2010-05-08 即興長洲遊 (Part 2)

食完海鮮...就出沙灘行下喇...好耐無黎喇...其實真係唔覺有乜改變...丫...都有既...東堤o個邊無以前咁熱鬧喇...可能近年太多人響度燒炭...d 渡假屋都無人敢租啦...而且已經變得好舊呢~~~ 有 d 剛剛在裝修...不過我相信未必會回復番以前咁樣喇!!  其實而家 d 人入黎租邊度住既呢!?

呢個時候既陽光係全日最猛既時候...阿B都有D怕左太陽伯伯...但係見到海呀沙呀咁...都幾開心架...好彩有D風啦...無咁辛苦......今日都幾多人黎玩水...不過實際遊游水既又唔係好多...好多帶埋小朋友黎玩堆沙...好溫馨呢~~!! 

長洲出左個玩風帆既李麗珊...不過今日只係見到得一個人響度玩呢...以前阿B都有同同事一齊玩架...不過響西貢...而家佢就咩都無玩喇...因為佢D玩伴呢...個個玩D佢未有既玩具~~~ 就係揍仔女喇!!  呵呵~~ 所以放直昇機...小型賽車...放模型車...風帆呢D項目都擱置晒喇........

D 水好清涼...好舒服!!   其實一向我都怕水的...不過人大左...反而有點想學人落水玩下既感覺...@@!!

呢張好搞笑...哈哈~~~ 個肥仔個表情....哈哈哈~~

響度玩左一個鐘左右...真係開始頂唔順喇...晒到個人好慶...阿B條頸晒到好紅開始痛喇!!@@~~ 所以我地就決定去掃街~~ 搵野食!!! 

上次見到同事D相...見到呢串薯片...覺得好得意呢...所以一於買條黎試下先!!

即叫即整...自己加鍾意既味精落去...有很多款選擇呢...咖哩...蒜鹽...七味粉等等...我地揀左鹽...咖啡粉...味道幾好喎!! 

食完D熱氣野...就走去食雪花冰...老闆話佢地係請教台灣地道師父架...所以好正宗喎~~!!  初時我仲以為係請台灣師傅黎整添.......@@!!

我地叫左兩隻味道...一隻係芒果士多啤梨...另一隻係新出既豆腐花味...兩隻都好好味呀...不過要食左淡味既豆腐花...之好食濃味既芒果士多啤梨呀...如果唔係就會被搶晒味架喇!!

因為出面實在太熱...所以我地響度坐左好一陣...HEEHEE~~ 真係好遊閒呢~~

食完又周圍行...經過一檔賣烤魷魚及巨大魚旦...梗係要試下啦~~~ 每人買一粒大魚旦 ($7 兩粒) 黎試下先...哈~~ 調味品又係自己落...阿B整左D甜醬落去...自動變左個卡通樣出黎...好搞鬼...哈~~~我地再買左隻 $35 既魷魚...好香好好味呀...不過趙到我地口都軟呀!!  @@!!

周圍行...食下雪條...買下紀念品...真係好渡假 FEEL ...好開心好舒服呢!!

行到六點左右...決定返香港先食晚飯...因為食得太多野喇...仲未落格呢...所以就去買船飛...不過快速船要七點先有...所以唯有搭番普通船...坐頭等...因為想涼冷氣........哈~~點知上到船...見可以去船尾坐...我地就決定唔涼冷氣...響度吹吹海風...睇太陽落山喇!!

吹左九個字海風就返到香港喇....今日真係好開心呢!!  所以...我都係鍾意無乜 planning 既即興活動...好玩又特別........heehee~~

夜晚既 IFC 真係幾靚好宏偉呢......我地臨離開碼頭...影低左去南丫島既船期表...不過原來唔係咁多班次咋...所以唔可以 SAT 放工玩即興入去呢...@@!!