很少坐言起行既我...今次真係轉左X性...!!!
我真係整左一幅新作品出黎!!! 嘿嘿~~~
其實都用左兩晚黎完成...第一晚就係將D野擺下位...襯下裝飾物...揀相...
呢次幅作品的 SIZE 細好多...只有 8x8 ... 原來整細既仲難...
點樣將畫面豐富而又唔係太混亂...都幾抓爆頭...!!
第一晚...只係將幅相貼左上去畫板...做左底層的layout (亂貼一通)...
上左一層 Gesso...跟住停左響度...因為夠鐘要訓教...比人話了...!!! 哈哈~~~
家中的男人第日見到...問我做乜幅野貼晒膠布...哈哈~~~
你識乜丫...藝術係咁架嘛...!!! 咩膠布呀!! 油畫布條黎架!!!!
第二晚...又要磨過拳...拎齊d架生出黎...開壇!!!!!!!!!!!!!!! 誓要呢一晚完成!!!
今次主題想開心d 既感覺...所以揀左旗仔 die cut ...砌左個 smile ...加左架單車...
再用兩幅 stencil + light modeling paste ...整出d 牆呀星星的效果...
星星既效果唔係想像中咁好...我都係要注意下落多少 light modeling paste...要抹到幾平先得...!!
之後就決定用咩色...其實我對顏色唔多有概念...只係憑感覺...撞下手神...
但係d 噴噴其實都幾難 control ...有時噴唔出...有時又好似噴血咁出!!! (仲要毒發嗰隻...噴大滴血)
我有三隻牌子的噴噴...橙色嗰支...噴出黎效果閃閃地好靚...不過佢個咀係噴得最衰嗰支!!!
次次一按前又出後又出...仲要大大滴出黎...搞到我一手都係...!!!
今次試用左五支...橙...金...藍...綠...透明閃...撞出黎效果都ok (我覺得)...
仲有...用左兩個衣夾仔...效果都幾好...
之後加埋兩個線碌仔...卷左d棉線...環繞住兩幅相...畫面好似豐富左好多...!!
(都係我覺得...)
沒有留言:
張貼留言