今晚係公司一年一度的 Annual Dinner...都係響富豪酒店食...oh~~~噚晚先響同一集團既麗豪食團年飯...又係食類似既野...真係有點滯又悶的感覺...@@~~
全晚最期待既梗係抽獎時間啦...公司算唔錯的了...人人有份...連嘉賓都係...獎品唔差架...最細份都價值成千五蚊...最大份既差唔多七千架~!!
我同阿B既抽獎咭呀~~!!!
我地兩個既係中間既獎...都唔錯啊...每人仲有一千蚊 CASH 架~~~~
食完之後...我地想響前兩年既位置影番張相...點知準備影既時候就關左燈...原來一到十一點就關燈...@@~~ 所以我地向另一未關燈既方向影啦~~~!!! @@!!!
睇左好耐...一路都缺貨的 GF2 ...見今年加人工同出 bonus 都唔錯...所以為左獎勵下自己...前一排終於忍唔住訂左喇...今日有貨...YEAH~~~
仲係未識點用...搵日要出去試下機先得~~!!
因此結婚時買落好多太興金豬劵...所以一有機會我地就會去呢間食野...我地簡稱為"免費飯"...哈哈~~~因為次次埋單都只係比coupons加幾蚊...咁就走得...!!
23/1 我地行沙田...今年沙田既佈置...我覺得無乜特別...!!
行行下...見有d肚餓...就走左去太興食下午茶...呵呵~~~呢個餐蛋麵好正呢~~!!!
近黎發覺 yahoo 又出左問題...我無晒 d bloggers 呀 ><"
而且有時睇唔到 blogger lock 左既 blog ...快d整番好啦...!!
話時話...會唔會有朝一日...唔見晒自己寫既 blog 呢?! 好驚啊!!!!!!! 
上星期某日...是阿B的特別日子...哈哈~~~ 所以...雖然我病緊...不過為左滿足佢既小小願望...所以我做左好耐無盡既本份...就係去街市買餸玩煮飯仔喇!!!!!
近黎天氣好凍...我又凍親氣管...搞到又傷風又咳...去到診所...嚇死我...成十幾廿人等緊...護士話起碼個幾鐘後先到我...我又唔想坐響診所大家交叉感染...所以去左食下午茶...
睇完醫生就衝去街市...我做晒功課架喇...所以好快就買晒我要買既材料!!! 之後再去睇下D蛋糕...OK搞惦!!!! 返屋企!!!
我買左咩?! 登...登...登...就係呢D喇...快手快腳搞搞搞...呃...個衰野返左黎又多手幫手搞搞搞....
終於準備好晒 D 材料喇...!!!
之前我問過佢想今日去邊度食...佢話想我煮...!! 哈~~ 超易滿足的男人!!! 雖然我黎黎去去都只係識 D 皮毛...不過我都搵過下資料架...當然係就住我既水平黎搵啦~~
特別的日子的平凡餐單 :
(1) 豉油王雞翼
(2) 欖菜肉鬆四季豆
(3) 三色椒炒雞柳
(4) 老黃瓜赤小豆扁豆湯 (後黎先知...原來呢個湯比較適合夏天飲...咁凍應該煲d潤d既湯...heehee~~~學神係咁上下了...
開始煮餸喇....係時候要做番D阿太做既野喇!!!!
第一牒豉油王雞翼...樣 OK 掛...@@" 味OK架!!!
第二道菜...就係炒豆先...!!! 再撈埋D欖菜肉鬆落去!!! 炒炒炒~~~
登登登~~~ 欖茶肉鬆四季豆!!! 我地都係第一次整...!! OK 喎!!!
最後上牒既係三色椒炒雞柳~~~ yummy~~!!!
哈~~~ 我真係好認真響之前寫左張餐單出黎架!!!
搞惦晒...食得!!!! 因為驚多餸所以我地無煮飯呀...點知...阿B後悔呀...因為食食下覺得送飯仲好味...嘻~~~ 佢仲話日日都係"特別日子" 就好喇喎!!! 你就想~~~呵~~
開飯喇!!!!
阿細~~~ 你想食咩?! 哈~ 梗係啦...雞肉佢至 LIKE呀!!
食完飯...我仲洗埋碗添呀...哈~~~ !!
之後睇陣電視...特別的日子梗要食下蛋糕啦~~~ 最搞笑係之前一晚放學返屋企時...佢突然同我講 : 乜你今日唔係去整蛋糕咩......?! 嘩哈哈~~~ 真係唔好意思喇...!!! 呢日唔整啦~~
哈~~舊曆生日蛋糕呀~~~~!!!
有冇見過人咁許願?! @@~~~!!!!
祝你心想事成...身體健康呀!!!!!!!!!!!!!!
今晚...你滿意嗎?! 呵~~
嗨~~~ 舊曆生日快樂呀!!! 嘩哈哈~~~~
煮完呢一餐...我病到而家仲未好....嘩哈哈~~~ 一個星期了~~!!!
