2010 年的蛋糕作品

自問唔係一個乖乖既太太...又唔細心...又唔識浪漫...因為總覺得呢d係男仔做既野...女仔係要人錫架嘛...!!  嘩哈哈~~~ !!  比人縱壞晒!!  嘿嘿~~~ 其實我都已經有進步啦...起碼...我會去學整蛋糕 tum 下人嘛....!!  不過都係講左幾年近黎先實行...

話時話...呢兩個月黎我已經學左七款蛋糕了...都有少少心郁想自己響屋企玩下...不過太多工具要投資...又阻地方...所以一直都無行動!!

2010年...呢一年對於我黎講係一個大躍進呀~~~ !!!

七個中有三個係凍餅...難度真係唔高...可以響屋企自己整...因為都係搞搞搞...之後雪下就食得...!!  反而要用焗爐整有海棉蛋糕底既蛋糕就難控制 d ...因為個蛋糕好唔好食都係靠你搞得好唔好...!! 

七個之中...我覺得最好食係原味聖誕蛋糕...蛋糕好軟熟...而阿B就話係蜂蜜桂花蛋糕...我地一致覺得唔好食既係薄荷朱古力軟心蛋糕...可能唔鍾意薄荷又唔太好朱古力掛...而且個蛋糕硬身左少許呢~~!!  凍餅製作時間短...通常一個鐘就搞惦...呢三個都好味...係個 Tiramisu 裡面d 咖啡手指餅沾太多咖啡有點苦...個 cake 味道可以...

黎緊都仲會去學整餅...都係會一班人去學...試過自己一個人去學...總覺得有點孤獨寂寞的感覺...可能我都係鍾意依嘩鬼嘈既人黎...一班人呱呱嘈嘻嘻哈哈點都好過獨樂樂...!!  朋友...除左可以分憂之外...至重要係開心既時候都要預埋對方的~~!!

學了七個蛋糕後的感想...整蛋糕...真係易學難精......!!

一班人的學習過程中...亙相扶持...正相鼓勵...友情很可貴!!!

之後...還想學整曲奇 & 朱古力!!!   努力!!!!  加油!!!!!!!!!!!!!!