2010-11-16 Wedding Photo Album (Lesson 3)

星期二晚又去 Amor 玩喇~~呢晚要做兩頁內頁 & 合成本相簿....總係做得慢慢的...其他同學的內頁做得好靚... 畫面又好豐富...十八般武藝都放晒響本 album 內...我呢幾頁係咪簡單左一d呢... 坐對面的珍妮花同學仔...佢整頁頁都襯得好靚好grand...有一張 Oli 都忍唔住拎黎睇話整得好靚呢~~  

最鍾意有花花die-cut o個張...最唔鍾意第一張整既暗花...哈哈~~ 遲 d 再搞搞佢~~    但係...應該點搞呢?! 

個 Love 字係 Oli 幫我用 Slice cut 架...!!  而呢朵花花呢就係響張好靚既 pattern 紙 cut 出黎既~~ 靚靚~~!!

個 name tag 我 cut 得窄左 d ...遲 d 要重做...@@!!  好彩我都有呢個 punch...不過紫色紙就要搵搵先......

終於完成左個 course ...不過本 album 依然係未完成......

呢晚 Oli 仲係病病中...希望佢快d好番啦...要和囡囡隔離實在好難忍受呢~~ !!! 

對自己說: 得!!

好搞笑~~

2010-11-17 香芒軟心芝士蛋糕

噚晚又開始我既整餅之旅了...今次又係用 coupon 黎上堂...上次阿B話想食芒果...哈~~ 唔通佢一早知我已經揀左呢個黎學?! 

又係返旺角...不過總係唔鍾意呢度洗手唔係響課室洗...洗完又要開門咁咪同無洗有乜分別?! 

今日我已經 6:50 上去架喇...點知都係我第一個返到...阿 sir 認得我啊...一開門就話: 咦?!  又係你呀?  乜我咁易認架咩?!    因為其他人都遲到既關係...所以阿sir叫我開始先...因為之後仲有第二輪既人黎上堂......原來佢本來想賣 300 張 coupon...點知間團購公司幫佢賣出 500 ...搞到佢正常班既課程都亂晒龍喎!! 

今次整既步驟同上一個餅差唔多...係多左一d步驟...對我黎講還可以應付...不過我覺得做焗蛋糕複雜過凍餅...凍餅成日都只係搞搞搞...而且浸魚膠片阿sir又幫我地整埋...反而 towngas 就真係要一手一腳由頭做到落尾囉~~!!  雖然貴d...但似乎全面d.......學得多d......呢度無示範只係阿sir一路講我地一路做...佢間中又幫下手咁..... notes 又無...今堂仲唔得閒叫我地抄 notes 呀...佢話今日打比我話我知...不過都無 ><"

呢堂有四個人學...其中我對面的同學仔原來已有多年整蛋糕既經驗...不過見平就黎睇下環境係點...不過佢話幾失望下...而且覺得阿 sir 唔多識教...   不過呢個女仔整芒果花真係整得靚過阿 sir 幫我整o個朵架... !!  其實我都無叫阿 sir 幫我砌朵花...係佢叫停我...叫我等佢一陣唔好整住...@@!!  我仲問對面個女仔...我係咪整錯野呀?    點知佢返黎時就同個女仔講...佢心目中既花係咁...而唔係個女仔整既玫瑰形?!  是旦啦~~~ 又唔比我試......  鋪完芒果之後...我地仲以為有層o者喱倒上面...點知係無啊~~!!  阿 sir 話 ok 入盒走得.......個女仔即刻 O 晒咀...佢細細聲同我講...佢自己整既藍莓蛋糕會加 D 藍莓蓉落去個餅度...阿 SIR 又無...變左而家個蛋糕係芝士餅同芒果呢兩 PART 係分開晒......又無 GEL 響上面...可能係為左減 costs 啦...而且仲有3個女仔響度等緊上下一堂喇...佢想我地快d走掛~~~   其實我唔介意貴一點點...只係想認真學多一點點囉!!

呢度如果仲係百幾蚊既話...我都會再黎既......要原價既話...我相信其他好環境一點既都有好多囉......

