大日子的回顧篇: 遺憾

雖然世事沒有十全十美...總會有不太滿意的事情發生...婚禮已完成...綜觀大致上都ok...

只是有幾方面略為失望...因為我覺得唔應該會響呢方面失分囉...

(1) 姊妹: 太求其...太只顧自己...後知後覺...令到當日由早到晚都係因佢地而勞氣...之前講又唔聽喎...到做就走黎問問問...認真煩!!  特別係 gathering...更令人難忘......當中只有 A, Y, C 的表現是最出色亦最為我設想及幫得手...其他既 E 同 W無得好講...性格所致...大顛大廢預左黎襯熱鬧... M 就最只顧自己...其他人也覺得她當天絕對不稱職...特別係我進場時佢完全失蹤...我條裙無人幫我整好...成pat野咁...我上樓梯不知幾難行...佢仲好意思問我點報答佢?!  幸好有C幫我囉...而 S 就更無作為...擺明黎偷師取經...行行企企...黑口黑面...... 朝早大半人遲到...黎到無所事是...只係掛住食食食...整烏糟Y整既愛的宣言...結果害Y要去廁所抹番乾淨個心...搞到裂左!!  又唔預備D遊戲工具...結果搞到唔係玩得好笑...係笑佢地好求其是旦...我只係知道佢地成日話時間有限夠鐘...其實都唔知佢地玩左d乜... D 兄弟話浪費左間房...又唔知班女人想點...班友仔分錢就得...

其實玩兄弟呢個環節我幾著重下...點知玩左鑊粥出黎...多少有點失望...因為呢PART多數響 vedio 佔幾重位置的...時也命也......

(2) Snap shot: o個朝我已經好唔滿意...居然唔上黎影我地...變左化妝無影...褂同禮服無影...換褂著鞋戴耳環無影...o個朝我已經發晒脾氣...結果派利是o個 part 好求其...變左我既朝早簡直完全浪費...好失望好失望!!   原全唔覺有出門既感覺...出到外景...又無主動幫我地影相...而家睇番d外景d相...同 Eric 影o個d有咩大分別?!   朝早見佢無咩影到出黎...已經叮囑佢夜晚影多d物件賓客表情...但影出黎既野...完全同我所想像好有大段距離囉...講真...就算佢係有熱誠影相...但佢d 技巧...阿B平時求其都好過佢...如果係咁...早d加多兩千搵真係識影o個d好過...起碼我睇過佢地既實際做過出黎既野亦係我想要既野!! 

(3) 親戚: 簡直不知所謂...唔黎早響...結果大失預算...正 pk!!  雖然預左佢地會玩野...不過都要鬧過至可以消氣!!

除左呢三方面影響最大的...其他少錯誤也沒大所謂...因為實際影響不大囉!!  呢三方面我覺得係我地既婚禮最大既遺憾!!

大日子的回顧篇: 小禮物

因為圍數少...所以在小禮物方面可以花多點心思...很早已決定即場派相這環節...因為沒有比相片更會令人珍惜...哈哈~~~ 邊個會留低自己張相唔拎走!?  而且我地相信賓客收到之後一定很開心...而且還會亙相交換來看...令宴會氣氛更熱鬧更融洽...就是我們想要看到的場面...

選擇了緣美去做即影即 print ...起初對這公司有點不滿...不過當日也很合作...而且攝影師Ada更留待敬酒後還幫我們為賓客補拍照片...不過只有 99 個 party 取得相片...未免有點少...而且我爸爸及兩個細佬都無收到相片...um...

之後所有原件都比番我地...唯有遲些才補晒番比收唔到相片既賓客啦~~

兩個MC同我地既合照~~~ 佢兩個當晚表現出色...令到現場氣氛熱鬧...可能太多有獎遊戲...最後D賓客居然唔想走咁...@@!~~  姊妹Y更問我 : 乜你公司聽日全公司放假咩?!  無人走既?!  哈~~ 兄弟A話 D 人可能以為仲有遊戲玩唔願走呀...呢樣真係要多得兩位MC...!! ^^  之後好多賓客都讚佢地兩個呢...兄弟A更想邀請Angel做佢大日子既MC...可惜已full booking喇!!

