老牌婚紗店羅浮宮月底結業?

今日睇到新聞見到...有點突然...不過都唔出奇既...家下呢D婚紗店真係幾難做...好多人都鍾意出去搵 freelance 黎影...自己都曾經響度影過...每次經過九龍塘都會有點點回憶...如果呢單新聞係真既...都有點點可惜架...最慘係一班員工要面臨失業...昔日既香港四大天王婚紗店...x 天地之前亦已結業...唔知蒙羅x莎同法角又可以維持到幾耐呢?

 

老牌婚紗店羅浮宮月底結業

2010年11月04日

 

【本報訊】最近以藝人馬浚偉、陳法拉擔任代言人的老牌婚紗拍攝公司羅浮宮婚紗影城，傳出本月底結業的消息。昨日陸續有新人接獲羅浮宮職員通知結業，交代取回婚紗照及退款安排，有新郎擔心未能取回婚紗照，打亂下月的結婚計劃。
本報昨日致電位於九龍塘羅浮宮婚紗影城總店，查詢本月 30日結業的消息，職員未有否認結業，只表示稍後有職員回應，但至截稿前未獲回覆。

未趕上潮流變遷

準新郎鄧先生不滿說，他下月 29日結婚，花了 14,000多元光顧羅浮宮拍攝婚紗照及租用禮服，前日才到該店試衫，店員未有提及結業，但昨晚 7時突收到職員通知指本月 30日結業，「好突然，佢話下月畀番結婚相，同埋退番啲租禮服錢；佢哋下月都執咗，好擔心攞唔到相同埋錢，打亂結婚安排」。另一苦主梁小姐也是昨日接獲羅浮宮的結業通知，十分擔心退款安排。
婚禮顧問歐惠芳表示，羅浮宮有 10多年歷史，結業消息已傳了半年，原因是近年拍攝結婚照的生態轉變，新人不愛光顧標榜園林實景的老牌婚紗拍攝公司，改為「快閃黨」到戶外如南生圍、文武廟等取景拍攝，或到內地、台灣取景，以至到日本、歐洲拍婚紗照兼度蜜月，「如果你同人講話拍園林實景婚紗照，會被人笑 out（過時）」。新人更流行直接聘用攝影師拍結婚照，「搵呢啲一人公司平好多，仲想慳啲可去大陸影花田，價錢平過香港一半」。