敗家J~~~~HAHAHA~~

早前...響沙田行過 "C C 縮扒" ...居然比我敗左樣野返黎!!!!!!!!!!!!

我人生的第一樣 LC 產品啊...!!!!!!  哈哈哈~~~ 我都覺得好搞笑!!! 

雖然我都覺得 LC 既野係好靚...不過一黎自己唔太識煮野...

二黎D產品都好重下...三黎屋企無乜位...想用都有心無力...!! 

咁......我究竟敗左乜野呢...?! 

個紙袋好搶眼...好靚啊!! 

登．．．登．．．登．．．開估喇!!

就係狗仔的食物兜!!!!   我相信我係 丫烏 BLOG 的另類份子...!!  哈哈~~~

個個靚太買既係靚煲...靚碗牒....... 我居然買小狗用品!!!!!!

曾幾何時...都有想過買一套細細個D碗仔又好煲仔又好...不過都係間中去欣賞算了...

隻食物兜有五隻色架...我鍾意藍色...可惜太沉色了...紅 & 橙也不錯...不過太搶眼了...

剩番黃 & 綠較淺色...用黎裝細細的糧...最好就係用黃色了...望落舒服D......!!

哈哈~~~~ 不過仲未比小狗用呀......因為...男主人話喎...要而家嗰隻爛左先用喎!!!

太過份!!!!!!!!!!!!!  乜唔可以間住咁黎用咩...?!   仲收埋左唔知響邊添!!!!!!!!!!!!!  口亨!!! 

敗完比小狗...梗係要關注下自己啦~~~~~~~~~~~~~~~~~

用左 iphone 都已經五年了...用了三代喇!!  

不過...講真艾瘋除左樣靚同埋 user friendly 外...其他無乜大改變...

至起碼...個 mon 仲係好細...!!

上年尾...去日本旅行時...阿B部 iphone 無拉拉壞左...iphone5 又唔出...

所以佢就轉左用 三星的 note !!!  佢成日拎我部艾瘋黎度佢個 mon 呀!!!!!!!  太過份!!!

初頭都算了...不過之後我成日拎部電話黎睇片...就發覺 mon 大真係好睇好多...!!!!

所以成日心癢癢想轉機...加上我部艾瘋成日跌落地...條邊已經花晒...仲跌爛過幾個 case 了!!!

經我連月依依俄俄...終於阿B比我 trade 左兩部艾瘋...佢再加錢 (哈哈哈~~~) ...咁就換左部新玩具比我了!!! 


和艾瘋的五年情...在 2012-04-13 正式結束了!!

當晚仲將d盒扔晒添...hahaha~~~ 夠徹底了!!!

我地兩個加埋...五年用左五部機呢~~~~~~~ 

最短命跌得最多的就係艾瘋4了!!!  大概只有半年緣份!!

呃...最不捨的是瘋上的貼紙...只貼了兩日多..hahaha~~

即買即用...!!  爽!!!!!!!!!!   "偉信" 幫我過晒 d data 過去部 note 度...

雖然有d多左...有d少左...不過算了...!!

響等過 data 的時候...阿B幫我去 123 換番張大咭...

我再去女人街...買個大口仔殼...不過都幾貴下......講價後 (第一次) 都要 $65

去淘寶昅下先得!!   後黎見大埔某商場仲誇...賣 $165...真係痴根...仲話可以八折喎!!

我雖然鄉下人...不過間中都會出下城架!!!!!!!!!

哈哈~~~~ 我仲用左我畫既油畫黎做 WALLPAPER 呀!!

仲加左幾個感歎號落去...係咪變得好搞笑呢!?  HEEHEE~~~

另外...還去 Anna Sui 敗左少少野...

因為sat 要去飲啦~~~ 所以買左三樣野啦~~~~~~~~~~~~~~~~ HEEHEE~~

2012-04-01 Panda Cupcake Making

記得上年成班人去學整熊貓麵包...真係好好玩...成品又得意 (雖然味道麻麻...!!)...

今年見有熊貓麵包之餘...仲有熊貓cupcake的團購班...即刻call人一齊玩啦~~~

當第一晚出團購...第二朝已經見好多班已經full左...不過cupcake班就仲有...

當等緊朋友答覆期間...係咁睇住個時間表呢班full左...嗰班又full埋...

