食左幾次 buffet & 放題...真係唔肥就出奇...食到都需要透下氣...hahahaha~~~
2012-02-20 i-square 打邊爐 (戶井北海道米比薩)
環境比較細 & 迫...之前有朋友食過...已報料話食牛食豬就得喇...其他食少少無妨...
安格斯牛肉 和 黑豚肉 都唔錯...我地係咁 ORDER ...應該都返左本...HEEHEE~~~
因為其他既真係好普通...都係丸呀菜呀咁...唯一一樣令佢地讚不絕口就係烏冬...
我地叫左個豬骨湯 + 壽喜湯...原來即係甜豉油湯...不過都幾好味...但係就越食越覺得好咸囉...!!
全餐至令我期待的就係呢款燒蕃薯雪糕喇...!!
不過係有點失望......
朋友叫的紅豆綠茶沙冰... 佢話好麻麻地......
呢個我叫架...不過除左綠茶雪糕外...舊蕃薯我覺得麻麻地...可能我唔好蕃薯啦~~~~
而阿B就話幾好味~~~~
呢日仲有個意外驚喜係...一個好耐無見...最後相認番的朋友...
佢用速遞 SEND 左盒自家製 COOKIE 比我試下...知佢整餅叻...都係第一次試佢手勢...
收到真係好感動又好開心...而且佢整得真係好好味啊!!!
多謝身邊總有班愛錫我的朋友...
哈~~~上面仲寫住希望趕得切三點三 HEA TIME~~~ 好搞笑~~!!
2012-05-04 Mega Box 利寶閣打邊爐
呢次既邊爐真係至差既一次...後來有朋友講起...佢都食過呢間...爐又唔識滾...野又唔好食...
一人一爐唔同湯底...環境闊落...好似唔錯咁.....
我叫左個沙嗲湯底...阿B就叫左個黑松露上菌湯底 (其實無乜味的...)...兩個朋友就叫左個莞莤皮蛋湯底...
我的沙嗲湯底...一黎到比佢嚇死...我最後 "畢" 左一碗油出黎呀!!!
之後個湯底唔識滾熱...要成日用蓋 "come" 住...
總之我地四個爐...不時總有一個要用蓋的...因為成日都唔識熱囉...
唔只係我地發生呢個問題...隔離檯比我地仲厲害...滾都唔滾下...叫左部長黎理論...
食物方面...可以用差黎形容...一間咁大既酒樓無理由會搞成咁囉...!!
至搞笑係我地班傻人...居然至回本嗰隻安格斯牛肉...只係叫左一次...仲要得一人一片...哈哈哈~~~~
諗番起都覺得好笑...!! 不過講真...如果佢係好食既...我地又唔會咁笨啦...!!
本地肥牛...賣相唔得...而且仲好肥...唔好食...!!
唯一係 d 蝦都 ok 既...
至於雪糕...係埋單時...每人一杯...仲要好細杯...!!
呢間其實可一不可再...嘩哈哈~~~~~~~~~~~~~
好在...我地最大目的唔係食野...係聚下傾下計講下笑...不過我地咁低食物要求都做唔到...真係丫~~~~~
沒有留言:
張貼留言