2013-0517 Canvas Album

近黎好積極 (玩) ...好積極寫 blog (只限手作)...

但係其他野就都係咁hea...咩都懶...!!  特別係執屋...d 野係咁堆積...就黎會接到投訴...!! 

多謝包容...嘩哈哈~~~ 話時話...真係要清緊d野...想 free 好多野出黎...不過又懶執......


上星期又去左玩...今次整左個用 Canvas 黎整既相簿...好靚架!!

試玩左好多技巧...真係超愛噴噴呀!!!!!!!!!!!!!!!!!!!!!!!!!!  決定要放血呀~~~!!! 

原來玩 Mixed Media 真係會上癮的!!! 


首先就將d 配飾擺靚佢...影底幅相...唔駛一陣貼上去時又要考慮點搞好...!!

好快就決定個封面係咁了...!!  有朵白花我其實唔係咁鍾意 (好殘咁) ...

不過最後都用埋算了...之後加左工應該無大問題... 實際上真係無問題...

之後響 Canvas 度塗上一層 gesso ...方便上色 & 噴色...

跟住就將d裝飾貼上去 canvas 度...呢個時候對手已經好烏糟下...!! 

貼晒上去之後...就要將所有野都油一層 gesso ...!!!  要變全白!!!!

哈哈~~~白左好似仲靚啊!!!   相片的位置要搵野遮住...如果唔係就......變晒花面貓了!!

其實咁樣已經好特別...!!!  之前見到有個 course 教整証書套...

我相信都係呢個原理黎整...um...証書套我識整呀...用埋呢個效果整...我而家都識了...heehee~~

之後入直路喇...開始玩噴色了...!!! 

首先選 2 - 3 隻色...太多就唔好...會太花...!!

最後我揀左隻紫色 & 紫紅色...後尾導師叫我加多隻藍色...!!

嘩哈哈~~~之前我話唔要似導師嗰個...所以堅持唔揀藍的...不過最後都順佢意...加就加啦...!!

加左又真係好d咁喎!!! 

為左令d飾物效果再出d...所以再加左 d "點晴" 顏料 (我作的名...heehee)...

真係出左好多啊~~~~~~~~~~~~~~!!  好鍾意隻色呀!!!!!!!!!!

呢堂玩到超晒時...再破上次的紀錄!!  

miss 話基本有我響度的堂...都係超硬時的...哈哈~~~~ 下次唔吹水囉...!!! 


其實都未完成...仲有本相簿仲未整...不過基本上已完成左八成了!!!

仲諗緊加d咩響呢個場景度...不過我諗我又係有排都埋唔到尾的...嘿嘿~~~~

時間關係...miss幫我地上晒d開關...heehee~~~ 如果唔係大家兩點都未走得呀!!!

返到屋企加埋d 半圓珠仔上去...搞惦!!!

今次輯相係用上年彭福公園影的...!!  哈~~~阿細係懞豬眼咁!!!

好鍾意呢本相簿...!!!  期待下一次又玩新野~~~~~~~!!  導師你加油呀~~!!




我要搵個 S4 的殼...我要用呢個方法黎整個手機殼啊...!!!

不過...想和做未必會同時期執行...嘿嘿~~~~~~~~~~~~~