十一點幾已經全部班full晒喇...見朋友未覆...就留言唔駛覆了...full 晒...哈哈~~~

之後見又開四月份的團購班...今次唔理喇...!!  改變策略...!!!!

問左其中一位經常唔響 HK 的朋友邊個 SUN 得閒先...

就即刻買左四張COUPON先黎搵人去玩了!!! 

終於BOOK左 APR 1 (SUN) 的下午班...!!!  仲加左廿蚊雞帶埋阿B去幫手影下相...一齊玩下~~~

不過一見到份NOTES就知呢堂有點搵笨了!!!! 

居然用預拌粉!!!  唔係嘛...難道正價班都係用呢D咩?! 

如果唔係...咁又點叫可以用半價學呀??  況且佢地學費都唔平架喎!!!! 

不過算了...都係志在一齊玩...!!

今次呢個比熊貓麵包簡單好多... 打隻蛋落去...將D材料倒埋一齊...用棒棒搞勻就OK喇~~~

之後倒入紙兜仔...入爐!!  再睇下一步示範~~~~ 全程好HEA都得...!! 

之後就整熊貓的眼 & 耳仔...今次仲分埋份量比我地...都唔駛用磅添呀~~!!

自己將舊粉分十幾份就得喇...之後就搓下按下...就完成眼 & 耳仔...可以拎去焗了!!!

之後又睇下一步的示範...D CUPCAKE焗起喇...CREAM 都係阿SIR之前幫我地預備好...唔駛打!!

個CUPCAKE用CREAM堆到好滿...其實真係有點怕呢!!!!

之後就掃番平滑...搞惦就可以放埋剛出爐既眼 & 耳仔上去做形!! 

再加埋個心型咀 (阿SIR話係鼻!!!) ...再點睛...完成!!!!

係呀...咁就完成喇!!!  超簡單呀!!!

個個拎住自己泡製的CUPCAKE整古做怪咁影相...哈哈~~~

差D漏左...響等待CUPCAKE出爐時...又係賣野時間!!

阿SIR又拎左佢D傑作出黎賣喇...不過今次D價錢好貴啊...成$25一舊呀!!!

我地幾個要左四件黎試味...屈左阿B比錢......

不過...一D都唔值賣咁貴囉!!!

之後阿SIR請左我地食多件...再分埋佢...不過拿玻崙又幾OK喎!!

終於我地D成品出黎喇...阿B用我地個名開頭的英文字黎整左一隻...哈哈~~~好特別的熊貓!!!

跟住每人派兩隻代表出黎影下相...個個都整得唔錯啊!!



寫BLOG執相時發覺...明明有同阿SIR影相架?!  點解唔見左既?!

先醒起...D相響阿B架機度...佢都無炒番D相比我...!!!  佢欠我好多相啊!!!!!!!!!!!!!!!!!!!!!!!!!!!!!!!!  懶人!!!

五個人的四份作品!!!   一堆熊貓兵團!!!  哈哈~~~~~~~~~好得意~~!!

小妹妹最有創意...最後一排係佢架...隻隻唔同的!!




我地其中一個整餅成員係我同事個女黎...見佢鍾意整甜品...

又可以星期日學...所以就叫埋佢黎...上次熊貓麵包佢都有份玩呢...

一年時間妹妹仔大個左好多...而家少女左LU...

我問佢覺得麵包定CUPCAKE好玩...佢其實都整過CUPCAKE...

所以佢話麵包好玩D...因為可以搓粉...好多步驟都要自己黎...今次相對簡單好多...!!

2012-03-24 細細覆診

2012-03-24 又係細細三個月一次的覆診日子...約左四點三...

小狗一如過往...一去到診所附近就開始個身勁震...真係好搞笑...!!

佢真係認得架...之前仲好地地...抱住佢仲周圍望...八八卦卦咁...

一去到街口就開始震喇!!!

上到診所...其他寵物主人同姑娘見到佢都覺得好得意...響度笑佢呀...

佢真係震得好誇張呢...哈哈~~~震到我地都好似震緊咁...

之後又扭我抱呀...放低佢響阿B度...又係咁望住我...

問佢係咪要抱抱...佢即伸手仔出黎...@@~~~~ 傻妹當佢覺得唔安全就會搵我...哈哈~~

佢唔肯坐響d櫈度...要我地輪住抱...真係超級嗲~~!!! 

