噚日雖然間中都係落雨...不過放工後依然出左深水埗行下...因為想買D聖誕節既絲帶同埋D閃石珍珠...而阿B就想去買 filter & 相機帶...仲要幫公司買電腦零件......
我地去到深水埗就分頭行動...尋自己既心頭好~~~
好彩行行下都無落雨喇...咁樣好行d.....
因為要幫朋友整D野...首先去左買天鵝仔水晶粒...真係閃好多...不過亦貴好多...買左兩款分別係 $72 & $52 各 144 粒...其實我唔駛要咁多...不過佢又無得散賣...好彩有八折...呢間係 Mrs Chik Chik 介紹的...好多唔同色既水晶粒...靚到丫...睇到我眼都花~~
尋寶1 : 新光飾品 深水埗汝洲街265號地下 2151 9868
之後再去買其他色既閃石同埋半粒膠珍珠...呢d平好多...不過真係無咁閃...haha~~ 唔拍埋黎睇都好靚既...
紫 & 藍閃石 ($9 / 144 粒) & 半珍珠 ($13 / 144 粒)
10mm平底珍珠 ($10 / 36 粒)
尋寶 2:
麗藝 汝洲街 259 號地下 2387 4817
格飾共和 北河街 94 號 C 2725 8663 (呢間仲叫我 ADD 佢地 Facebook (ARC)...哈哈~~話要與時並進喎... )
之後又去睇下 D絲帶...行到去一間叫飛X行...買左 D 聖誕絲帶仲有幾款絲帶...不過後黎去第間先知......比佢搵左我笨呀...聖誕絲帶咪又係 $2 一碼...駛乜要 $5 一碼.?! 好唔開心囉...好彩只係買左三款咋...雖然蝕左只係 $9...係覺得呢間有 D 唔老實囉...!!! ><"
行左幾間絲帶行...又忍唔住入左唔同色既...多色旁身整咭時易襯 D......
好鍾意呢款絲帶...所以不自覺買左好多種色~~~
呢間我上次都幫襯過...聖誕絲帶都係 $2 碼...又多款揀...所以又買多幾款黎看門口...激死我也~~!! 以後我都只會黎呢兩間買呀~~!!
尋寶 3:
全興織帶廠 深水埗南昌街 105 號地下 (3586 9865)
另外又去左另一間...都幾大間下...又係 $2 碼...呢兩間比我既感覺老實好多囉!!!
永豐 深水埗汝洲街 201 -207 號保良局少清大廈地下 A, B 鋪 (2728 8255)
我每款絲帶都係買一碼起兩碼止...因為用黎整咭都會有排用~~~
呢日只係用左兩百蚊左右...如果唔係買水晶粒...只係用左一百咋...難怪個個都話去深水埗尋寶啦...真係好開心既呢~~~
呢日既收穫~~
之後...去左陪阿B去沙田 Chevignon 拎番條牛仔褲...本來想去榮華買臘腸...點知
榮華臘腸買二送一 (Nov 5 - 7)...
此優惠只限"港九區"?!
新界區要下個月才有優惠?!
鳴~~早d響深水埗買埋啦><"
曾生無得食煲仔飯喇~~~><"
鳴~~我地去完SSP...
返到沙田諗住買...
我問店員無得賣點解又貼poster出黎?!
佢串串貢指住港九兩個字><"
所以貼出黎係無錯 hahaha
居然有分港九區 & 新界區...真吹脹...@@~!!! 算~~~
shopping 好開心!! 我都在weekend shopping, 不過係買衫買褲...
回覆刪除[版主回覆11/08/2010 22:13:00]搵日我都要去買衫買boot...買野都係好開心...heehee~~
我都好鍾意那種條紋絲帶,又易襯又平又多顏色 good
回覆刪除不過,我只懂得去飛x行買,都唔知貴好多tim
[版主回覆11/08/2010 22:15:00]可能只係某個 sales 搵人笨...又或者佢見我個樣蠢蠢地...heehee~~
佢都係聖誕款賣貴左...其他既都係 $2 起...@@~~
哎呀,我之前已經寫左話永豐價錢較平...
回覆刪除[版主回覆11/10/2010 01:05:00]嗚~~ 都怪我無溫 blog ~~ ><"
我會記住的了....嗚~~
d水晶好靚!但我次次貼膠水時個底就會變得"起泡" or 冇咁閃....
回覆刪除見到D帶呢, 我有個諗法, 可唔可以用幼果D整DC仔的手帶? 深水埗有無果D扣果D野...?
回覆刪除[版主回覆12/04/2010 01:28:00]深水埗真係咩都有...!!
用黎整DC手帶應該無問題...不過要整得結實...如果唔係承受唔到DC既重量...HEEHEE~~