20100501 夜釣墨魚

今日約左班朋友仔出海釣墨魚...早在十年前左右去過一次...不過我地全艇人都係無收穫...只有船家有收穫......其實我對釣魚興趣麻麻...因為我唔鍾意搞d魚餌...d味道好難聞...哈~~所以我都係做唔到稱職既太太啦...我好怕烏糟!!

未出發之前...去左 1881 出面影左陣相...其實我都係第一次黎呢度.......

之後響集合地點~~~ 鐘樓又影左一陣...感覺自己好大陸人...哈哈哈~~

尖東夜景真係好靚...但係太多大陸人喇...好點嘈......

架船遲左成廿分鐘先黎到...只係有點過份~~!! 

上到船...出左海一陣就先開餐...到會既野...有 sandwiches, 雞翼, 腸仔...飯...炒麵等等...都幾大堆頭...味道比想像中好喎!!  食得好飽...哈~~~ 一陣出到海...如果暈船浪都有野嘔下......哈~~~

等左成晚...全船人都係同一動作...不過墨魚影都無見過.......只係見到好多魚仔同埋水母......正當失望同埋好多人已經放棄既時候...突然發現幾隻墨魚蒲頭...個個都發出歡呼聲.......哈~~~不過船家大概驚我地臨尾先黎有收穫...變左佢要幫我地整...所以急急話要回航了...呃~~~ 真係狡猾啊!!  @@~~

今晚又整到隻右手...UM...再係咁不斷整親....我會唔會變殘廢呢?!