今日 lunch 有時間剩...所以就雕左我人生的第一個橡皮圖章...其實真係好難控制把刀...用左半個鐘左右...雕左隻無手既聾貓出黎...哈哈~~~ 不過未試印啊...因為我無印台呢..... 所以唔知效果係點...不過遠睇還可以...近睇d線超樣衰...... 唔知點解雕完之後我覺得對眼好"劫"...唔通我對 d 橡皮膠敏感...@@~~~
登．．．登．．．登．．．
我既劣作呀～～～～ 刻得有點求其．．．還需要好努力先得．．．．．．
2010年6月30日 星期三
2010年6月23日 星期三
2010-06-20 我最愛的日式飯
阿B煮野食都有少少心思的...呢款就係佢成日整比我食既日式飯...真係我既至愛...食極都唔會厭的~~!! 簡簡單單...平時唔好米飯既我...都會食到一粒米都無剩!!! 
2010年6月21日 星期一
什麼店尋寶
上幾個星期見到有 blogger 發現斷貨多時既橡皮膠出現在什麼店!! 即刻出動去採購...點知旺角無...火炭無...灣仔無.......有點失望......
不過前幾日有 blogger 維維小姐又發現 mega box 有大量存貨...所以今日放工後即刻叫阿B陪我去掃貨........!!!
其實呢間什麼店同火炭都差唔多大...不過賣既野就吸引好多...哈~~可能火炭o個間我已行慣...賣d咩都睇慣......所以去到第二間就好似發現新大陸咁......
終於見到傳說中既日本三層橡皮膠喇...比想像中細塊呢~~~只有大概 8 x 10 cm...因為怕生手容易刻壞...所以買了十 多塊...有排玩了!! 而呢度仲有幾款彫刻刀選擇呢...我買多了一把丸刀......
我掃完之後有個男生又黎掃貨...佢好有良心咁拎剩一塊...@@!! haha~~
唔駛擔心...其實仲有大把貨呀...放左響第二邊呀!! 睇下~~~幾震撼~~用 iphone 影得有點手震...haha~~~
以下係我今日既收穫~~~嘻~~
這橡皮膠還是 Made in Japan 的呢...三層分別是藍色...白色及黃色...很精美...!!
還買了幾塊木頭仔...可惜搵唔到迷你 size 的丸刀...只有中及大 sizze...試下好無用先...
呢d手工紙係用黎遲d整野用的~~~ 多顏色又花 look look ...啱我!!
買左兩個 postcard holder 用黎入我地既足跡...嘻~~~ 仲有個細 holder 遲d用黎入住橡皮圖章既原稿...
仲有呢兩包雀仔夾...好靚呢...雖然未知有咩用...HEEHEE~~~ 丫... 試下彫呢隻雀都好喎!!
掃完什麼店...行左去隔離鋪頭...嘩...好多俄b 啊...不過我好乖...忍手一個都無買!!! 不過我實在好喜歡最上面o個個大袋呢...嗚嗚~~~好唔捨得...唯有影低啦!!
實在好可愛的樣子...!!!
食完飯...臨走前睇班人比賽打冰上曲棍球~~~ 好刺激呀!! 而且d運動員好似好型添呀!! haha~~
手臂的創傷
右手的手臂...一直都係咁痛...可能因為實在太唔小心...唔係比人整到就係自己論盡...有幾次無拉拉都撞埋牆...真係懷疑自己係咪發雞盲......
早兩個月前睇過趺打...係好左d咁...不過轉頭又拉傷左...轉睇西醫...佢話我應該係拉親筋...肌肉發炎...睇左兩次普通科醫生...食左兩次消炎藥...擦藥膏...無效!!! 完全無減輕過痛楚.....其實都好困擾...因為開始影響我日常既生活...手開始不能向後彎了...代表問題嚴重了!!
唯有轉睇骨科...每次都五百幾落樓...又係比消炎藥...食左三次 (每次七日藥)...都係無乜效...又唔寫紙比我去照 x-ray...其實都開始擔心係咪有其他問題存在?! 但次次骨醫左按右按我隻手又唔痛喎...係要郁到某一個位就好似甩骹咁痛...隻手係痛到唔識"第"起...o個種刺痛的感覺...我真係唔識形容!! 我直覺係d骨既問題.......
而家骨醫寫紙轉介我去做物理治療...成四百蚊一次...><"...book 左呢個 Friday 做...希望會轉好啦...!! 最無奈係骨醫先生叫我唔好灰心.......~___~" 咁反而令我更擔心....
近呢兩個月我不停咁食呢d消炎藥...轉過幾次藥都係完全無效...食咁多藥...真係有點吃不消...搞到我個人都腫起黎!!!
唉...仲想開始試玩橡皮圖章...隻手舉耐d都痛...嗚嗚~~~真係無晒心機呀!!
