有婚禮採排活動亦需租場，收費為 HK$2,400 / 1小時起。
  
• 為免影響教學，上課日之出租時段或會有所不同。

婚禮儀式﹕

• 由於小教堂屬於香港演藝學院的管轄範圍之一，沒有無何宗教背景，亦非政府認可的婚禮註冊教堂，如準新人想邀請神父 / 牧師於伯大尼主持婚禮，準新人需要各所屬的教會查詢相關的條例及認受性。
  
• 新人可以直接聘請婚姻監禮人主持合法婚姻。
  
• 其他宗教儀式的婚禮，準新人需要向香港演藝學院客務部查詢。

場地設備及佈置﹕

• 小教堂設有100個座位，並提供基本電力及空調系統，場內的U型門廊可作休息化用。準新人可以使用場外的傷殘人士洎手間更衣及化妝。
  
• 婚禮當日小教堂門外將設有迎賓枱一張，配銀灰色曳地枱布，尺寸為75cm X 180cm X 高 74cm。
  
• 場內的CD機可免費借用，另聖約翰座堂備有電子管風琴可供租用(租借費用﹕HK$600)，租用無線咪 (1支，不設支架) 收費為 HK$480。準新人須於最少兩星期前通知客務部有關租用安排。
  
• 準新人可自行委託花店或製作公司安排場地佈置。惟伯大尼是歷史建築物，場地佈置會有一定限制。場內外禁止所有掛牆裝飾／氫氣球／花鐘，小教堂內的祭台亦不可放置任何物品或裝飾品。小教堂外所有地方，不可作任何佈置或裝飾。

參觀場地﹕

• 學院可為已租用場地的準新人安排於星期一至五的辦公時間內預約參觀(約10-15分鐘)。準新人可選擇購買法國巴黎銀行伯大尼博物館門票並參加附送的導賞團，行程包括參觀建築物的重點復修項目，但若參觀地點有婚禮或其他活動舉行將不會開放。

泊車設施﹕

• 伯大尼校園提供有限的時租車位。首 10 分鐘落客時間免費，其後每小時收費為港幣40元／小時(星期一至六)，星期日及公眾假期港幣 25元／小時。
  
• 學院可提供2個免費泊位予租用者，準新人須於婚禮前一星期提交兩個八達通卡號碼及車牌號碼作登記。已登記車輛可於租場時段內免費停泊於伯大尼停車場內，而每張八達通卡將於入閘時扣除港幣 10 元作行政費用。
  
• 如準新人欲租用旅遊巴接載賓客，為安全理由，請選用28座位或以下大小的車輛，否則賓客需於校園閘口外下車並步行至小教堂。請注意，伯大尼與中華廚藝學院為兩個獨立且無關聯的機構，中華廚藝學院的停車場只作其院校之私人用途，並不開放與公眾，而最近之客用停車場位於置富花園。

其他注意事項﹕

• 學院範圍內，嚴禁吸煙。
  
• 小教堂內禁止飲食及點燃蠟燭。
  
• 演藝學院及聖約翰座堂均享有租用場地的優先權。

租場流程﹕

• 首先要聯絡演藝學院客務部查詢及預留場地。
  
• 簽妥租務報價表、所需文件、資料及支票。
  
• 客務部以郵寄方式寄出合約，內附「場地租訂合約」，簽妥後寄回客務部。
  
• 學院只接受 12 個月內之租務申請。現正開始接受客人預訂2011年2月份之伯大尼小教堂租用。

 

 

地址﹕香港薄扶林道139號
查詢電話﹕2584 8633

Our Sweet Honeymoon ~ Day 4@威尼斯 &amp; 奧地利 24/10/2009

今日係蜜月之旅既行程第四日...oh~~朝早起身依然落雨呢...!!  今日我地向水都威尼斯進發呀...哈~~係意大利既威尼斯...唔係澳門既威尼斯人啊...heehee~~  我對呢個地方有點期待呢......

全球氣候變暖，以致海洋水位上升，科學家估計在不久的將來，世界上有好幾個近水的城市，將會被水淹沒，而意大利的 威尼斯 是其中一個。

是實上，威尼斯本身是不斷的向下沉，再加上全球水位上升，這可算是加速「悲劇」的發生，是的，絶對是一個「悲劇」，如果 威尼斯 沉沒的話，不單是人類歷史、文化、藝術上的一個浩劫，相信 威尼斯 獨有的性格與氛圍，是世界上沒有其他城市可以取代的。

在船上...望到威尼斯的沿途景色...個個團友都已經好興奮...不斷係咁影相...而且亦開始見到幾日無見既藍天喇!!!  yeah~~!!  太好了~!!

水都...不但周圍都比水包圍住...連遊人都多過人...導遊不斷的提醒我們要小心荷包...連帶我既神經都不自覺都緊張起來...一比人群包圍...我地就會神經質咁要殺出重圍...哈~~真係有點剎風景囉!!

