親臨CDL取相!!

五月影完相...等左幾個月...終於到左收相日...張單寫話 Aug 25 前後十日送貨...好多blog友都會提早收到貨...不過我地等到 Aug 23都未有電話打黎...所以就打去問...因為黎緊成個星期都無日得閒響屋企...CDL話可以去九龍塘自取...咁仲好...就約定今晚去!!

其實我地只係著緊 d softcopy...因為要好多 DIY Project 都係要用到呢批相...!!  所以好多野都企左響度無進度~!!   唔可以比藉口阿B懶了...嘿~~

可能天氣熱...成個場無人影相...梗要響度影番張留念...因為我以為今次係最後一次入 CDL~~~

終於收到喇~~~ 黎張合照...

收到大油畫 1 張~~~ 一家四口...係咪好 warm 呢?!  哈哈~~

8張 2R 相~~ 真係用相紙晒出黎...我仲以為佢會整張咭型物體添~~ 以佢地先前賣比我地 $198 一 set兩張...咁我地咪賺左 $792 ?!  真係多謝晒喎  ~__~" 

兩本小相簿~~ 整得幾滿意~~ 軟棉棉既質地...幾舒服~~

1幅嬌少型簽名布~~~ 真係好細張...如果用呢張既話...要叫D賓客簽細D個名...我驚 d 人畫花我塊面...哈哈~~

相架一個 ~~

兩隻 Soft copy CD~~ 我地就係等呢兩隻野喇!!  阿B你再無藉口了...嘿嘿嘿~~~

情深美集...其實點解要叫呢個名呢..?! 

我地覺得中式先可以襯番呢D啡唔啡金唔金既色...所以揀左呢輯相放入去~~

係咪覺得少左D野咁呢?!   無錯...係少左一樣野!!!  而且係幾重要既野!!!!

就係我地本大相簿呀~~~~~~!!!!   睇左真係好唔得...電腦效果欠奉!!   睇得出排版o個位仁兄好無心機...雖則我地唔係 william & angelababy...或者你睇到我地想打鑊金...不過比少少專業精神好無...!!   真係幾離譜下...睇到咁上下...我直情衝口而出話 : 排成咁...我都識整...駛乜加錢比你地整...好無 heart...

不過CDL既職員真係好好 EQ...好有耐性...仲即刻話幫我地重做過...仲即時拎支紅色maker 出黎響本相簿度將唔滿意既地方畫 " X " ...@@~~ 好果斷!!!

佢話一個星期後去睇新排版...我地好似要改六七頁咁上下...其實其他都唔多滿意...不過費事煩...所以揀左真係好接受唔到o個幾頁重做~~ 雖然唔寄望做得好靚...不過有點失望在所難免...

 

 

給新郎的小貼士

網上抄來的文章~~很有趣~~

 

給新郎哥的小貼士:
 

點樣可以有個難忘既婚禮？

難忘既婚禮不在於場地不在於佈置而在於兩位主角新郎同新娘 !!

因為你既來賓就好似睇球賽既觀眾，如果你地好投入咁踢，佢地就會好投入咁睇，而 end up就會有好難忘愉快既婚禮 !!!

正確方法是：

1. march in 時唔好心不在焉，左顧右盼，而要面向走廊把目光一直盯著你的新娘子。

2. 新郎要向前行迎接新娘子，還要和新娘爸爸說一些話才把新娘子接來，不要搶 !!

3. 全程要拖著新娘子，不要令她好像被人放置一旁，(其中有很多橋妙，怎樣可以不放手戴介子和走位等等）

4. 如用介指枕要想好辦法可以單手拿出介指以免拿不出來令氣氛變得不莊。

5. 新郎哥請辨別那一隻是新娘的介指才拿起，因為很多新郎哥隨便拿一隻，最後自討苦吃，因為你的娘子是會硬把那小小的新娘介指戴入你的手指才肯罷休!!

