Birthday Card for Blogger ^^

近黎...多左做咭既機會...好多謝有 Blogger 鍾意我整既咭...

好開心聽到佢響生日前問我...可唔可以整張咭比佢...當然可以啦...!!! 

不過因為小狗突然又病病...所以趕唔切響佢生日前收到...遲左成星期呢 @@~~~

用左兩晚斷斷續續黎整...本來張咭都幾簡單的...

不過最後左加右加之後...就多左好多工序要整...

始終我都想對方收到有少少驚喜的感覺... (希望有...!!  )


近黎愛上 copic ...所以就用黎練習下...heehee~~

大手入左批芒果妹妹 stamp ... 揀左兩個黎做今次既主角...!!

其實油得超樣衰...呢兩個已經係第二次油了...!!! 

之前兩個都係因為突然用力左少少...d 墨水 "必" 左好大滴出黎...

搞到個公仔花晒...  唯有報銷啦~~~~~~~~!!!

因為自知油得衰...所以用左個掩眼法......就係用 glossy accents 塗響某d部份上面...

咁個公仔就會有點光滑作用...摸落去又有d 浮起既質感咁...咁咪可以分散人既注意力囉...!!! 

衫裙位置至大範圍...當然要塗啦~~~!!!  雪糕 & 蛋糕都塗上... 令令地...

當堂唔為意d顏色油成點啦下...!!  (我覺得...!!) 

今次仲第一次用針線應用響紙上面...!!!

識我既都知我同針紙呢家野無乜緣份...我其實都幾冒險架...

因為張咭差唔多整完我先黎用針線聯...一個唔覺意就要整過成張架喇!!! 

為左我d 字唔好影響張咭...所以我慣常整個 pocket 黎攝紙仔...寫千言萬語...!! 

咭面整左幾隻蝴蝶 ... 係咪好似曉飛咁呢...?!  哈哈~~~ 

又係超懶整信封...所以又將公文袋改裝...!!

今次張咭係四方型...哈哈~~~ 我 cut 短左個公交袋呀...神不知鬼不覺架!!!

張咭終於完成喇...玩針紙...換黎係拮到幾野手指...哈哈~~~ 有一下仲流血添...!!!

所以做呢張咭都算係有血有汗...點解有汗...?! 

就係阿B囉...佢以為我整完...關左冷氣呀!!!! ><"  熱鬼死我!!!


< 咭面 >

< 咭內頁 >

個芒果妹妹用左海棉貼...有點突出既效果...!!





臨寄之前影張相先~~~~~~~~~~~~~~~ 希望 Blogger 鍾意啦~~~!! 

 

我星期一 (12/8) 已經寄左... 終於星期三 (14/8) 夜晚 blogger 話我知收到了...!!  yeah~~~

佢話鍾意呢...希望唔係客氣說話啦...heehee~~~ 好開心...佢仲話我生日整番一張比我添呀!!

哈哈~~~ 即係下個月我會收到 3 張 bloggers 整既生日咭~~~~~!!!  好期待呢~~~~~~~~~



話時話...上次話同我交換手作咭的同學...我到而家仲未收到咭呢...!!

UM....會唔會唔記得左啊?!  ><"