星期三...Ikea 再約送櫃黎...今次黎左一老一後生仔...兩個都係 hea 王之王...老既成日話自己公司d貨設計差...阿叔...你裝就裝啦...家下你已經唔駛成個櫃裝...只係換番塊背板...裝埋 d 門上去...我地都未投訴你就依依哦哦...真係煩~~!! 拎住支螺絲批慢吞吞咁擰...真係比佢激死...後生o個個好d既...不過都係慢手慢腳...
呢個阿叔...同上次黎o個三個後生仔態度真係差好遠...班後生仔一黎到就自動自覺去分工合作...好合拍...每個都快手快腳做好自己o個 part...再一齊裝...不過係塊板裝唔上...都無辦法...之後執野又快手快腳...工作態度真係值得讚呀!!!
而呢位阿叔呢...真係唔多想郁手咁...睇佢執紙皮就知...慢慢黎...等個拍檔一個人搬番 d 板落車度...又多廢話喎...佢居然將d 上牆既扣收埋響個櫃度...我地醒起問佢點裝...佢先話比我地知...其實我地都唔駛佢上牆...不過係唔滿意佢唔出聲側側膊囉!!
終於搞惦喇...可以有檯用...有位放d手作工具喇 (其中兩格係我既....兩格阿B既...兩格係公家既)...整整齊齊...好開心~~~
沒有留言:
張貼留言