6. 為了影相好看，不要遮住晒新娘子隻手，要用左手輕輕地托起她的左手，右手要要擒拿手咁拿介指。

7. 不要看著誓詞宣誓，你是在對新娘作出終身的承諾，請含情默默的望著她講出承諾 !!（沒有人提示的新郎請你背了這簡單的誓詞吧 !!）     

         我請在場各人見證：我XXX願意娶妳XXX為我合法妻子

8. 一定要帶新郎、新娘、兩位主婚人的身份證明文件正本。聽聞有啲新老爺嗰日會換新銀包，不過裡面係無身份證架。

9. 頭紗太長掀起時要小心掀起，可以先用捲既手法捲到新娘既鼻既地方，再做掀既動作（試婚紗時不妨先練習一下）

10. 鍚新娘moment：新郎不要向前傾地kiss新娘，先不妨做下眼神交流，向前貼緊了新娘後再kiss，會自然啲，鍚新娘其實係代表這個承諾、這個婚姻法律你願意加上火漆來遵守，是一個別在意義的一吻，所謂seal it with a kiss，請大家enjoy這一刻。

11. 以上咁多點新郎新娘最好多先預習幾次，practices make perfect

Wedding Expo Again~~ (Part 2之婚前檢查 & 買紅酒 & 電腦展出血)

買完餅咭...周圍睇...想打阿 SA o個隻4合1既針...雖然我已經過左最有效既時間...哈哈~~~我至怕死...所以都係有得打就打喇!!  兩千幾打3支針...其實我好怕痛的...不過唔想死就要捱下痛了!!  終於 join 左防癌天使...貪個名好純潔咁...@@~~ 其實因為咁o岩去到呢度比人 sales...點知原來要去中環打...呃~~~~~好遠啵!!  而家仲送多支流感針比我...嗚嗚~~又要打多針!!!

既然係咁...就 join 埋婚前檢查啦~~~除左一般化驗外...主要驗恆河猴因子...呢個如果要生bb就一定要驗既...因為呢樣野有機會引致胎兒溶血性貧血甚至死胎...另外要驗血紅素成份分析...即係檢驗有冇地中海貧血...仲有一項係德國麻疹抗體測試...如果無抗體就要響懷孕前接種疫苗...以減低感染 bb 既機會...唉...做女人其實真係好多野要兼顧...

而男性就好似簡單 d ...除左一般化驗外...主要驗下精液常規測試...評估男方之生育能力...精子活動能力及精子數量等...哈哈~~~ 我覺得好搞笑....雖然呢d係好正經又正常既事...不過精液唔似驗大便咁可以留幾日黎驗...要新鮮的...........哈哈~~~ 諗到呢度實在忍唔到笑!!

好多贈品呢~~ @@!!  隱藏既小女人心態又呈現喇!!

今次婚展入場仲送左包 M 巾...哈哈~~~ 個女仔比個袋阿B時...佢望到 41 cm 即刻扔比我...!!  哈哈哈~~~

同場送左兩張家居展門劵...不過行左一個圈就走番出黎...好似年宵咁...好混亂又無野睇...

之後去行電腦展...呢度多人過婚紗展好多...我地心目中係買部 netbook...係咁行行行...買呢買路...買左SD card...相機 parts...相紙...printer...因為唔醒起要襟錢...濕濕碎碎既又唔收 credit card / EPS...所以兩條友最後用剩 $50 出黎...仲要去襟錢先可以贖番阿細返黎!!!   d野又重...拎到屎屎下...!!  阿B仲話我捱得......呃...其實我唔捱得架...你快D考慮下唔駛我捱啦~~~

部 netbook 平過出面7百幾蚊啊...即買..!!  本身想要白色的...不過無貨...藍色原來仲靚仔呢!!

全場 printer 至平...$299...買墨仲貴過部機...@@!!!

黎之前帶左隻細細豬去剪毛扮靚...6點幾狗鋪打黎催要接隻妹走...拿拿林過番婚紗展訂埋紅酒...