高大有型的兄弟F 及 美麗的 MC Angel...佢仲係2010年1月的準新娘呢~~

當晚收到相片既人都好開心...雖然價錢比較貴...但係我覺得係值得...有同事話好過派D食既野比佢...佢話食既野通常都驚會變壞...又cheap又驚包裝過程唔衛生...@@~~ 家下d人真揀擇...特別係我公司d大哥大姐...!!!  其實小禮物係可有可無的啊...好彩識佢地日子唔短...深明此道...嘿嘿~~ 為滿足班大帝...我地用左唔少心思響呢個環節...

而另外...覺得又有d賓客想要d實質既野...而且我和阿B都想有樣野可以紀念下呢個大日子...所以又加多樣小禮物...heehee~~~ 呢樣野花左我地唔少加工時間...最後所有賓客都拎走晒...真係好開心...証明...佢地都幾欣賞掛...yeah~~~

盒面夾上一張大口仔婚紗照...很多收到既人都覺得好靚好特別...我諗無乜邊個會好似我地咁無聊幫公仔照婚紗相...之後仲要晒出黎送比人做 welcome card...hahahaha~~ 而且還有八張款式...左右隔離既收到都會唔同...有d賓客仲周圍問人收到邊款...好搞笑...又多了一個給賓客聯絡感情的機會...heehee~~ 我地真係好希望d賓客好投入我地既 party...証明我地既努力係無白費到!!  之前我地響呢方面諗左好多個方案呢...

盒面條銀繩都係阿B縛上去...百幾盒...真係小D耐性都唔惦...我就無呢份耐性...哈哈~~ 我只係負責夾張相入去......

裡面係一對豬仔豬女匙巾...夠實用掛?!  上面更刻上我地名字及大日子日期...很多人話唔捨得用會用黎收藏...真比面...yeah~~ 開心過出bonus..!!

當晚亦多謝酒店幫我地預先放好在賓客的座位上...否則要勞煩辛勞的兄弟姊妹了~~

其實看到賓客開心...真係覺得之前點辛苦都係值得囉!! ^^

 

大日子的回顧篇: 兄弟姊妹

一個婚禮的成功...背後一定要有一班支持自己的好兄弟好姊妹的幫手...當日一對新人真係會忙到痴根...根本無時間理會其他事情...所以一定要靠班兄弟姊妹代為執行d細節項目...事前雖然都準備得七七八八...不過要打點起上來都會好混亂...就一定要靠他們臨場執生了...幸好...當日他們都義不容辭...說實在的...我們的婚禮...實在放了太多無聊野...哈哈~~~ 怪只怪我太多鬼主意...而阿B又能配合去完成...所以相對就麻煩了班兄弟姊妹了...!!

酒店的顯示板...這是阿B做給酒店的...還有一張相片版本...不過暫時沒有照片...

不過我想要奉勸即將結婚的姊妹們...事前一定要和兄弟姊妹溝通多一點...起碼要比佢地知道你究竟想點...因為到時要做既唔會係你自己...你唔同人講...人地鬼知你想點?!  所以認為一切由自己一手一腳會搞得惦...係好蠢既想法...係絕對唔work既... 我也是交帶的比較少...幸好先前也講了部份構思給姊妹Y知道...而且她也一直為我地既婚禮並肩作戰...當晚幸好有她呢...!!

係呀...講緊你呀...你係得既!!  ^^  你好惦呀~~!!  呢位就係我地既檯咭設計師...我地既入座咭最後都用埋佢D檯咭黎做藍圖呀!!  好多人都讚好靚呢~~~

Receiption 檯儘量唔放太多無謂野...因為唔想變得更混亂...所以只放了簽名布...一盤絲花簽名筆...大口仔welcome board & 一對大口仔大口妹公仔... 全白色更能突出展示的物件...清清簡簡...就是我想要的...!!