威尼斯上好多橫街窄巷...導遊很細心的畫了一張自製地圖給我們...哈~~還細心地講解...講真...佢唔講真係睇得唔多明...!!

途經嘆息橋(Bridge of Sighs)...可惜維修中...只看見中間的部分...真的大剎風景呀...!!   咁都要爭取時間賺廣告費...!!  令呢個原本浪費既地方變得好重商業味呀!!

若論世上水鄉之最，威尼斯(Venice)當之無愧，這裏五步一河，十步一橋，四周都散發著一種無比魅力，五彩十色的景緻，倒映在河道之上，就像一幅又一幅萬分精彩的水彩畫，都是名家的非凡傑作。

行程包我地坐貢多拉 (Gondola) ....好可惜我地既船夫唔係靚仔...我覺得佢似海盜多d...哈~~ 四人一艇...同行團友還開了手機播放音樂娛樂我地添...呵~~

因為水高橋低的關係...好多時船夫要訓底用手按低船尾才可通過...場面好搞笑呢~~!!

宏偉的「聖馬可廣場」(San Marco)可算是集威尼斯(Venice)全城美麗於一身，全城的生氣和活力都集中在這裏，四周全是金碧輝煌、精雕細琢的重量級建築，雄峙廣場的聖馬可大教堂(San Marco)，層層繁複的拱門、石柱、雕刻、壁畫、巧妙結合了拜占庭、羅馬和哥德式的建築風格；廣場上鋪天都是鴿子，蓋地則是遊客，每當鴿子聯群飛過之時，場面煞爲奇觀；廣場另一側是露天咖啡座，有樂隊長駐表演，當奏起一些經典情歌之時，氣氛益發浪漫。

因近年禽流感的關係...所以當地政府已立法禁止餵白鴿...如果違規的話...就要罰款呢...不過都有人偷雞去餵呢...!!  其實我都有d驚...驚d鴒響我地頭上送大禮啊!!

唔知係維修定有咩原因...廣場上有很多大型廣告 banner 呢...um...有點格格不入既感覺呢!!

下午我地響島上既餐廳午餐...呢餐好豐富...仲有當地好出名既墨魚汁麵...其實我對黑色既食品感覺麻麻...味道還可以...個炸海鮮真係好好味...都係至欣賞個雪糕...不過唔敢食得多...始終呢幾日有點水土不服呢...意大利既水真係好大陣味啊!!  好難飲...!!  鐵人B食左呢餐後都開始有D水土不服...當晚佢仲發燒添呀...好彩訓左一教出左身汗無事咋!!

午飯後...整個廣場都水浸了...!!!    大教堂入口都浸滿水...
當地政府於是用一些木板"建築"了臨時高架路給遊人行走...
這是因為威尼斯下沉...還是因為水位上升了??
於威尼斯也不難找到一些"水浸"的痕跡...看看大運河兩旁的建築...下層可以見到有"兩節顏色"...
其實就是因為這些問題...那條"線"也就是現時水浸的最高位...

為左衝出困局...唯有照踏水而行...我對鞋就係咁入晒水喇!!  嗚嗚~~~

很開心...今日天色相當好呢~~!!

到了San Marco附近...街道上有些小販車仔檔,...都是賣嘉年華面具...手信等等...這些面具"像樣"一點的...動一動手都要€ 20- 50...而且還是 made in China...都唔知應該驕傲定失望好囉...哈哈~~~

周圍逛一逛...這裡的商店很多...目不暇給...意國商店最可取之處...
我覺得就是他們對櫥窗的陳列好講究...每間小店子的櫥窗都是"獨有特色"的...

意大利比我既印象無想像中咁好...可能治安無咁好既關係...令到個人成日提心吊膽咁...@@~~ 而且間酒店點都唔肯幫我地寄 postcard...!!!!  等我地帶住去第個國家寄...一d都唔貼心!!

離開威尼斯後...我地向下一個國家進發~~~~奧地利!!

到達奧地利既茵斯布魯克已經係傍晚...首先帶我地去參觀金屋頂...大致上係睇下以前d達宮貴人坐響某個類似而家包箱既地方...佈置得金壁輝煌...不過又高又遠又黑...又無留心聽書...所以睇左都唔知睇到乜...哈哈~~ 對奧地利既認識...似乎只是水晶...呵呵~~~

參觀之餘...導遊介紹我地食德國腸...成團人響個檔口仔度排晒隊買腸食...唔係係真係好味定因為天氣開始變冷既關係...好多人都買完一條又一條...哈哈~~ 其實下一站就係去食晚餐架喇!!

今晚進餐既地方...檯上佈置非常考究呀...o個張餐巾靚到丫...我 keep 左幾日唔捨得扔呀...哈哈~~~ 真係好鄉里下!!!  嘻~~

聽日就要開始出呢個行程既第一滴血了...嘿嘿~~~