心目中已揀左新翹行...因為好多 bloggers 都用過...應該會幾好...又有得回收...價錢心目中定左 $40 - $70 左右...一埋去就表明我地趕時間...夏生好好人...即比三隻酒我地試...不過我地其實唔識飲...但朋友教我地...唔識就用個至簡單既方法...就係飲一啖覺得唔難入口就ok喇...第一杯...嘩...好難飲丫...試第二杯...呢隻係我地心水選擇...入口ok喎...可以接受...都唔駛試第三杯我地就決定用第二杯既酒喇...呢隻佢話係四季酒店既 house wine...而且我見有 blogger 用過呢隻酒都讚不絕口...應該唔差掛...價錢又係我地範圍之內...即開單比deposit...夏生見我地咁爽快就比多個"電視框"我地...我諗佢都好少踫到我地呢d快刀客!!

原來抽獎係每張單計買滿 $2,000 呢...買左咁多野...樣樣都係千幾蚊...一張都無得抽呀!!  真係無抽獎運呀!!

搞惦晒所有野喇!!  拿拿林搭車返大埔...7點9先返到呢...同個姐姐講唔好意思...佢幾叻呀...佢話: "你唔駛同我講唔好意思...你同佢 (阿細) 講就得喇!!"  咁又係喎...等我地內疚 d 喎!!  我真係同阿細講呢...因為佢困響個籠度...成日想抓開個閘想出黎呀!!

返到屋企佢即刻訓著教...可想而知佢之前掙扎得幾攰呢!!  佢坐響度都訓得著...哈哈~~家下佢剪剩個頭D毛毛...個身好似排骨仔...隻腳仔好幼呢!!  佢次次剪完毛彈跳力強勁左...!!  所以佢又變番百厭細了!!

阿B即刻裝部 netbook... yeah~~~ JB netbook!!!!  哈哈~~

Wedding Expo Again~~ (Part 1之買餅咭)

今日又去婚紗展了...今次有幾個目標...(1) 買餅咭 (2) JOIN 婚前檢查同埋打預防針 (3) 買紅酒...

之前問過美心...今次無擺檔...oh~~ no...!!  噚日公司的小妹妹 send msg 比我...因為未知美心幾時再有員工價...所以我要自己買喇...佢仲話萬分唔好意思...傻妹~~ 佢臨走前都仲記得問我係咪要買餅咭...其實佢都好儘力想幫我...我又點會介意買唔買到喎...只是貴少少...其實都無乜所謂...

本來都諗住去工聯會買...有八折...不過去到 expo...見到聖安娜後就即刻轉呔...!!  因為張餅咭好襯我地張帖啊!!!!  哈哈~~~ 聖安娜出左幾款餅咭...分別係 (1) 舊有基本換西餅既餅咭 (2) 極品套裝 (Deluxe Cake Set)  (3) 至尊套裝 (Supreme Cake Set)...

我地計過 (1) vs (2) 只係差幾蚊...而 Deluxe 就最襯我地張帖...個餅盒好靚架!!  決定買 40 張 Deluxe 喇~~~ 而呢款餅咭都有分中西式 @@~~  咁我地既然有中式帖...所以就 20 中式 20 西式了...好無聊...哈~~ 咩都要襯一番...

75 折...加送左一張 $100 蛋糕劵~~ 仲送左 d 回禮利是封...仲比多左d封套...可能知我論盡...驚我加工過程中出錯掛...heehee~~~

仲有得試食添啊...我就揀左藍莓...阿B揀左芒果...佢揀o個隻好味d ~~

睇勻個名單...都唔見有奇華既?!  於是問下人...oh~~~ no!!!!   奇華無擺檔呀!!  佢次次都擺點解今次唔擺啊!!!!  @@~~~~!!!!!!   不過我地都無乜所謂...無奇華就去買榮華啦~~ 差唔多o者~~!!

去到榮華攤位...阿姐好好招呼...有問有答...如果買滿 30斤就可以免費借過大禮用既禮餅木盒同埋禮書木盒...初時聽到要買 30斤...嘩~~咪好多?!  原來買一張餅咭 (4個囍餅)就已經 1 斤喇...即係買 30 張就得囉!!   咁我地計計...過大禮又要買兩盒龍鳳對餅...換d餅黎過下大禮充場面...加埋要派比長輩既餅咭...其實都差唔多...所以就買左 30 張了!!   仲有我地過大禮o個日既前一日...剛剛趕到避開中秋既繁忙時段...所以仲可以去任何一間換餅...太好了!!

