2012-03-09 頭像石章班

3月頭 (9/3)...同班朋友仔去左挑戰石刻...!! 

真係好難啊~~!!   得我地幾個上堂...好似包班咁...又嘈之巴閉...!!  好搞笑~~

去到已經見到檯面有我地既"衰樣" 放左響檯面...哈哈~~~

一陣仲要刻在石上...真係好難想像...希望刻完似番個人都好感動了!!

首先揀石章...我地三個女仔梗係揀舊至容易刻又易睇到架啦...

至於唯一的男同學...我地就推薦佢刻舊又硬又難睇既石!! 

首先將幅圖用天拿水移印過舊石度...第一次移印得唔太清楚...又要再磨下舊石再黎過~~~

經過一輪滴汗慘叫聲不絕的兩小時...期間又要叫導師急救...真係C左唔少細胞呀!!!

終於個石章都有個初形了!!!!!!  隻眼係MISS幫我修補先可以仲響度...哈哈~~~

上圖係第一次試印效果...D頭髮好唔整齊咁...修左幾次都唔得...因為唔敢落重手...驚批左個頭就大鑊了!!

MISS話一係當我起身無梳頭啦~~!!   哎呀!!  咁梗係唔得啦...!!  我唔可以咁既形象的!!! 

於是MISS 就幫我修補下...哈~~~~ 終於梳順番D頭髮喇!!!!!!!!!!! 

之後我地全部人都搞惦晒...仲同 MISS 黎張合照...MISS好年輕呢~~~

我話比佢知...初時以為會係D阿叔 / 阿伯教...因為呢D好似係D好傳統既手藝咁@@!!

哈哈~~~ 我地四個既作品...單人照呢三個...全部都要靠MISS幫手~~!!

至於整合照的那位男同學...真係好痛苦的去自己完成!!  哈哈~~~

效果相當嚇人啊!!!!!!!!!  笑到我地彎晒腰...!!  簡直醜化左我啊!!!  哈哈哈~~~~

哈哈~~~ 就咁睇D印章...似唔似鬼啊?!   呢堂緊張得黎...成堂都充滿笑聲...

因為整出黎實在太搞笑了~~~~~~~~~!!!