2011年1月19日 星期三

特別的日子...要做特別的事情

上星期某日...是阿B的特別日子...哈哈~~~ 所以...雖然我病緊...不過為左滿足佢既小小願望...所以我做左好耐無盡既本份...就係去街市買餸玩煮飯仔喇!!!!!  


近黎天氣好凍...我又凍親氣管...搞到又傷風又咳...去到診所...嚇死我...成十幾廿人等緊...護士話起碼個幾鐘後先到我...我又唔想坐響診所大家交叉感染...所以去左食下午茶...


睇完醫生就衝去街市...我做晒功課架喇...所以好快就買晒我要買既材料!!!  之後再去睇下D蛋糕...OK搞惦!!!!  返屋企!!! 





我買左咩?!  登...登...登...就係呢D喇...快手快腳搞搞搞...呃...個衰野返左黎又多手幫手搞搞搞....  好忙...哈哈哈~~~~ 細細就全程入埋黎痴住我地...佢成日用好奇怪既眼光望我呀!!!!!   望咩望...未見過我響廚房咁耐咩?! 





終於準備好晒 D 材料喇...!!! 


之前我問過佢想今日去邊度食...佢話想我煮...!!  哈~~ 超易滿足的男人!!!  雖然我黎黎去去都只係識 D 皮毛...不過我都搵過下資料架...當然係就住我既水平黎搵啦~~


特別的日子的平凡餐單 : 


(1) 豉油王雞翼


(2) 欖菜肉鬆四季豆


(3) 三色椒炒雞柳


(4) 老黃瓜赤小豆扁豆湯 (後黎先知...原來呢個湯比較適合夏天飲...咁凍應該煲d潤d既湯...heehee~~~學神係咁上下了...)





開始煮餸喇....係時候要做番D阿太做既野喇!!!!  





第一牒豉油王雞翼...樣 OK 掛...@@"  味OK架!!!





第二道菜...就係炒豆先...!!!  再撈埋D欖菜肉鬆落去!!!  炒炒炒~~~





登登登~~~ 欖茶肉鬆四季豆!!!   我地都係第一次整...!!   OK 喎!!!





最後上牒既係三色椒炒雞柳~~~ yummy~~!!!





哈~~~ 我真係好認真響之前寫左張餐單出黎架!!! 





搞惦晒...食得!!!!   因為驚多餸所以我地無煮飯呀...點知...阿B後悔呀...因為食食下覺得送飯仲好味...嘻~~~ 佢仲話日日都係"特別日子" 就好喇喎!!!   你就想~~~呵~~





開飯喇!!!! 





阿細~~~ 你想食咩?!  哈~ 梗係啦...雞肉佢至 LIKE呀!!





食完飯...我仲洗埋碗添呀...哈~~~ !!


之後睇陣電視...特別的日子梗要食下蛋糕啦~~~ 最搞笑係之前一晚放學返屋企時...佢突然同我講 : 乜你今日唔係去整蛋糕咩......?!  嘩哈哈~~~ 真係唔好意思喇...!!!  呢日唔整啦~~





哈~~舊曆生日蛋糕呀~~~~!!! 





有冇見過人咁許願?!  @@~~~!!!!





祝你心想事成...身體健康呀!!!!!!!!!!!!!!





今晚...你滿意嗎?!  呵~~





嗨~~~ 舊曆生日快樂呀!!!  嘩哈哈~~~~





煮完呢一餐...我病到而家仲未好....嘩哈哈~~~ 一個星期了~~!!!  


3 則留言:

  1. 生日快樂~~~~~
    仲有你要小心身體呀~~~
    [版主回覆02/03/2011 16:20:00]老公話多謝你呀^^
    今日年初一呀~~祝你兔年行大運...樣樣順利又開心^___^

    回覆刪除
  2. d餸好ok. Happie Birthday to B.
    [版主回覆02/03/2011 16:21:00]煮餸技巧我還需要好努力...哈哈~~
    老公話多謝你呀^^

    回覆刪除
  3. 幾時整返件細既丫~!????
    [版主回覆02/03/2011 16:22:00]考慮緊...hahahaha~~

    回覆刪除