屋企梳化旁邊個櫃...因為有張反較檯...但係好少用...而且個櫃都用左大概五年喇...係時間要將間屋d野逐d逐d 換下...
之前想搵人訂做...不過睇極d款都唔啱...終於響兩個星期前...響 Ikea 訂左個櫃...約左上星期五送黎...點知響裝既過程中才發覺背板裝唔上...要擇日再送個新既黎...但係因為佢公司規定要出收貨單才可以收番件貨走...搞到家下屋企亂七八糟...d 門板仲要收晒落梳化底...
約左今晚送件新既黎重裝...希望唔好再有問題啦~~!!! 
至於舊o個個櫃...阿B保留左張檯面...再響 Ikea 買左四隻檯腳 ($100)...請我同學仔代訂左塊玻璃 ($41)...就變成一張新既工作檯喇!!! yeah~~~ 好開心...!! 以後做手作就有檯用喇...唔駛再用麻雀檯了...
係咪好似新既一樣呢?! 好實淨架!! (次次影親相...我家的小狗就咋咋帝帝博上鏡喇~~叫極走開都扮聽唔到的...!! 
呢位小姐真係零舍好奇八掛的!!
WOW...... 好可愛呀，我想養左好耐喇.......
回覆刪除[版主回覆11/05/2010 00:08:00]狗仔真係好可愛架...雖然有時都會好百厭...
但係對住佢...真係好開心既呢~~~
我都係起Ikea 訂左櫃，
回覆刪除今日送貨
[版主回覆11/05/2010 00:06:00]Ikea 真係好好行...成日都有新野睇...
你訂左個咩櫃呀?
見到你隻狗仔, 就諗起我隻BB 同埋卡樂B, 佢哋一隻係西施, 一隻係西施加北京!! 佢哋真係好鐘意人!
回覆刪除[版主回覆11/05/2010 00:05:00]狗仔真係好可愛架~~ 識得嗲人...家下越大越識歎...
如果我用左佢個 cushion...佢就坐響我面前...眼定定望實我...即係叫我好借過比佢坐@@"
我食野...佢就走埋黎...好乖坐我隔離...用一隻手仔搭住我大脾...即係提我佢響我隔離想食@@"
佢既眼神咁迷人, 真係會同你講野咁呀.
回覆刪除[版主回覆11/04/2010 23:58:00]哈~~佢D行為都好似人仔咁架...好識扮野~~
我訂左個書櫃，
回覆刪除尋日男朋友好努力砌好佢!
[版主回覆11/08/2010 22:26:00]Ikea d 書櫃都唔錯架!!!
我想換埋個衣櫃...家下睇緊尺寸...