OH~~!! My blog!!!!

重要公告：Yahoo! Blog將於2013年10月30日進入唯讀模式，2013年12月26日關閉服務

經過評估全球資源及整體發展方向後，我們決定在2013年12月26日正式終止 Yahoo! Blog。為保障用戶權益，自2013年9月2日起，Yahoo! Blog將開放用戶的資料備份申請、下載、「輕鬆搬家」、通知我們新網址服務。


真係好突然囉...!!!

要搵地方搬添...!!!

我個 FB Fan Page 荒廢左成年...係時候要搞搞佢...暫時頂住檔先...!!

究竟搬去邊度好呢...?!  搬新地方又怕佢轉頭又摺埋......

話晒呢度都寫左四年多...其實都好唔捨得......

仲要兩個月就要同大家講拜拜...有緣再見了...

搵到新地方...會響度話比大家知...

有興趣的話...可去新家搵我下...再睇下我發UP風...

呢個最唔得閒既時候...居然比D咁野我黎煩......真係丫...!!

第一次參加手作會聚會~!!

上星期六 (24/8) ... 第一次參加手作會的聚會...

心情既緊張又興奮...不過呢個星期我就開始腸胃唔舒服...

唔係胃痛就肚屙...係咁瀉水...最嚴重係星期四及五...簡直屙到個人超級累...!!

返到屋企要灘響度抖~!!  仲以為會出席唔到...!!  心情有點擔心又好 DOWN...

好彩...星期五晚睇完舞台劇...返到屋企之後又係勁瀉...

之後就開始胃痛...諗番起呢兩日其實無乜點食野...梗係胃痛啦...!!

所以想搵餅食...阿B就話煮半份通粉比我食...食完之後...好搞笑又神奇...

成個人醒左好多...肚唔痛...又有番精神...!!  @@~~~

之後再準備埋交換禮物 D die, 印銀紙及絲帶...其實準備是旦兩樣都得...

不過想收到既開心d...所以就三樣都準備好...雖然份量唔多...!!

其實本來想準備埋d 組員的...不過實在好眼訓...已經三點喇...所以唯有算了~!!


好開心...被分配同一班好nice的同學做一組...組長更是叮噹的化身...

因為佢拖喼帶左好多物資比我地用...仲碌左好多die & stamp定好多 (真係超多) 的比我地揀...

基本上...我地既咭上除左pattern paper & cardstock 之外...

所有的東東都是她給我們的...!!  超級感謝!!!

玩左幾個鐘...我地嗰組的大細 box card都完成 ...係咪好靚呢...?!

今次仲玩左個遊戲...我地全部共六組人...每組各自選一張細咭作為該組的優異獎...

再選一張大咭黎比所有組的同學投票選大獎...!!  所以個個都好認真製作...!!

不過...唔知係咪我d 壞毛病會傳染...我地嗰組係最慢完成...又最多搞笑問題發生的...哈哈~~~~

第一個發生問題的當然是我了......我無睇清楚尺寸就scor...浪費左一張cardstock...

之後又有兩位同學同我同一錯誤...又剪錯紙等...不過已經無物資再比我地了...哈哈哈~~~

因為細咭有兩個組員未完成...所以我幸運地被選了為該組的優異獎...獎品係靚靚貼紙一張~~!!

講真...其實其他同學仔的都好靚...只不過今次我比較快手完成罷了......

拿~~~睇下係咪?!  估到邊兩張係我做的嗎...?! 

其實一定估唔到...因為我的風格以飄忽見稱...!!  嘿嘿....今次我兩張card 好 girlish 架...!!!

咪就係右手邊紫色嗰兩張囉!!!!  簡直係紫魔上身~~~~~~~~~~~!!!


當日仲有分享會...拎埋d 挑戰咭上去...要分享埋點整......

唉...不善辭令的我...簡直唔知講乜...用咩材料又唔記得...

總之好傻...!! 

