上個月去左德國...買左一罐德國午餐肉罐頭返黎...開黎試下先......
拉環式掀蓋...但係d肉好實...鄧極都出唔到黎...@@~~ 唯有出刀仔!!!
煎到佢外層仆仆趣...好香呢...阿B叫我偷食...我咪順手拎旁邊對筷子夾黎食...食左一啖...正想話好味...阿B突然搶左我手上對筷子!!!! 嚇得我丫...原來對筷子係佢之前用黎夾過生豬肉...@@!!! 佢驚我食壞肚...所以即刻搶左我塊午餐肉隨手扔左落垃圾桶!!!
我仲猛哦佢浪費左塊午餐肉...哈哈哈~~因為我唔食筷子點到個位咪得囉!!! HEEHEE~~ 已經唔係大罐架嘛!! 家下少左一塊喇!!!!!!!!!!!!!!!!!!!!!!
第二味餸係蜜豆炒臘腸 & 肉碎......好味道既呢~~~
因時間關係...所以今晚只係滾湯..排骨薯仔蕃茄湯...........好味到唔停得口呀...哈~~
幾個月前...一次伸懶腰扯一扯右手的手臂...當時有少少痛...不過無理到...之後呢個位置有D緊...有幾次拎野同伸手拉櫃時又扯親...上個月去旅行時舉起手就好痛...而家個情況越黎越嚴重咁...郁得大動作都痛......所以 sat 終於的起心肝去睇趺打!!
Sat 放工...阿B陪我去大埔某間趺打鋪...呢個舊商場裡面好多趺打鋪...改衫鋪...髮型屋等等...我揀左呢間長年好多人睇症既趺打鋪...應該OK掛......
好耐以前睇過一次趺打...隻腳比佢卒到仲腫過整傷之前...而且過程好痛好痛...第二次整傷腳就去睇西醫...佢叫我用熱水用冰 "full"搽喜療妥...都有效...不過痛既時間都幾長......總之中又痛西又痛....唉.....
今次呢間都幾搞野...首先黎個電療...
今日已經係我第二次做呢個療程...哈~~我手臂個印係噚日拔罐留下既印...有兩個印呢~~
之後再去照燈...幾熱下.......跟住女師傅就幫我卒手臂...再幫我拉鬆d筋...我因為少郁動...拉筋時成日聽到d骨格格聲咁響...聽到我自己都腳軟...加上又痛喎...我成日烏低個頭...面容又扭曲晒...女師傅以為我喊添呀...叫我唔好喊...哈哈~~佢話我整傷無理到...而家發炎呀...所以越黎越痛啦...再唔理就手尾長添呀!!
拉完筋之後就整左兩個竹筒響我手臂度...拔罐其實都幾痛的...@@!!
之後就叫我去做超聲波...@@!! 佢話有消炎作用...係物理治療既一種...呢個至舒服...舒緩番頭先拉筋既痛楚~~~ 全個療程用左一個鐘左右...多謝 $170大元!!
貼埋d膏藥...走得... ( d 藥用搞拌機搞...好搞鬼...!!)
呢兩日阿B都陪我去睇...佢就響度打機渡日...哈哈~~~
而今日去之前...我地仲去 Tai Hing 食 tea....佢就食左個午餐肉公仔麵...而我就叫左呢個好好味既厚多士呢~~
今日係我地行程既最後一日喇...下午就搭飛機返 HK 喇~~
朝早起身...OH~~ 又落雨...仲好大添呀!! 撞鬼丫...朝早仲係去影景點架嘛...真係丫!!
旅遊巴個司機好搞笑...話今日打風添呀...佢係法國藉既黑人...表情好生鬼!!
今日會去塔橋...千嬉橋...大笨鐘...聖保羅大教堂...國會大廈...白金漢宮...西敏寺...全部影相既景點都落大雨仲刮大風...搞到大部份團友仲吹爛左把遮...我地見有對母女無遮用...所以借左一把遮比佢地...臨尾病就唔好啦~~!! 近呢幾日d團友都相繼病呀...係咁咳咳咳~~@@~!!
行晒所有戶外行程...轉戰室內...去參選大英博物館.......呢個時候居然停晒雨無晒風...係咪玩野?! ~___~" 大概上天知道我地半年後又會重臨呢個地方掛......
大英博物館美其名叫"博物館"...實際我真係覺得係個賊竇...我地只係參觀左希臘館...埃及館及中國館...真係嘆為觀止!!! 咩都拎到返黎...真係 crazy!!!!
之後去唐人街飲茶食點心...味道幾好喎~!!
之後就去麗晶街比我地去 shopping 作最後衝刺...倫敦滿街 London Taxi...咩色都有...新款舊款...睇到眼花潦亂...我仲見親都係咁影...哈哈~~ 情意結...又諗番起結婚o個日架花車...嘻~~ ^^
之後就出發去機場喇...香港...我地返黎喇!!!