呃...不過佢送左把紅遮比我啊...我已經買左喇!  個 sales 仲話我咁早買做乜 @@~~ 不過把遮印左 " 榮華 " logo 既...我唔做代言人啊!!  我都係用番之前買o個把!!  靚好多!!

阿姐開把遮比我 check check...之後佢提醒我...不過個樣好怪異...@@~~ 佢話而家開過把遮返到屋企就唔好再開喇...要到出嫁o個日先好再開啊...佢先後講左幾次呀!!  搞到好似講緊鬼古咁!!  嚇死人咩!! 

榮華 d 封套好靚啊...!!  叫佢比多一兩個都唔得...咁我加工時要好小心先得喇!!!

搵日要將 d 餅咭套加工了~~~!!  yeah~~~ 遲d訂埋d雪糕劵...咁就搞惦呢part喇!!

哈~~~ 呢 part 我係絕對唔可以比 $$ ...因為有個好好既藉口...禮餅係男家既聘金...我點可以貼錢嫁啊...哈哈哈~~~ 阿B速速傍唔好兩頭望...哈哈~~

另外...今次 Casablanca 有擺 booth... Irene 見到我地居然認得...剛巧佢同事仲派緊張宣傳單比我...仲同佢同事講唔駛派喇!!  @@!!  其實我地見過一次面咋...仲要係幾個月前...咁都認得...我地真係咁易認咩?!   佢話比我地知因為上個星期擺左美食節...所以奇華美心今次都唔會擺 booth 囉...呃......之後佢叫我地九月上佢度傾下個 backdrop 點整...um...其實我都未有心水...紫色係我地既 theme...不過我迎賓o個條係紫色裙...又唔想個環境咁花碌碌...想清清地柔和d就得喇...又驚d 人話白色唔好...真頭痛...選擇恐懼症又發作了......

一個人在途上

今日阿B要去幫大細佬公司整電腦...所以佢上左深圳先...咁我就下午先上去join佢地...

次次北上都係有人陪...基本上我都係跟人行...唔多認路的人...今次要自己一個人上去...雖然應該好簡單...都係出左關搭一個站地鐵就搞惦...不過話晒都係第一次...心情真係幾緊張下...又驚過關時手指紋又出現問題...又驚講d半咸淡既國語d人聽唔明...又驚呢樣o個樣...係要諗樣野黎嚇下自己咁......

阿B知我神經質...出左門之後係咁 send msg 比我...好似錦囊咁...等我一開個電話...係咁狂收msg...@@~~  好搞野!!

(1) 第一次自己過關要小心...上車分羅湖落馬州...

(2) 香港關一定無問題啦...大陸關要落一層回鄉証...出左關直行...小小靠右...唔好上地面...

(3) 搭一個站就係國貿A出口...好多人出...入商場行到尾就是燒東西了...

(4) 過關後唔好關電話啊...

(5) 你去到上水...打一次電話比我丫...

(6) 小心D呀...未來老婆仔...

(7) 估計 3:18 分會來到...你嘆番隻雞翼先啦...

佢簡直當左我係大鄉里出城呀!!!!!!

我當然好順利過到關...不過一路行其實都有D驚...去到3點左右咋...坐左入燒東西...阿B比左 100 蚊人仔散紙比我...(好孤寒!!)  我自己用有限的普通話叫左個寂寞魚翅餐食...

原來一個人...係好寂寞...好孤獨....... 呢一餐...一D都唔好食~~~

佢地真係好準時黎到@@~~ 之後上去玩 spinning...今日又係跴兩堂...但係今日好熱...個房又唔開定冷氣先...搞到我今日跴得好辛苦...仲覺得個身出左汗之後零舍臭~~~

今年兩個阿 sir 都好奔放下...一大班人運動真係好開心...好有動力...不過黎緊幾個星期應該無乜時間上黎 lu...um~~~ 有d唔捨得添......

