2010-08-26 Paper Craft 101 - Lesson 3

星期四 (26/8) 開始作病...喉嚨非常唔舒服...終於呢兩日病到傻下傻下...又有咳...至怕就係咳...

星期四晚上左第三堂 Paper Craft...今堂整左兩張咭...好緊張...因為同學仔們實在太快手呢...其實可能係我實在太慢手...

好鍾意呢兩張咭...一張簡單得黎好清雅...另一張令人有意外驚喜......

部相機比阿B拎左去無鍚...唯有用 iphone 影...

哈~~ 原來呢個 b 字係 q 字黎...無所謂啦...哈哈哈~~ d 閃粉好靚...無諗過可以咁整...

上 Vivien 既堂...佢會不時話比你知一些知識以及一d要注意既細節... Paper Craft 101 真係好值得去上的...!!! 

好快手就開始要整第二張咭...呢張咭係結婚咭黎...比較複雜...多左好多工序...今堂學會整煙燻效果...不過我做得唔夠煙燻...heehee~~~

呢張咭仲好鬼馬架...打開裡面仲可以放人情同埋心意咭仔...好實用!!

哈~~ 今堂我又整錯野了...cut 紙又 cut 歪了...仲要衰收尾.......哈哈~~~我將呢張咭個封口調轉左黎痴呀!!!  整完之後...咦...點解會咁既...跟住大叫....... 好彩 Miss 幫我將d 海棉膠紙搣番出黎...我再痴番好...終於都算完成了...... 其他同學見到我咁真係唔知笑唔笑我好...heehee...

因為和另一班的同學仔調了班...所以下一堂會提早在 1/9 完成...好期待呢......

2010-08-24 我的低能之作 (J02)

哈~~ 都係將呢篇和上一篇分開黎 post ...因為大家既注意力 focus 晒落 d 敗家品度....  唔記得批評下我張咭仔...

噚晚無無聊...突然想玩下整咭...其實我初班都未畢業...不過想試下之前買既兩個 MS Punch...好易用...不過收藏唔多方便...@@~~!!!!

哈~~~咭入面原本唔係咁既...我玩印仔呀...點知印衰左...力度控制得唔好呀...花晒...所以...用埋咭面剩左既紙黎整左 D 怪野出黎...哈哈~~~ 好似怪怪地咁...咁花點用黎寫野響上面呢?!  諗諗下...我部 cuttlebug 都無乜點玩...所以拎出黎睇下生銹未~~ 就整左呢個 tag 貼埋上去喇... 得唔得呢?!  @@~~!!

要創作一張咭出黎原來真唔係容易...要再努力研究下先得...!! 

我呢張咭就係用左呢兩個 punch 黎整架~~^

2010-08-21 深水埗尋寶之旅 (補充敗家地址^__~)

阿B要出差無鍚一個星期...所以我呢幾日都好乖好早返到屋企......

響屋企陪隻狗仔玩完一輪...隻傻妹就自動放棄唔玩...匿埋訓教...@@~~

上 SAT (22/8) 去左深水埗買左 D ribbon & botton...又平又靚又多款選擇...不過條街真係好熱囉~~!!  行到成身汗呀~~~

我只係行左幾間絲帶鋪...呢兩間比較大間多款選擇~~

全興織帶廠  深水埗南昌街 105 號地下 (3586 9865)

正興織帶公司  深水埗南昌街 109 號地下 (2394 8639)

絲帶2-3蚊碼...有d 十蚊三碼...開心到丫...買一碼怕唔好意思...所以每款買兩碼...買左十幾款...拎到返屋企為左方便收藏...卷到我同阿B手都軟...@@~~ 我諗平時 pack 得靚靚地賣成二三十蚊o個 d ...3/4 既價錢都係人工及包裝費......

其實最貴係D花花...呢兩包買左成六十蚊...唔知有冇買貴左呢...不過呢間唔記得左叫咩名...都響附近架喇...!! 

唔敢講價呀...個老闆娘食左火藥呀!!  因為之前比 $$ o個位姐姐仔...原來已經搞左成幾個字...點阿姐禽高禽低叫佢拎d最高既絲帶落黎比佢睇...又話唔啱...人地拎番上去...佢又話要...激到阿姐怪叫...又問東問西...搞左佢咁耐只係幫襯佢幾蚊...佢走左之後...嬲到阿姐依依哦哦猛話佢...@@~~!!

