2010-11-12 香滑豆腐芝士餅

之前響 ubuyibuy 買左兩張團購 couple ...Private Cake 以$128開心整餅價報讀2小時Private Cake蛋糕製作課程 (原價$260)... 其中一張我揀左學豆腐芝士餅...呢個係凍餅黎...!!

星期四晚去左旺角好景商業大廈返學...呢度環境比起 Towngas 當然無得比...而且爐具都無咁 pro ... 洗手要去公共廁所比較唔方便...@@"  不過百幾蚊買個 cake 有得學埋都算抵了!! 

呢個凍 cake 幾易整...第一次可以用磅量材料...不過有d都係阿 sir 一早已準備好...而且有時都會幫我地手...@@"!!   我地只係將d材料搞搞搞...佢又幫我地拎去入雪櫃...其實我地都幾得閒...終於一個鐘就搞惦喇!!

阿sir幫我地用火槍甩模呀~~~!! 

今堂得三個學生...阿sir無提供 notes 比我地...整完之後阿sir口述...我地要自己筆錄

哈~~ 白雪雪...滑 lu lu ...!!  仲有好香既豆腐花味~~~

之後阿 sir 教我地畫朱古力格仔做 decoration...佢幫我地圈起拎去雪下...之後搣番張紙出黎...就整就成喇~~

呢個豆腐芝士蛋糕只有六吋...的的式式...阿 sir 提供的紙盒~~~ 拎到返屋企...當然又係送比阿 B 啦~~~ 佢今日唔知我去學的...surprise~~ 不過佢都比左個 surprise 我囉...佢第日要上大陸呀...變左無得拎番公司一齊食喇...唯有我地兩公婆食晒佢啦...呵~~~

第二晚食左喇...阿 B 話好得呀...!!!   叫我得閒再整過~~~ YEAH!!!