2010年6月20日 星期日
都未見過d狗仔個頭亂過d o靚仔架!! 
2010年6月15日 星期二
1018大日子商戶評價
籌備婚禮的過程...其實我地無做詳情的 research ...只係諗到做o個 part 就搵o個 part...因為我地本來就係無乜計劃既人黎...一路籌備先發覺可以選擇既已唔多...@@~~ 至頭痛係場地問題...一黎我地圍數唔多...變左可以選擇既地方都唔多...睇啱既又已經比人 book 晒...一係就貴到痴根...終於搵到個唔多就腳又唔可以加圍數既地方......
(1) 婚宴場地 - Metro Park Hotel Kowloon (九龍維景酒店 - 維景廳)
2010年6月14日 星期一
橡皮圖章
近黎無所是事...響 yahoo blog 周圍睇...已經開始將有關婚禮的事淡忘...哈~~~當初還以為我在婚後會寫成年關於婚禮既事...果然我還是本性難移...一發現其他好玩的就將應該難忘的事淡化了...HEEHEE~~ 其實我只係放在心中...記在腦海中...唔通一直寫已經成為事實既過去的事嗎?! 所以有些人說差D唔記得我已經結左婚...哈~~~有時自己都忘記自己結左婚...因為我依然係咁任性無聊...一D都唔似人地D溫柔太太...要我好似小綿羊咁...成日嗲老公...我接受唔到咁既自己囉~!! 所以我應該要學做女人...哈哈~~ 不過都無乜可能改變到什麼的了......
記得上年籌備結婚既時候...見到好多 bloggers 都自學雕橡皮圖章...覺得好神奇好好玩咁...不過籌備婚禮既時間已經唔係多...得o個8個多月...如果仲整埋呢d唔等駛既野...我驚有人會變成黑白天鵝...呵呵~~~所以一直將呢件心事放埋一邊.........
而家已經好少去 D 關於結婚既 blog...反而去d手作仔既 blog 度留連...發覺 blog上既高手真係好多好多...真係令我大開眼界...!! 好羨慕她們都擁有一對巧手 & 心機...整蛋糕...整麵包...煮餸...整賀卡...做衫...整袋......太多了...而我......只係懂丫大個口嘩嘩嘩~~~
所以決定試下自學雕橡皮圖章...因為呢樣好似比較平宜...哈~~ 買了一堆工具...依然在研究階段...哈~~~我係個好奇怪既人...唔會一拎起手就去試做...@@~~ 總好似要配合天時地理人和才可開工咁.......heehee~~~ 擇緊個吉時開工的了.......嘩哈哈~~
響 洛 ON 買左盒膠印仔...呢個就係我既目標人物!! 唔知幾時我會擁有第一個自己整既圖章呢?! 呵~~~
2010年6月11日 星期五
淘寶熱
近黎同學仔鍾情響淘寶買衫衫...因為佢公司D人都響淘寶買買買...買個不亦樂乎...哈~ 講真...單睇價錢真係好平...而且運貴又唔貴...一件都係幾廿蚊...但響香港 D 鋪頭就賣百幾二百蚊...@@~~ 搞到佢都心郁郁想自己拎貨...之後放上網賣......其實會唔會真係有一番作為呢!? 似乎真係可以諗諗喎!!
今次我都加入佢既行列...揀左呢堆衫黎買...當同學仔睇到d衫既款時...即刻笑...佢話一睇就知我會揀呢d款...@@~~ 可能我都係鍾情 causal wear 啦...太時款o個d唔太啱我.......呢d T-shirt 類完全係我杯茶......不過唔知今次呢間d質地好唔好呢?!
2010年6月7日 星期一
無心戀 BLOG
近黎越黎越唔想理個 blog ...一黎因為太多垃圾 msg...Delete極都有...又唔想全部 set 私友化...好矛盾........ 搞到清理完一輪都用晒我 d 時間...磨折晒我d心機.......加上都無乜特別野好寫...返工...放工...玩 facebook...行街食飯...唔通下下都影相寫上黎...又好似為左個 blog 而生活咁......或者我生活太平淡...哈~~~
生活雖然平淡...不過我仍然會為自己加點色彩...呵呵~~~我依然有行街買下 d 無謂野...都話女人有錢就身痕...無錢o個d更痕 (即係我呢d
近黎鍾意左呢隻俄羅斯妹~~ 所以就買左幾樣野黎 tum 下自己...想自己開心ddddddddddd....
雖然明知白色殼袋落袋會易烏糟...不過無第隻色選擇...就睇下佢靚得幾耐啦~~~好鍾意呢!!!
另外買左兩樣文具...做野見到都醒神d ~~~ 希望啦!!! XD
訂閱：
文章 (Atom)