其實我第一次行深水埗南昌街同汝洲街...我又唔知實際響邊度...盲摸摸又比我搵到@@~~ 有幾間賣絲帶既鋪頭幾大間架...好易搵...裡面多款到你會唔捨得走...我都想唔走...不過有人等緊所以要快手快腳去決定買邊款......搵日再黎尋寶先得...!! 

經過一間較大間既賣鍊咀飾物既鋪頭...發現呢兩款木制品 (@$4) 幾得意...買左幾個...未知用黎做咩...不過都應該會用響咭上...而呢間鋪頭裡面仲有好多款鈕賣呢...不過都唔平...大大少少大概 70幾粒 @15...埋單要比 $46...

呢間鋪叫 繽紛首飾  深水埗汝洲街 209 號地下 (2380 3330)

另外經過賣 lace 既鋪頭仔...買左 d lace 尾...都幾長下架...$5一條...用黎做相簿比同學仔~~!!

其實成條街真係大把野睇...可以消磨一日架...大家快 d 去尋寶啦...!~!!!    搵到好野記住話我知啊~~~

 

 

2010-08-20 什麼店再尋寶...持續敗家篇

響 ebay bit 左樣野返黎...噚晚出左旺角交收...seller 送左本書比我...好厚又好重架...仲好新淨添...

真係好開心...!!  阿B 話 : " 嘩~~~百科全書添呀?! "  嘻嘻~~~ 好鍾意呢本參考書呢!~~

之後去左搵油水溶木顏色o個隻方便筆...我已經問勻好多文具鋪都無呀!!  有d仲唔識添...令我好後悔書展唔買呢!!!!!!!

終於比我響香港美術用品度搵到!!!  真係開心...仲順便買埋膠水, 彩色咭紙, 白色啫哩筆及海棉貼...之後去行下繽紛...見到啡色絲帶...好靚呢~~好鍾情呢款絲帶...買!!!!

響 FB 知道花園間有賣工藝品既樓上鋪...順便上去睇埋...買左塊日本雕刻膠...好貴...不過真係順暢好多架!!!  買左幾個 STAMP PAD...印出黎線條好似靚D...仲方便上水溶木顏色...見到有兩塊布好靚仲有俄羅B呢...用黎整布包鈕...!!

之後分別去左旺角及 MEGA BOX'S 什麼店尋寶...響旺角的買左絲帶, 雞眼 (如果彩色就好喇..), Lace border及禮物紙袋...響 Mega box 先搵到響桃子's blog 提到既兩腳釘呢~~~ 好靚架...可以用黎做 album 用!!   我已經收到一個 order 訂制相簿了...哈~~~ 係我個伴娘叫我整比佢架...仲要用埋我地 08 年去韓國聽演唱會既旅行相添~~~ 嘻~~~好開心佢比信心我去整呢!!!  有目標去做更有衝勁.......我首先係要去買d靚靚紙先得!!!!

*** *** *** *** *** *** *** *** *** *** *** *** *** *** *** *** *** *** *** *** ***

嗚~~~~ 阿B下星期會去無鍚及常州出Trip一星期呢~~~~ (YEAH~~~即係我放假一星期!!!!  )

所以買左個靚仔喼仔比佢用~~~ 嘻~~~我仲叫佢見喼如見人添...!!!

 

 

 

2010-08-20 交收 Slice Machine

之前響 ebay 度買左架 Slice Machine ...平過出面好多啊... 賣主 Susanna 話係新的...咁我就咁 check 都應該係未開過...佢好好人...仲送左本書比我...雖然本書對我作用唔大...

不過我其實仲未識用 @@!!

2010-08-19 Paper Craft 101 - Lesson 2 (Birthday Card)

噚晚上左第二堂既 Paper Craft 101...好好玩!!!  不過今次我又 cut 錯紙了...總係 cut 細左張紙...@@!!  認真唔小心呢~~

其中有兩位孖妹同學實在太快手了...我及另一位同學有點壓力呢...哈哈~~ 總係怕拖慢了她們的進度......