背後還有我們的大 Welcome board... 很喜歡那紫色的布幕...

期間...姊妹W特意走來新娘房告訴我 : " 講比你聽丫...你一定會好開心...班 waiter 話你個場好靚...靚過隔離場丫....... "  聽到當然好開心...不過都係無時間出去睇呢...... 只知道條迥旋樓梯好襯我地個 receiption...哈~~~其實我地係同對面場 share 架...真係唔好意思呢!!

而阿B嘔心瀝血的傑作...用了他幾個星期的時間去制造的相片樹...真的很成功...當晚成了一班來賓的影相區...@@~~ 幸好有姊妹Y的幫忙指揮...亦多謝一班兄弟姊妹很合作的自動幫忙...很短時間就將它還原展示人前...

油畫的大少剛好...太細張就會顯得小家唔起眼...賓客話鍾意我地張油畫...大概裡面有大口仔大口妹掛...應該好少人會將卡通人物放在自己的結婚油畫內囉...哈哈~~ 姊妹Y成日話我地個婚禮同其他人好唔同...大概我地鍾意唔跟傳統...亂黎一通掛...^^

本來想用絲花圍起幅油畫...不過佈置公司既人勸我地唔好...因為會似死人相喎@@~~ 而且而家唔興咁喎...興清簡喎!!

相片樹上掛滿我和阿B的部份回憶...好珍貴架...!!  和他在一起...照得實在太多相片...這裡展示的只是一少部份... 上面展示了我和他過往踏足過的地方......由初拍拖到近期的也有...當中可以睇到我地既變化...咁多年...真的有太多回憶...太多事一起經歷...別人說很感動...但我又唔多覺...哈~~

雖然事前因為姊妹裙的事件有點小風波...不過大家都咁多年朋友...這只是小插曲...事件解決了也該把事情淡化了...當晚姊妹W亦表現得非常出色...早上幸好有她及姊妹E...令到接新娘環節生色不少呢~~~ 我和黃老闆坐在房內睇on live TV...笑到我地痴左...haha~~

當晚安排了即場派相環節...姊妹A及姊妹Y滿場飛...忙於幫我地分發相片給賓客們...真的很感激...因為佢地著住高跟鞋...跑來跑去真的很辛苦呢~~

伴娘M和姊妹C當日真的為我出了不少汗...而且要她們和我一起捱餓...真的不好意思呢...下午還要她們跟我往外影...熱到她們痴根...當晚每件衫都幫我痴好膠紙收好肥肉才出場...真的很辛苦佢地兩位...^_^  由大日子前一天就陪伴到我們宴會的完結...

仲有伴郎E及兄弟A都有幫我地影左D花絮相呀...不過兄弟A o個d仲未收到呀!!!  睇左部份伴郎E提供既相先啦~~~

影得我少有的含情蜜蜜...HAHA~~

兩條茅利等緊攝影師既安排...

攝影師比我地睇效果...

個花球係我自己整架...出黎效果都幾靚丫...第一次整係咁上下啦~~ ^__~

在伴郎E既鏡頭下...兩位攝影師變左影"後"...HAHAHA~~~

呢張咁唔正經既相...我反而幾鍾意...HAHA~

呢張係伴郎E影的搞笑照片...我覺得好搞鬼...哈哈~~ 我地同阿婆相影成趣...哈哈哈~

Receiption 的位置從來都是比較繁忙及沉悶...不過當晚有姊妹W坐陣...當中發生好多搞笑場面對話...令到坐在那位置幫我們收禮金的細細佬...坐到唔願走...佢話實在太開心喎@@!! 

我細細佬笑得幾開心...哈~~ 佢係個大笑姑爺黎架...佢比較感性...所以當晚佢喊到變豬頭...哈哈~~ 傻仔!!

