自從試過自己雕印章...發覺比想像中難...咁啱早幾期為左換大阪旅遊書...所以買了兩期 "U-乜根先 "...其中一期 DIY 篇介紹雕印章...嘩~~仲係示範雕我喜愛的俄羅斯娃娃...太靚喇!!! 所以的起心肝想去拜師...咁啱金老師開班...拿拿林報名...YEAH!! 報左名之後不知幾開心...真係好期待呢...連續兩個星期日下午去火炭穗禾苑返學...哈~~變左兩個星期我都在火炭無間斷出沒!!!
上課之前去了 Miss's blog 了解下 miss....發覺佢好爽朗...哈~~我至鍾意...上星期日(1/8)終於到左返學既大日子...第一次見金麥姬老師...真係好可愛...哈哈~~~ 冬菇頭水手裝...笑容燦爛...笑聲震天...而且不時會變聲說話...好搞笑...令到緊張既上堂心情變得好輕鬆好開心...!!!!
其實我領悟力真的比較弱...所以要睇好多次聽好多次先明明地 MISS 講乜...不過金老師真係好有耐性教我地...有時好溫柔咁對我地講解...有時突然變得粗聲粗氣去講笑...好鬼搞鬼...
我拎住把刻刀...真係唔識轉彎...成日好驚雕錯...所以雕得真係好核突下!! 哈~
返到屋企仲要做功課架...要雕六個印章...最後我只係完成左五個...但係雕得好差下...D線唔得圓滑呢~!! 有一個仲雕到無左隻眼...隻熊仔無左個頭...哈哈哈~~
我雕左隻大笨象同埋低能系列作者馬仔...我既最終目標係要雕大口仔!!!!
今日 (8/8) 既堂上習作係雕俄羅斯娃娃...好可愛的圖案...!!! 老師仲教埋我地將個圖章上落舊木度添...終於擁有第一個自己制作好樣少少少少少既印章!! 紳士俄羅B...哈~~得意嘛?! 老師畫既俄羅B個個都四萬咁口...好得意!!!
金麥姬仲幫我地做左個盒仔放圖章...真係精美...!! 哈~~實在太鍾意!!! 今日仲同成班同學仔合照呢~~
其中一位同學仔...佢雕既印章真係靚到可以拎去賣...佢其實唔駛黎上堂都得呀!!!
相中o個幾個雀仔印就係佢雕架喇...d線雕得好乾淨俐落!!! 佢今堂仲帶埋佢d私伙敗家品比我地一齊玩呢...真係好開心...佢好好人呀...仲教我地點玩 embossing powder 同毛毛粉呀...!!! 呃...原來我上次只係買左毛毛粉...無買 d 膠水粉...怪唔之唔得啦...下星期過開海上堂...去 ppart 入番貨先...!!
呢個同學仔仲識整立體咭...真係好厲害呀!!!!!
開心既時間永遠好快過...雖然我地都賴皮到五點先走...其實上堂時間只係 2:00 - 4:00...上次玩印仔整 postcard 都係搞到好遲先走...哈~~ 阿B 響課室出面等左我成九個字...HEEHEE~~
因為有一位同學仔遲左黎未能完成個印章...所以只有我地六個影左張大合照...佢地個個都雕得好靚呢!!!
快樂的印章班...真係好難忘...玩得好開心!!!!
我之前都有諗過上金麥姬既堂學雕章, 不過好多blog友仔都話可以自學, 叫我試下自己雕wor
回覆刪除買左材料喇, 但係到而家都仲未開工, 超懶
[版主回覆08/12/2010 16:11:00]我有個同學仔自學雕得好靚架...佢話黎係學番d正確方法@@!!!
你買左材料就開工試下先啦~~~ 或者叫旻教你都可以啊...heehee~~ 佢都好叻架!!
上金麥姬既堂好開心架...真係笑到落堂...!!
真係好開心呀....
回覆刪除我都鐘意上呢d班, 一齊玩, 一齊開心~~~~~~€
[版主回覆08/12/2010 16:13:00]近黎報左三個 course ...玩得好開心呢~~
不過敗家左唔少啊!!!
咁靚, 搞到我又想玩下添
回覆刪除[版主回覆08/12/2010 16:14:00]玩啦~~~玩啦~~~ 好好玩架!!!
你上堂甘得好密丫
回覆刪除[版主回覆08/12/2010 16:15:00]哈~~~ 係丫係丫...呢個星期上左三日堂喇!!
好耐未試過咁勤力喇!!!
嘩~~好羨慕呀~~可以四圍印la.
回覆刪除請問你知唔知可以印係膠袋嘅印臺係邊到買呀?
嘩~~好羨慕呀~~可以四圍印la.
回覆刪除請問你知唔知可以印係膠袋嘅印臺係邊到買呀?
[版主回覆08/12/2010 16:24:00]我知中環 paperart 應該有呀...!!
比個電話你問下丫...
Paperart 2545 8985
另外...有間響旺角樓上鋪應該都有...不過我未上過去呀...我響 facebook 睇過咋~~~
Zacca Dream
旺角通菜街1A-1L 威達商業大廈 15/F , 1506 室
http://hk.user.auctions.yahoo.com/hk/booth/zaccadream?userID=zaccadream&u=:zaccadream&clf=16
你去個網問下佢丫~~
你用黎印麵包袋呀?
YAPI!!
回覆刪除玩得好開心呢！
[版主回覆08/12/2010 16:47:00]哈~~比老師發現左我添...!!!
多謝你呀!~~ 上你既堂真係勁開心好玩呀!!!
Thank you! 係呀..想印係袋仔黎送野俾人.
回覆刪除[版主回覆08/13/2010 01:02:00]而家 paperart 仲有八折呀...
不過好多都缺貨...所以最好打去問左有冇先呀!! 免得白行呀!!
其實你雕得好靚喎!!!
回覆刪除o係邊度可以買晒一set工具呀?? 我都想自己買黎玩呀....
[版主回覆08/21/2010 10:23:00]多謝你鼓勵我啊...haha~~
其實刻章既材料好平咋...一把刻刀 (廿幾蚊)...雕刻膠 (10蚊店有)...印台就ok了~~
而且仲可以用唔好擦既擦膠用黎雕都得架...最經濟既手作玩意...你都試下丫~~~
想問下你9月4日會唔會來~????
回覆刪除因為之前你講過下會參加....想問下你確認一下~
不用怕羞...!!
[版主回覆08/31/2010 23:27:00]丫~~sorry~~呢幾日病左...
我係黎架!!!!!! 今日入左$$添喇...不過張 receipt 未返...所以未通知你咋~~!!! 真係唔好意思呢~~
我黎架))))))))))))))))))))))))))))))))))))))))))