兩個星期前...就發現我們的"JB聖誕樹"上有個新雀巢...
開心到佢丫...但又唔可以驚動打擾到雀巢內的雀仔...
所以佢拿拿臨拎左條梯...拎埋支長鏡...去觀察&影相~~!!
睇樣應該似係相思雀...好得意呢~~~!!!
之後晚晚去裝雀就變成左我地既興奮動作!!!
當然我地只會遠遠咁裝...因為唔可以驚動雀雀架...
佢地既警覺性好高的...如果佢地覺得安全既話就會飛走唔返黎架喇~~!!!
上星期成日落大雨...阿B超搞笑...不過呢個男人其實真係愛心爆棚的...!!
佢成晚都擔心D雀雀...第二朝拿拿臨整左個"化學"屋頂比佢地~~!!
如是者過左一個星期...初頭我地以為得一隻雀...
其實應該係有兩隻...只不過係交替咁回巢~~!!
呢日...阿B就發現有點異樣...佢見到隻雀雀擔左D野食返黎...
不過雀雀好小心咁響附近觀察一輪先飛返鳥巢~~!!!
真係好小心...!!!!
之後...阿B覺得雀雀既舉動有d 奇怪...趁雀雀在飛左出去搵食...
佢又拿拿臨拎條梯...拎長鏡黎遠遠觀察!!!!
結果...簡直令人喜出望外呀~~~~~~~~~~~~~~~!!!
原來唔知幾時...雀巢內已多左三隻bb雀雀...!!
怪唔得有時見到雀雀坐定定響度眼仔碌碌咁...大概係在"full"蛋啊~~~!!
而阿B仲裝左個攝錄鏡頭影左兩段雀雀餵雀bb既片添呀...不過我唔識放上黎...!!
睇到我地好興奮...d 雀bb仲未開眼架...有隻仲成日伸長條頸黎搶食咁款...好得意呢~~~!!
呢個鏡頭應該睇得清楚d...仲未有雀毛添架....
雀bb...你地要加油啊...努力成長呀~~~~~~~~~~~~~~~~~~!!!
雀雀爸爸...雀雀媽媽...辛苦晒呀...努力去搵食養大雀bb"s 呀~~~~!!!