辛苦晒坐在Receiption的姊妹W, 姊妹E 及姊妹S...!!

另外...一班兄弟都很合作幫忙...因為忽略了入門後會少了兩架車...就要勞煩兄弟C, 兄弟B, 兄弟H走多兩轉...幫忙將D兄弟姊妹及親友接去酒樓食飯...又要載我們去外影...又要代我們取西餅...還有中段發生了小插曲...就係我的寶貝囡囡離家出走...嚇得伴郎E及兄弟B幫我出外四出尋找呢個百厭妹...熱死辣辣著住西裝周圍走都幾係野...又陪我地外影...流了不少汗呢...所以我批准伴郎E去到酒店和阿B一齊沐浴...HAHA~~

而伴郎E及兄弟A大日子前一日更為我地吹氣球...真係辛苦晒!! ^^

通常D大 Banner 會放在宴會場地...我地放響男家門口位置...原來效果更好...夜晚無再放響宴會場地 lu...因為有相片樹同埋大油畫都已經好夠喇!!   況且呢張野都幾阻訂...又似街邊D廣告...hahaha~~

晚上臨時加插了兩位小花女進場的環節...多謝伴郎E及兄弟G借出一對花女...亦很感激兩位花女媽咪...將兩位小花女打扮的很可愛很漂亮...令到進場的時候生色不少...令場面更溫馨...坦白講...佢地兩個搶了我地不少鏡呢...很多來賓都將注意力放在她們身上啊!!  哈~~ 花女T負責拋花瓣...呢個係專業花女...所以拋花瓣的動作舉止很優雅...我們跟在後面亦忍不住笑呢~~ 而花女G就負責幫我們拎戒指座...很鎮定的幫我們送到台前交給伴郎E...伴郎E還是她的爸爸呢...係咪好溫馨的感覺呢?!  很有代表意義啊!!  通常都係花仔花女進場...同時用兩個花女都比較少見...但反而做成婚禮另一個特式...哈~~ 與別不同...令人更難忘了...

哈~~ 本來想叫d姊妹幫我進場時拋花瓣...但佢地話幾廿歲人響度拋...好似發花顛咁唔肯制...咁又係...唔可以只為自己進場有所謂自己覺得的浪漫感覺...就忽略姊妹既感受既...^^  幸好有小妹妹代勞~~yeah~!!

兩位小妹妹很留心聽 MC姐姐的講解...

很認真的綵排... 你兩個條裙仔真係靚爆...我覺得靚過晒我當晚既衫!!

咁淡定...真可愛的花女...HEEHEE~~

正式進場喇...佢兩個真係好惦呀!!  連我老闆同上司 (兩位面向鏡頭的男仕) 都睇到好開心...

好明顯我地老闆同上司係比佢兩個吸引左視線...!!  連我地進場都唔知...haha~~

當晚很多煩瑣事...有一班不辭勞苦的兄弟姊妹...實在是我們的榮幸...謝謝你們!!

本來想在大日子及 Honeymoon後會安排慰勞宴比班兄弟姊妹...不過因為身體出了點問題...所以要延遲了呢............

所以...很自豪有呢班相識很久的好同事好朋友...多謝你們的支持及幫忙!!! ^____________^

一班好英又鬼馬既兄弟們!!

兄弟F, 兄弟H, 伴郎E, 新郎B, 兄弟A, 兄弟G, 兄弟C, 兄弟B

一班好靚又溫柔既姊妹們 & 花女們!!

姊妹C, 伴娘M, 姊妹W, 姊妹E, 新娘J, 姊妹A, 姊妹Y, 姊妹S

花女T, 花女G

p/s:  謝謝~ 伴郎E, 兄弟B, 姊妹S's未來老公, 姊妹Y 的相片提供...^^

 

 

 

大日子的回顧篇: 花球

大日子花球...一早已決定用鮮花...因為總覺得用真花才有出嫁的感覺...喜歡繡球花...不過一定捱唔到晚上...所以放棄了...喜歡大牡丹...其實我知唔多襯我咁矮小的身型...幸好不是花期...喜歡風信子...不過怕花味過濃會鼻敏感發作...喜歡馬啼蘭...不過阿B唔鍾意個襟花長長感覺怪怪的...所以當初揀花球都幾頭痛...