選購紅酒細則

email 傳來的文章~

選購紅酒細則:

1 選購前，應要求公司安排試酒，因為不同年份﹑葡萄﹑產區﹑酒廠所出品的酒口感和味道可以很不同。

2 西式酒會宜用香檳，白酒佐以小食，氣泡酒(SPARKLING)或甜白酒也是不錯的選擇，有很多意大利出產的氣泡酒都以香甜，清爽宜人見稱，配合婚禮幸福的主題。

3 中式囍宴則以紅酒為主，乳豬拼盆、烤鴨、魚翅等口味偏重，較為油膩，澳洲的SYRAH或意大利的NEBBIOLO、BARBERA等口感豐厚，果酸充足正可以中和口腔的油膩感。

4 由於婚宴用的紅酒要招呼所有賓客，可選擇一些口味大眾化、容易入口的紅酒，如味道較香甜、果味較豐盈的類別。平價的法國酒，好選擇並不多，而且大部分較難容易接受。

5 一般的批發及零售酒商的售價通常較其他大公司平20-30%，亦設有試飲服務。

6 一般預算是每席兩支紅酒，即如二十席便需要四十支紅酒，但最好還是預多好過預少。

7 訂購後應要求供應商於婚宴前一天前送抵場地，酒品經運輸震盪後味道可能會有參差，而且會有泡沫，最佳狀態是於婚宴場地靜放一天，當然要確定場地有適當的儲存設備。

龍鳳鐲

網上抄來的文章...不過唔記得出處了...sorry~~

 

在傳統中式結婚禮儀上, 雙方家長會各給新娘一對龍鳳鐲, 龍鳳鐲有龍鳳呈祥，佳偶天成之意, 亦是傳統中式結婚禮絕不能缺少的.但其實 「龍鳳呈祥」具什麼的意思呢?


龍鳳呈祥的意義


朱雀與鳳凰：
朱雀與青龍一樣，也是四靈之一。牠是古代神話中的南方之神，亦主宰著天上的南方星宿，屬火，紅為主色。朱雀既像孔雀，又像鴕鳥，秦漢之際，常刻在墓門上作為守衛，在瓦當上作為裝飾有驅災辟邪的功能。而對於朱雀的來源有兩種說法：大部份人的看法是朱雀就是鳳凰的別號；另一說法為朱雀和鳳凰是兩種靈物，而鳳比朱雀更早出現，後來由於鳳和朱雀都以孔雀的造型為藍本演變而成，因此兩者逐漸拉近。故此朱雀和鳳凰兩者是相同的。而以下的內容中所出現的鳳凰是等同於朱雀。

朱雀起源：
鳳凰的起源與龍一樣，都是源於圖騰文化，不同的只是鳳的圖騰文化是東方各氏族部落圖騰的結合。鳳凰是一種色澤鮮艷、能歌善舞、具有「領銜」作用的鳥中之王。它的造型是人民尋找各種禽鳥中最美的特徵部份，加上他們的審美觀點、感情和理智，加以綜合和統一，融合成一個象徵著和平、安寧、幸福和瑞祥。

鳳的演進及象徵：
直到唐代，皇帝便正式以龍自居，自稱為龍的化生，即所謂「真龍天子」，而鳳作為「有羽之虫三百六十而鳳凰為長」的神靈，這樣鳳凰便成為了皇后和妃子的代表。而龍和鳳亦正正式式成為一對。

直到現在也有一些事和物以龍和鳳作為稱呼，例如一胎中生男又生女的就叫龍鳳胎；新人結婚都可以說為龍鳳配，又或叫龍鳳程祥；而結婚更不能少了龍鳳鐲及新娘子的鳳冠。總而言之，龍和鳳在中國人的心目中一直代表著吉祥、高貴和相輔相成的關係。而且龍鳳的結合亦漸漸被用作形容愛情。