今堂 Vivien 教我地整立體花...摺三朵花...因為我倆覺得摺得密D會靚D...所以就跟足 Miss 的原作黎摺喇...真係摺到手有點抽筋的感覺...因為手指實在太唔靈活喇~~~

呢堂用得最耐既時間就係摺花...反而比上堂少左用工具...所以我地大概八點九左右就全部完成喇~~~ 不過下堂要整兩張咭一定無咁快手了...!! 

我好鍾意呢張咭呢...噚晚放左響檯頭...一路上網間中望下...真係好滿足!! 

多謝 Vivien ...佢真係教得好好...!! 

今次我對面的同學仔好叻呀...佢準備左個朱古力盒黎裝張咭呢...咁咪唔驚拎返屋企時整爛及變型囉!!!!   

所以今日 lunch 時...過左對面什麼店買左兩個文件盒用黎裝咭...heehee~~~ 又比藉口自己買野...!!!

 

繼續刻章

雖然我正在學習制作賀卡及相簿...不過我並無將刻章忘記了...依然有刻架!!  不過技術依然無乜大進步...始終都係刻得少...我會儘量練習的了!! 

我刻既圖章線條依然係核核突突...唔似其他人刻完好似一件藝術品咁...應該雕空既位置...我會不顧一切咁胡亂刮佢出黎...  可能依然係唔夠耐性...所以刻章都係訓練耐性的一個好方法!!

上次金老師印了五個俄羅B公仔比我地...我已經刻晒喇...不過線條唔靚...有d又雕斷...特別係隻眼...全部 V 型既我都雕斷...嘩哈哈~~ 太笨手笨腳了!!  總係學唔到老師同另一位同學仔好順暢咁雕...

刻到d 俄羅B好似乞兒仔咁~~~ 完全醜化晒 Miss 既創作...我其實應該唔好再提我曾經跟過她去學習刻章...以免其他人看到以為教成咁...哈哈哈~~~  真係有辱帥門呀...!!

隻隻都變晒大細超... Miss 看到後會嘔血嗎?! 

呢隻格仔B仲比我雕多個袋出黎...因為雕甩左...呵呵~~~

2010-08-12 Paper Craft 101 - Lesson 1 (Classic Layered Card)

星期四 (12/8) 終於上了第一堂的 Paper Craft 101 ...好開心呢~~

第一次見 Vivien ...佢笑得好可愛...之前向她買了兩套 cling stamp...她還會著緊地問我識唔識組合...嘻~~真的很細心...幸好有她的提醒呢...否則我一定搞錯晒!!!

我地響間小 cafe 度上堂...另外還有三位同學仔一齊上堂...!!

第一次用 trimmer ...cut 紙真係快夾靚呀...唔駛用 ruler 度位...唔駛怕 cut 錯...真係好好用~~!!!

Vivien 好有耐性地教導我地...教我地油顏色...點用 punch...終於我地第一堂既習作完成喇!! 

哈~~~隻賊仔沅熊同隻蝴蝶係我油架...應該有 d 陰影位...不過我油唔出 d 立體感覺...

真係好開心呢...下星期四會上第二堂...課程由淺至深...下次 Vivien 會教我地摺立體花...oh~~摺紙係我既弱項...希望唔會搞唔惦啦!!@@"

呢個 course 會上四堂...總共會整六張咭...第三及四堂會在個半鐘內整兩張咭呀...真係一個大挑戰呢!!  好期待!!!

*** *** *** *** *** *** *** *** *** *** *** *** *** *** *** *** *** *** *** *** *** *** *** ***

近呢個月上了三個課程...真係好好玩好開心...睇住呢D制成品...真係令人心情都好好多~~~ 為平淡既生活帶來了一點樂趣...yeah~~

2010-08-11 學習制作座檯式相簿~完成篇

為期兩堂的座檯式相簿制作課程終於完成喇...不過第二堂 overrun 呀...因為實在笨手笨腳...我既制作過程比較混亂呢!! 

好多謝 Olivia 耐心地教導我地呀~~ 好開心終於擁有一本自己制作的相簿呢~~ 雖然唔係整得咁完美...我會多多努力...希望越做越好啦~~!!

這兩堂令我認識及嘗試到不同的工具...太神奇喇!!!   上課的心情真係既興奮又緊張...興奮係可以真真正正學到制作技巧...緊張係...........我驚跟唔上影響了別人的進度...!!