終於在 agnis b. 訂左個粉紅色小牡丹花球...的的式式的小牡丹...襯番我矮小的身型...粉紅色可以掩飾我粗枝大葉既個性...heehee~~~

agnis b. 要預先一日去拎花球...初時都有擔心唔識處理...不過原來好簡單...只要返去養住水就ok了...初時選了紫色的絲帶...不過出黎效果好似麻麻...agnis b. 的職員好細心...問清楚我會唔會轉第二隻顏色...最後都係用上米色...個花球就變得更柔和...

在又一城取花球...可能因為盒子實在太矚目...沿途好多羨慕目光...有d仲好開心對我說恭喜...哈哈~~ 呢個都係收穫黎啊...!!  花球貴都係值得的...heehee~~ 幸好阿B都支持...呵呵~~~

個紙盒係紫色...同我地個 theme 完全 match!!!   實在太靚喇!!

大日子當日...花的大少剛好...很喜歡...這花太可愛了...完全襯我的"可愛"性格...嘩哈哈~~

我相信...每位訂 agnis b. 花球的姊妹都係不多不少為了這虛榮的絲帶...對嗎?!  ^^  我也不例外...我很喜歡自己的坦白...嘿嘿嘿~~~

有個意外的驚喜...原來都有送少量的頭花給我呢...雖然不多...不過亦足夠...大日子當日既頭花就用左佢喇!!

因為新郎哥當日好緊張...又成日用左手聽電話...終於佢個襟花都捱唔到下午...><"  夜晚佢要用絲花黎代替呢...我都話訂多一個架啦...!!!

個花球放左幾日仲好靚...如果唔係因為要去 honeymoon...我都唔想咁快扔左個花球...實在太喜歡了...

不過當日我拎住佢影相既時間實在太少了...很可惜呢...不過無辦法啦...當日實在行程緊迫...而且很混亂...無野會做到十全十美既...^^

出院喇~~

今日終於可以出院...離開呢個鬼地方喇!!

其實呢幾日都避開唔聽電話...因為唔太想講病況...不過好多謝關心我既朋友的問候...我應該會好快好番架喇...!!!  HEEHEE~~

隔離床的婆婆好早就起左身...行黎行去...所以我都無再訓喇...起身無所事是就上網睇下...

教會的姑娘又來探我喇...佢今日無再捉住我祈禱了...不過佢叫我搵機會多D認識上帝...之後佢同阿婆傾計...不過阿婆耳仔係聾聾地...又無戴助聽器...佢地既對答好似雞同鴨講...兩個都各自講...九唔搭八既對答...好搞笑...之後姑娘捉住阿婆隻手話同佢祈禱...阿婆先知佢係咩人...就同佢講: "我拜神架喎...我拜神架喎...!!"  好緊張咁款...我真係忍笑忍得好辛苦...!!  不過姑娘都係唔放手仲同佢講...阿婆個主診醫生都係教徒...所以無所謂...上帝唔會分架!!  @@~~ 好彩阿婆聽唔清楚佢祈禱D內容...如果唔係又驚一場...@@!!!

之後等姑娘黎幫我洗傷口...食埋藥...等埋單...兩萬幾...嗚嗚...好彩可以 claim 保險...

可能太耐無大郁動...起身又見頭暈...仲眼前一黑...可能又未食 lunch 掛...原來健康真係咁緊要既!!!

返到屋企見番隻囡囡...好開心...不過唔抱得佢呢...!!

