阿B要出差無鍚一個星期...所以我呢幾日都好乖好早返到屋企......
響屋企陪隻狗仔玩完一輪...隻傻妹就自動放棄唔玩...匿埋訓教...@@~~
上 SAT (22/8) 去左深水埗買左 D ribbon & botton...又平又靚又多款選擇...不過條街真係好熱囉~~!! 行到成身汗呀~~~
我只係行左幾間絲帶鋪...呢兩間比較大間多款選擇~~
全興織帶廠 深水埗南昌街 105 號地下 (3586 9865)
正興織帶公司 深水埗南昌街 109 號地下 (2394 8639)
絲帶2-3蚊碼...有d 十蚊三碼...開心到丫...買一碼怕唔好意思...所以每款買兩碼...買左十幾款...拎到返屋企為左方便收藏...卷到我同阿B手都軟...@@~~ 我諗平時 pack 得靚靚地賣成二三十蚊o個 d ...3/4 既價錢都係人工及包裝費......
其實最貴係D花花...呢兩包買左成六十蚊...唔知有冇買貴左呢...不過呢間唔記得左叫咩名...都響附近架喇...!!
唔敢講價呀...個老闆娘食左火藥呀!! 因為之前比 $$ o個位姐姐仔...原來已經搞左成幾個字...點阿姐禽高禽低叫佢拎d最高既絲帶落黎比佢睇...又話唔啱...人地拎番上去...佢又話要...激到阿姐怪叫...又問東問西...搞左佢咁耐只係幫襯佢幾蚊...佢走左之後...嬲到阿姐依依哦哦猛話佢...@@~~!!
其實我第一次行深水埗南昌街同汝洲街...我又唔知實際響邊度...盲摸摸又比我搵到@@~~ 有幾間賣絲帶既鋪頭幾大間架...好易搵...裡面多款到你會唔捨得走...我都想唔走...不過有人等緊所以要快手快腳去決定買邊款......搵日再黎尋寶先得...!!
經過一間較大間既賣鍊咀飾物既鋪頭...發現呢兩款木制品 (@$4) 幾得意...買左幾個...未知用黎做咩...不過都應該會用響咭上...而呢間鋪頭裡面仲有好多款鈕賣呢...不過都唔平...大大少少大概 70幾粒 @15...埋單要比 $46...
呢間鋪叫 繽紛首飾 深水埗汝洲街 209 號地下 (2380 3330)
另外經過賣 lace 既鋪頭仔...買左 d lace 尾...都幾長下架...$5一條...用黎做相簿比同學仔~~!!
其實成條街真係大把野睇...可以消磨一日架...大家快 d 去尋寶啦...!~!!! 
間野係邊到O家，我都好想去買下野丫﹗
回覆刪除[版主回覆08/25/2010 01:28:00]我有拎咭片的...不過響公司...聽日話比你知丫~
hey~~~好靚呀~~
回覆刪除我都想去買呀.
可以話我知嗎?
[版主回覆08/26/2010 00:06:00]我播緊毒嘛...梗係可以話你知啦...^^
我 updated 左 d 地址電話響個 blog 度喇~~~快 d 去尋寶啦~~~
買左好多野丫~o的 ribbon，花花，button都好靚
回覆刪除超靚!
[版主回覆08/26/2010 00:09:00]你去到肯定買個不亦樂乎呀~~ 真係睇到都開心架...
你睇風風到我開心到咁就知啦~~~快 d 去買買買...... (撒播毒氣中....)
花花真係好令呀! 我最鍾意呀! 兩包, 六十蚊! o者係30元一包! 一包, 好似睇相有15至30個左右! 1蚊1個, 都好貴呀! diy 真是一件, 富太的玩意!
回覆刪除[版主回覆08/26/2010 00:12:00]DIY 呢家野真係好敗家下...不過玩過就會不能自拔...!!
你都加入行列啦~~~~
回覆刪除上面兩隻雀仔so nice ar, 係咪 繽紛首飾 買ga ?
[版主回覆08/26/2010 00:18:00]係呀...木既雀仔響 繽紛首飾 買架...o個度有好多鈕賣架...
都幾大間下...好多女仔響度埋頭苦幹地揀心頭好~~
我都係星期六去左尋寶wor
回覆刪除你幾多點去呀?
[版主回覆08/26/2010 00:22:00]喎~?! 我 sat 大概三點幾去架...不過行左一個鐘左右...
下次我都去你去o個幾間睇下先......
好好啊！謝謝你的資料提供 ~~~~ 太有用了
回覆刪除[版主回覆08/26/2010 00:26:00]你都快d去尋寶啦~~~
買完記住話我知仲有咩好野喎~~
d野超靚呀~~~~~
回覆刪除我都要搵日去下先得啦~~~~比你地成日引我...我又冇時間去喎~~好衰架~~
[版主回覆08/26/2010 00:31:00]你都成日引我地呀~~~哈哈~~
你都快d出去行個圈啦...唔好浪費你對巧手啦~~
整多d野出黎比我偷下師啊~~~
唔好咁講啦, 其實我都係初學者.....仲要同大家一齊學多d野先得呀!!!
回覆刪除我真係好想去上下d workshop, 睇下自己個d技巧arm唔arm啦...你知啦技巧真係好緊要架~~~
個個雀雀木制品真係好得呀!做album真係冇得頂呀~~~攪到我想去即買...唔知星期日佢地開唔開呢?
[版主回覆09/01/2010 00:14:00]sun 好似好多都唔開架~~
你都抽時間上 workshop 玩丫...成班人玩會好開心架!!
bird cage同lace都好靚啊~~~~
回覆刪除[版主回覆09/01/2010 00:10:00]bird cage有好多隻色架~~ 不過我覺得白色至靚~~
心郁郁, 我又想去行行深水步呀~~
回覆刪除[版主回覆01/07/2011 17:07:00]深水埗真係好多野睇呀~~ 去啦去啦~~~ ^^