上課前一日...揀了一些相片去晒...好期待可以快 d 完成 ...見到真正成品呢~~!!

上堂完成了相簿的封面, 封底及其中一張內頁...今堂會完成埋另外三頁內頁呢~~

今次我揀左另外三張紙...花碌碌色彩繽紛...workshop d 紙品好靚呢~~~!!  真係令我大開眼界...!!

今堂試玩了 cuttlebug ... embossing powder ...好好玩呢~~~ 阿B覺得 D 浮雕印字好神奇...哈~~

登．．．登．．．登．．．

我的第一本自制的相簿啊．．．  有我們的寶貝細細狗仔呢~~~!!!

還有...還有...好戲在後頭... Olivia 送了我們每人一本相簿禮物呢...好靚架!!!  實在太開心呀~~!!!!!!!!!!!!!!!!!!!! 

2010-08-01 & 2010-08-08 快樂印章班

自從試過自己雕印章...發覺比想像中難...咁啱早幾期為左換大阪旅遊書...所以買了兩期 "U-乜根先 "...其中一期 DIY 篇介紹雕印章...嘩~~仲係示範雕我喜愛的俄羅斯娃娃...太靚喇!!!  所以的起心肝想去拜師...咁啱金老師開班...拿拿林報名...YEAH!!  報左名之後不知幾開心...真係好期待呢...連續兩個星期日下午去火炭穗禾苑返學...哈~~變左兩個星期我都在火炭無間斷出沒!!! 

上課之前去了 Miss's blog 了解下 miss....發覺佢好爽朗...哈~~我至鍾意...上星期日(1/8)終於到左返學既大日子...第一次見金麥姬老師...真係好可愛...哈哈~~~ 冬菇頭水手裝...笑容燦爛...笑聲震天...而且不時會變聲說話...好搞笑...令到緊張既上堂心情變得好輕鬆好開心...!!!!

其實我領悟力真的比較弱...所以要睇好多次聽好多次先明明地 MISS 講乜...不過金老師真係好有耐性教我地...有時好溫柔咁對我地講解...有時突然變得粗聲粗氣去講笑...好鬼搞鬼...

我拎住把刻刀...真係唔識轉彎...成日好驚雕錯...所以雕得真係好核突下!!  哈~

返到屋企仲要做功課架...要雕六個印章...最後我只係完成左五個...但係雕得好差下...D線唔得圓滑呢~!!  有一個仲雕到無左隻眼...隻熊仔無左個頭...哈哈哈~~

我雕左隻大笨象同埋低能系列作者馬仔...我既最終目標係要雕大口仔!!!!

今日 (8/8) 既堂上習作係雕俄羅斯娃娃...好可愛的圖案...!!!  老師仲教埋我地將個圖章上落舊木度添...終於擁有第一個自己制作好樣少少少少少既印章!!   紳士俄羅B...哈~~得意嘛?!  老師畫既俄羅B個個都四萬咁口...好得意!!!

金麥姬仲幫我地做左個盒仔放圖章...真係精美...!!  哈~~實在太鍾意!!!  今日仲同成班同學仔合照呢~~

其中一位同學仔...佢雕既印章真係靚到可以拎去賣...佢其實唔駛黎上堂都得呀!!!

相中o個幾個雀仔印就係佢雕架喇...d線雕得好乾淨俐落!!!  佢今堂仲帶埋佢d私伙敗家品比我地一齊玩呢...真係好開心...佢好好人呀...仲教我地點玩 embossing powder 同毛毛粉呀...!!!  呃...原來我上次只係買左毛毛粉...無買 d 膠水粉...怪唔之唔得啦...下星期過開海上堂...去 ppart 入番貨先...!!

呢個同學仔仲識整立體咭...真係好厲害呀!!!!!

開心既時間永遠好快過...雖然我地都賴皮到五點先走...其實上堂時間只係 2:00 - 4:00...上次玩印仔整 postcard 都係搞到好遲先走...哈~~ 阿B 響課室出面等左我成九個字...HEEHEE~~

因為有一位同學仔遲左黎未能完成個印章...所以只有我地六個影左張大合照...佢地個個都雕得好靚呢!!!

快樂的印章班...真係好難忘...玩得好開心!!!!