 

好友的大日子即將到來

下星期六就係兄弟A的大婚日子...因為身體的關係幫唔到佢幾多野...不過我應承左佢幫佢地整簽名筆的...我一定做得到...!!   不過材料都未買...而且飲衫都未買呢...UM...本來想幫他好好地佈置 receiption 同埋d花車...而家做唔到了...佢話沒所謂健康要緊...不過對我黎講係一種遺憾...沒能好好的幫他...好唔開心...唯有靠阿B了...

早幾晚和他通電話...知他正在煩惱酒席的問題...正因為咁家下帖都未派呢~@@!!  希望他最後會順利解決...開開心心去迎接大囍之日..!!

佢話覺得我地個婚禮好感人...其實我地都唔想結婚做乜要搞到有人喊...應該開心架嘛...成長片段...可能佢地投入去參與我地個 party...而且又一齊成長...佢地睇到好感慨...仲話不知不覺原來已認識咁多年...真係好難得...哈~~可能相片中有佢地出現...所以特別投入...哈哈~~ 咁又係...我同阿B拍拖都十多年了...!!!  所以D嘉賓會覺得很難得掛...咁耐終於結婚...呵呵~~

令我意想不到既係...我細細佬同我大細佬老婆聽到我話多謝唔響度既媽咪...兩個喊到變豬頭@@~~  其實我唔記得要諗對嘉賓講既說話...之前一直只在想佈置既野...當晚只係好簡短講多謝一班兄弟姊妹...多謝唔響度既媽媽...最後多謝爸爸...阿B仲怪我應該多謝左爸爸先@@~~ 但係估唔到佢地會喊...真係唔好意思...

原本想當晚想學其他新人送份禮物比爸爸...不過一黎時間唔夠...二黎唔想佢喊...所以最後放棄了...其實婚禮唔駛一定要咁殘忍做到要令有人喊先令人感動囉...我覺得個個開開心心投入去玩就已經夠難忘了...況且又唔係真係排除萬難先結到婚...有咩感人呢下?!  開開心心唔好咩?!

而家我明白好多 blog 友仔...結左婚成年都仲好多時都講番結婚既事既原因...原來真係好多野可以講...而且講極都唔厭的 (當事人...哈哈~~)

回想起o個晚...我既責任好似只係忙於換衫做人肉佈景版...有d人話我個mua手腳慢...咁樣講對佢有點不公平...一定要為佢澄清...無錯朝早佢係慢了一點點...最後未完成化妝就要出門...不過晚上佢既表現其實絕對無問題的...我比佢既時間實在太短...基本上我地係換衫慢而唔係化妝慢...佢已經要響我左擰右擰坐唔定...又要邊換衫戴飾物既情況下幫我轉妝set頭...有時更幫我兩個姊妹手幫我換衫呢...!!  而且佢仲幫我班姊妹補妝...其實佢唔駛咁做的...!!  而且大致上都滿意佢幫我做既造型...清簡係我既要求...因為我知誇張既野放響我度會變得奇怪...所以我唔要化到認唔到我既濃妝...結果出黎效果真係清清淡淡...呵呵~~ 當日我有七個 look 呢...雖然變化不大...heehee~~ 總之要多謝她!!

***

傷口又在痛...要去睡了...

 

 

手術完成

噚晚痛到訓唔到...終於忍唔住出大堂搵姑娘...點知人影都無隻咁...正當我自言自語話居然無人既時候...面前突然伸左個頭出黎...問我 : 你搵咩呀....?   嚇死人咩!!!  我想要止痛藥...不過佢話醫生無開到比我...所以只係比左個冰袋比我...裡面真係用膠袋袋住舊硬冰...再用個布袋袋住...硬到呢...用左陣就放左響檯面...硬到死仲痛多幾錢...

訓到懞懞下...大概七點隔離床有人入院...八點就做手術 @@!!  咁晨早...好似d名人咁神秘?!  九點就推番上黎...大概十點幾就自己出左院...我連佢個樣都未見過...咁趕時間既?!  唔痛架咩?!