收到幾位同學的禮物...好開心...佢地 d die cut 好靚呀~~~~~~!!!

希望我可以好好善用啦~~~~~~~~~!!

 

 

最令我意外係提早收到同學仔為我做的生日咭...

哈~~~~ 她知道我呢日會出席...所以親手送給我呢...!!!

真係超開心...!!!  好有心機及心思呢...多謝晒啊~~~~~~~~~~!!!

 

 

個熱氣球仲可以打開架...好靚呢~~~~~!!!

今日玩得好開心...好難忘...!!


< BOX CARD >

大咭完成品...

哈~~~~ 我唔太識綁絲帶...所以放棄用~~~~~!!!

個蝴蝶 PUNCH 我都有...係我最愛的 PUNCH 之一...

細咭的完成品...

呢張咭係用一張 PATTERN PAPER 摺成...

哈~~~上面的 TAG ...我掛住就後面...點知原來痴斜左...

同學仔話咁仲好...有特色...哈~~~~ 真會安慰我呢...!!  ^^

拉開後的樣子~~~ 呢兩張咭其實幾易整...有機會再整下送比人先...!! 

(唔知幾時會有心肝整呢...?! XD)

Pocket card for Special Blogger~!!

噚晚又攝d 時間黎整埋張 Birthday Card ...因為星期六要交比其他blogger收集了...!!

其實之前一晚已經摺左d小風車...原來超級易整...我仲買左個die添..@@~~!!

張咭以紫色為主...所以揀左黃同綠黎襯...希望有清新d 既感覺......

首先模擬下點圈條繩...仲係十五十六放幾多隻風車...

之後 cut 埋 d pattern paper ...磨左紙邊...擦左少少 distress ink...感覺無咁死板...

跟住 punch d 字粒出黎...再砌成 " HAPPY BIRTHDAY " 字句...

好似放四隻風車上去豐富D...OK~~~準備貼上去~~!!

個咭套唔再整過喇...同我概念係有好少既分別...其實都唔係咩問題...

而且我應該無乜時間再整了...修補番條痴得衰既 LACE 邊...算係完成左八成...

之後再加埋Glossy accents 落衫裙 & 蛋糕上面...搞惦晒~~~!!

而家只係諗緊加唔加個牌仔去左下邊...如果加又好似太多野咁.......算了~~!!

咭套入面拉呢張咭出黎...又係加左 glossy accents 落d 衫裙 & 雪糕上面...

加開有癮...就加埋落d字粒度...其實一路加一路好驚揩到整花其他位置架!!!

最後都安全渡過......!!!  不過我仲未將兩張紙痴埋一齊的...待乾後 (我滿以為......!!!!)

我就反轉張咭黎貼雙面膠紙響背面...點知拎番上黎時...

發覺條裙既 glossy accents 未乾透呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!  OMG!!!!!!!!!!!!!!!!!!

部份痴左落檯面...整花左條裙...而且仲起左少少一忽出黎呀...><"

唯有再塗過...好彩都唔太覺.......!!!

點知.......唉...我都話意外既野隨時會響我身上發生...!!!  無乜可能既都會發生在我身上...!!!

又一次印證了~!!!!!!!!!!!!!!!!!!

我在執檯面時...無拉拉又整跌張咭落地...

仲要反轉面跌......!!  又痴左一D落地下...!!!!

今次再塗過...但係效果差少少...><"  

不過就咁睇唔摸都唔太覺既...!!! 

搞到我而家都未敢將張咭攝入個 pocket 度呀!!!  嗚嗚嗚~~~




今晚返去影埋組合左之後既樣先.......仲有仲諗緊整唔整埋個信封...定係簡單整呢...?!

手作咭

因為我唔好記性...所以我有個習慣...通常諗到想整既手作...

都會用簿畫低...哈哈~~~ 我有時整整下...就會拎本簿黎睇下有冇做漏...

其實有好有唔好啦......我會試下將自己既作品更隨心一點...




早前有幸獲邀幫手為手作市集作主打參加的其中一人...!! 