又係一個鐘已經完成~~~ d 芒果好香呀~~~ 唔知今次呢個味道係點呢?!  準備 Fri 拎番公司危害下 d 同事...嘿嘿~~~ 會唔會集體中毒呢?! 

芒果軟心芝士蛋糕...不過我唔明點軟心法呢?!     賣相得唔得?!  其實我覺得幾靚...heehee~~~  (以我既技術黎計...嘩哈哈~~~pass pass!!!)

多年前的習作 - 馬賽克

大概響2007年年尾...和公司兩位同事去左 手創拾派 學整馬賽克...都幾好玩架...不過之後佢地唔繼續玩...所以無再學 lu... 而家屋企仲有 d 工具及材料呢...而且兄弟A成日都提我仲欠佢一個相架...HAHA~~欠住先啦!!  都無乜時間玩了......

近日執電腦內既相片...見番呢堆習作...哈~~~好懷念呢!! 

第一堂既習作:

第二堂既習作:

阿 SIR 話我個聖誕節老人係隻狗黎喎!!  

(未線灰)

(線灰後)

明明係雪人...!!!  哈哈~~~其實係我比阿 Sir 窒完...返屋企決定起晒隻聖誕老人...用白色再整過...  似d喇掛?!

.

第三堂既習作:

製作一幅掛牆畫...要慢慢砌個型出黎...cut 玻璃都 cut 到手軟...整左好耐呢~~~  size 大概係 35cm x 35 cm...仲拮到隻手指留血...

(未線灰)

(線灰後)

自己響屋企整既相架仔...

放響公司用既檯頭信插~~~ 有我個名架~~

(未上粉)

加左顏色 & 線灰

呢個本來係整比阿 B 的...有佢個名架~~

不過到而家仲未完成呢...哈哈~~~~ 仲未線灰架!!

馬賽克其實幾好玩...顏色又靚...鐘意點整都得...整響邊都得...!! 

2010-11-14 手作咭 again (J13)

今日見上次有兩小張黃色 pattern 紙剩...size 和 Baby Card 上面的兩張 pattern 差唔多...所以唔好浪費...就整多張咭啦~~~

< J13 >

個身用左 Glossy accents ... 不過搽得唔靚...太貼又會將d木顏色化開...算了...近睇先覺...!! 

收咭的未來主人愛貓貓...所以內頁用左擁有的clear stamp內唯一的貓貓圖案...make a wish~~ 出年六條一係佢成家立室既大日子...希望佢幸福快樂啊!!! 

2010-11-14 手作咭 (J10, J11, J12)

因為十一月份有多位朋友生日...所以唔懶得喇...今晚的起心肝整左幾張咭出黎...不過唔係咁滿意...但係又唔知有咩唔鍾意...希望收到既人會鍾意啦~~!!

< J10 >

呢張咭係整比男仔的...所以用左藍色 pattern paper...又係做企企咭...因為我未識整更特別的咭...heehee~~

用左響 Amor 新買既 embossing powder ... 綠色幾靚...不過我印得唔太好~~

< J11 >

第二張咭用花為主角...當然係送比女仔啦~~~ 張咭既概念黎自 B&J 學既其中一張咭

裡面用 embossing power 印左個 stamp ...不過都係印得唔太好...有 d 線要用水筆補番...heehee~~~

d 花花...我加左十蚊店買既兩腳釘...同埋用左新買既珠仔...靚靚~~!! 

< J12 >

第三張咭...本來係整比男仔架...不過揀揀下紙無拉拉用左粉紅色...睇黎要留比 12月生日的朋友了...又要再整多兩張 FOR 男仔的... 

呢張咭用左新買既紫水晶膠石...買左支 Glossy accents 試玩...好得意...個肚仔立立拎咁...!!  我油既顏色真係仍有好大既改善空間...Vintage 效果也重手了...haha~~

d 花都有加 glossy accents 架...不過出晒界...hohoho~~~

內頁:

Have a Wonderful Day!!  斜了少許...hahaha~~

希望朋友們都會鍾意啦~~~!!!! 

越做得多咭...就越發覺自己整咭既技巧唔夠......好掛住 Vivien 呢~~~