十點半左右...噚日黎祈禱既姑娘又探我...問我個報告結果...之後又同我講好多令我情緒有波動既野...um...之後幫我祈禱...內容話希望一陣梅醫生能夠好似平時咁順利幫我開刀...希望麻醉師落藥份量剛好...嗚嗚~~ 聽到我好驚啦...先前我只係擔心好痛...無擔心過手術會出問題囉...

明明話十二點先做手術...點知十一點半就話通常會提早做...完全破壞我既心理準備!!

來來姑娘叫我十一點要換定d手術衫...話十二點黎接我落去 (好似牛頭馬面咁...@@!!)...我掛住同阿B send msg都唔知已經十一點半...姑娘呱呱叫話我仲唔換衫...放低張床叫我換好自己爬上去等佢黎...我拿拿林收埋d野...去埋toilet換好衫...自動自覺訓上佢張床...無耐姑娘入黎推我落去...仲我話乖@@~~ 真係咁快手喎!!  我話比佢知我好驚...佢話當入去透下訓陣教...一陣佢出去食lunch...仲話我做完佢都未食完喎@@!!

訓上手術床...好驚...又無戴眼鏡...睇野唔清楚...只知好多姑娘響入面...呢個話無帶支針...o個個又話有咩唔夠...又走黎問我好多問題...之後又用安全帶縛起我對腳...又固定我兩隻手...感覺將會進行滿清十大酷刑...唉...點解唔麻醉左我先做呢d野喎...等待既過程好驚囉...終於見到醫生...佢叫我放心會好快做完...佢噚晚響我個胸畫左個圓形記號...咁大忽...><"...之後阿B仲話想問佢借支筆黎畫埋眼耳口鼻...你個衰仔!!!!!

我噚晚仲發夢...我隻耳仔發炎...又無理到...除耳環時仲扯甩左幾忽肉...隻耳仔繽左兩忽...真係唔係好先兆!!

終於無耐我覺得隻手有陣好滾既野涌入黎...之後就訓左喇...到醒番時就響手術室門口...姑娘話比我知已經做完...仲問我睇唔睇切出黎o個舊野...我話睇...呃...真係好大舊下...蝦肉色的物體...有D似龍蝦丸...我仲以為真係水袋形狀添...@@!!

之後上到房...另一姑娘又問我睇唔睇多次...佢話睇埋呢次就要同舊野講byebye喇...佢要拎去化驗...真係風趣!!  ~___~"

麻醉藥過左就痛到喊...阿B話好彩隔離床有人...如果唔係佢就受罪...咁係痛丫嘛!! >

呢兩日收到D朋友為我加油既短訊...真係好開心...多謝關心啊 ^__~

夜晚...仲有個極大驚喜...姊妹Y仲搭左70蚊的士黎探我呢...佢仲話的士司機收佢齊頭呢...哈哈~~見到佢真係好開心...之前阿B仲響度上網同佢MSN梗...佢以為係我黎...就問我 are you ok?  阿B覆佢話: 我OK...因為我係CK (阿B)...比佢笑死...之後姊妹Y話去跑步呀...點知原來佢跑黎呢度...好感動呢~~佢好驚醫院呢D地方咁夜都單拖黎... 之前佢send msg話痛就當係比佢咬喎...乜咬d咁尷尬既位置啊!!  哈~~ 仲話都知我奇怪...以我個性應該會打blog講番大日子既野...heehee... 我都係唔想大家擔心...知道無乜大野發生咪可以公開囉...呵呵~~

其實我呢d都係好小既手術...隔離床既婆婆...佢今晚要飲瀉水...佢聽日要做切腸手術呢...佢比我更辛苦...希望佢都快d康復...健健康康!!

不過佢因為飲左瀉水既關係...成晚去廁所...好臭呢.....@@~ 

聽日我應該可以出院了...!!  我好掛住細細呢~~不過聽講佢好似唔多掛我...