(雖然已經知道結果...我們今次落選了......不過都blog番我地既創作概念啦...)


今次既參選主題其實非常之好...以"分享愛"為主題...而作品要求係用心型做主題...

顏色方面會以彩虹顏色做主色...我地有六位成員每人負責一種顏色...

每一個只係概限於心型同主色... 其他可以自己發揮...

如果成功申請到的話...主打成員每人再做 7-10 樣作品...

再加埋其他同學的投稿...可以想像...當我地既作品放在COUNTER就會形成由心心組成既彩虹~~

其實聽到呢個概念之後...我都有認真去想之後要做什麼作品出黎... 訂左一個目標...可惜......

不過唔緊要...我相信我地既努力不久將來就會有回報的了!!!


因為距離遞交申請只有半個月...所以我地多以手作咭做第一個作品...

今次我會以橙色為主色...哈~~~ 我鍾意既韓國組合係 Shinhwa (神話)...佢地既代表顏色都係橙色...!!

不過我其實好少用橙色黎做作品...手頭上很少呢類材料及配件...

所以之前有藉口出去濕下平...豐富下我既存倉 (其實已經好豐富...已經爆左倉...!!  )


之前整開 Side Step Card ...又可以作為一個挑戰咭的延續......

呢款咭其實可以好多發揮...做場境係一流的...!!


講番之前整咭既過程.......

響個 die files 入面睇下有咩啱用...今次我會以黃昏黎做咭背景......

橙橙黃黃...帶點 vintage 既感覺... 不過又想輕鬆一點黎帶出 " 愛 "...

所以揀左呢set Penny Black 的刺蝟仔黎做主角...!! 

加埋最愛的 Memory Box dies~!!  開工~~~~ 虛擬出黎睇下先...

因為係黃昏...所以 d 配件都係以剪影為主...

主角就用鮮一些的顏色黎配搭... 一車都係心... 愛心滿瀉...heehee~~~~

架車我 stamp 左落幾張唔同色既 cardstock ...再剪出黎砌番架車出黎......

街燈...阿B叫我貼粒珠上去扮燈膽...哈哈~~~

之後再用 glossy accents 加落d 心心度...令令地...

完成喇...夠橙嗎...?! 

呢張咭比較簡單...簡單一點分享愛其實不是很好嗎......heehee~~~~~



最後雖然我地未能響今次成功...不過每位成員都好用心去製作...

佢地每個作品各有特色...全部都好靚架...!! 

響佢地作品上面...其實都學到好多野...非常有得著...!!

話時話...兩次我都有幸有份用作品黎參選......都開心...起碼有人認同和欣賞......

不過兩次都落敗...會唔會係我陀衰家...@@~~~~!!!

哈~~~仲有...每位參加的主打成員...申請表上其實都會有段野寫出黎簡介自己...

我發覺我都唔係咁了解自己...究竟響手作路...有咩專長...有咩個人特色...?!

我只係知道自己咩都會玩...究竟邊樣出色一D...又好似無乜...哈哈~~~

我覺得自己的作品只是不過不失...至於有無個人特色...?!

其實...每做一樣作品...我都係睇心情睇環境黎配合...

夾硬黎講...我既特色係 " 亂黎 " 囉...!!  嘩哈哈哈~~~

究竟...最後我用咩黎介紹自己?!   自己睇番都想笑......真係丫...!! 


** 喜歡學習及嘗試不同的技巧, 熱愛 mixed media 及制作懷舊作品,

    嘗試將不同元素加入作品之內, 希望令作品多點創新及變化 **


其實其他成員寫得好好多...個個都有專長...目標好明確...!!

而我...... 熱愛 =\= 專長...哈哈哈~~~

即係想和做未必達到最好效果...!! (想多過做~!!)

或者我係時候要定明一條路...一種 Style 黎向前行了...!!





阿B問我有無失望...無就呃你既...!!  哈哈~~~  再努力...!!