入到去見醫生又係超震...仲好緊張添...!!   可能見到醫生係靚仔啦...不過見左幾次都仲係咁緊張~~!!

檢查眼仔後...一切正常...再三個月後先再黎探靚仔醫生~~~!!  叻叻...!! 

回程響車上...佢全程響我對腳上面訓得好舒服呢~~~!! 

隻傻妹...而家成日扭計...我地出左門口就抓門...好似打拳咁!!!!! 





睇下佢隻腳仔...成日都損晒...有時仲流血添呀...可想而知佢抓得幾厲害呢...!!!

次次見到佢整損晒...真係好心痛呢~~~~~~

2012-01-26 B 的生日

而家先BLOG番一月份的事...會唔會太過份...?! 

而家先BLOG番老公生日的大日子...會唔會太過份...?! 

更過份的還會陸續有黎...因為...2011年阿B的生日都未POST...哈哈哈~~~

我係咁架啦~~~~~~~~~~~~~~~~~~~~ 大家應該習慣啦~~!! 

2012-01-26 阿B生日係年初四...問左佢想食乜...佢話食海鮮...!!

哈~~今年佢的新舊曆生日都係食海鮮...仲要係響同一間...嘩哈哈~~~~

不過呢間西貢的海鮮檔又幾抵食既...!!

今次我地唔改條魚喇...笨左一次學精左...哈哈~~~

但係因新年關係啦...要加一...同埋今次送炒蜆咋!!!

原本諗住今次帶埋細細黎架...點知呢幾日好凍丫...!!  嗚嗚~~~ 所以無帶佢啦!!

不過黎到西貢後...又發現係唔凍喎!!   好想細細都一齊啊!!!!!!!!!!!!! 

生日梗係要豪D...所以就加左兩隻大大隻的賴尿蝦...嘩~~~好味呀!!  好耐無食過喇!!

其實我比阿B更鍾意食賴尿蝦囉...都唔知究竟邊個生日...HEEHEE~~~

之後去沙田拎蛋糕...前幾日響COVA訂左個CAKE...

個SALES話半磅都夠兩個人食...不過又好似好細個咁...

但係呢間一D都唔平囉...好在都好好味!!!!!!!! 

個SALES姐姐...居然唔識串HUSBAND...?!  仲要我串比佢聽...真係有冇搞錯...?!

壽星仔許願啦...唔知佢許左乜願呢...?!  不過...我諗我應該估中的...嘩哈哈~~~~

生日快樂唷~~~~ 身體要健康呀~~~~~ 心想會事成...HEEHEE~~~~

細細對個CAKE好似好好奇咁...成日唔肯望鏡頭...@@~~~

仲有...仲有...差D唔記得...壽星仔好搞笑...

LUNCH的時候...佢話生日要食豪D...!!!!! 

話要食魚翅撈飯...哈哈哈~~~~~~~~~~~~~~

邊度黎魚翅?!  咪係公司Christmas Party佢抽左兩包魚翅湯包囉...!!!

哈哈~~~真係比佢笑c我喇!!!!!!!!!!!!!!!!! 

今年既新年都好凍下...細細成日都凍到唔想落地...呢晚回暖左...佢開始活躍番...!!

 

哈~~~咁多年...阿細都有收到公公及朋友們的利是...雖然唔多...不過我都有幫佢儲埋架!!

話時話...咁多年...我地都未比過利是阿細...哈哈~~~ 真係孤寒的主人...!!

今年就開始比啦~~~~~~~~~~~怪唔得佢收得唔多興奮啦...怪我地嗎...?!  哈哈~~~~

講開細細...懶得再開新一篇blog...唔好嫌長啊~~~~~~~~~~~

呢隻小狗...一生猛呢...真係超百厭...!!

近黎愛上打跟斗...!!!   響床上...響梳化上...!!!

次次玩到d頭髮亂晒大龍...!!  件衫仔脫左一邊袖...有時甚至成件脫左!!!! 

睇下佢...!!!  反轉梳化呀!!!!!!!!  響度狂碌黎碌去...!!!

玩完之後...件褸仔係留左響梳化...!!!!

 

哈~~~~影左佢幅相...再用APPS加D古靈精怪野...比番佢睇...

可能...佢心諗......你駛唔駛咁無聊...?!  哈哈~~~