今次闖出亞洲既蜜月之旅...真係又開心又興奮...因為我地去咁多次旅行...今次既身份唔同左喇!! yeah~~
呢日係我地 Honeymoon 既第十一日行程喇...今晚就會離開荷蘭搭夜機去英國了.......
換句話黎講...我地既假期就結束喇...要返香港做番平民...過番平淡既日子喇!!
朝早又食極豐富既 buffet 早餐...返到香港...我一定變大食怪了!!! 食大左個胃呀!!
第一站就帶我地去鑽石工場...雖然噚日發現有錢剩...不過我地絕對唔會響呢度失守既...哈哈~~~ 一去到困左我地成班人響間房度...拎左好多鑽石首飾比我地睇...不過d款好娘下...而d鑽石就好貴下......有個團友既老婆今日生日呢...佢好大手筆響度揀左粒成卡既靚鑽石鑲左對耳環送比佢老婆呀!! 嘩~~~我羨慕到呢~~!!
聽多陣就落樓下睇其他野...鑽石就無錢買喇...所以去左鵝仔鋪買水晶...都係透明閃閃地啦...我滿足架喇!! 呵呵~~ 之後去對面公園行下影下相...
公園內種滿樹...又有黃色既落葉...真係好靚呢~~~
之後行去附近有個跳蚤市場...見識下當地既平民生活...響歐洲呢十幾日...覺得荷蘭買手信係至價廉物美...價錢老實好多.......不過已經過左買手信既好時機呢...嗚嗚嗚~~~~
Lunch 又係食中菜丫...
之後就及發去福倫丹漁村...呢個漁村好舒服...又靚...真係唔捨得走......
有錢就可以放心買屈金香種子返 HK 種喇...!! 買左幾大袋...重到呢....@@!!
我地仲響度豪吃下午茶 (其實只係食 sandwiches 飲 coke!!!)...哈~~
如果第時退休後可以響D屋度住就好了...爽呀!!!
夜晚搭夜機去英國...荷蘭機場又幾大喎...!!
今晚既晚餐要自費...不過都搵唔到有咩好食...所以只有買 PIZZA 食啦~~~
去到英國都成十點喇...架旅遊巴係雙層架...哈~~搭一晚咁多...仲有個 MON 睇到樓下導遊響度講解指手劃腳...哈~~~
經過咁多日...多少了解導遊講野既含意...每次佢話邊個國家舊式呀...樸素呀...即係o個晚既酒店係比較差既!!! 今晚一聽到佢咁講...真係心中有數囉!!! 點知張床仲要係有部份彈弓無彈力的...訓得我好辛苦!!! 而且間房好古舊呢...o個執鏡...有點恐怖!!
倫敦既夜景...比想像中靚呢!!
一向對錢銀無大概念...特別係外幣...也懶得用腦去換算...因為身邊有個對數字靈敏的~~~人肉計算機...呵~~~ 每次出外旅行買野只會問佢即係幾多錢呀??
去 Honeymoon 前...我地換左 d Euro 同 英磅...出發前...阿B比左部份 euro 我袋......一直有個概念歐洲買野好貴...響 bank 換錢時...個職員已經笑住同我地講...euro 會駛得好快唔駛換太細面額...但係我地跟團...實際除左買零食汽水之外...小量手信...其實無乜駛過錢......點知去到 Paris 就開始覺得無乜 euro 剩...所以買袋及飾物都係用 credit card (簡直蝕差價呀!!)...但係只係行程既一半時間......所以唯有忍手買......個心仲諗...唉...歐洲既生活指數真係高呀......香港真好......
點知......去到荷蘭 (行程既第十日)...第二晚就會搭夜機去英國...所以阿B叫我響個"外幣袋"度拎D英磅出黎袋...............呢十幾日都無開過呢個袋!! 一開就發現大疊 EURO 響裡面!!!!!!!!!!!!!!!!!! 阿B先醒起之前只係拎左部份出黎...佢袋D我袋DD...!!!! 兩條友響旅遊巴入面狂笑......因為我地成日以為駛晒D錢...原來係仲有大把錢 (大概成萬港幣既EURO!!!)...真係痴鬼線!!!! 要知道我呢幾日買張 postcard 都要諗好耐買唔買好...嗚嗚嗚~~~~ 兩個真係白痴仔!!! 大概阿B受到我的感染掛...哈哈哈~~~
有錢都無用...因為我地還有一日時間可以用 EURO 咋...所以就開始掃朱古力...掃手信...掃 postcard...掃屈金香種子...食下午茶......以平衡番個心理...!!!!
不過都好...變得駛少左...但係就碌左咭呢...嗚嗚嗚~~~ 個 rate 好高呀!!!!
今日已經係我地蜜糖月行程既第十日喇...就黎要返香港喇...放假放到心都散...呢度日日只係吃喝玩樂買買買...真係唔想返香港呢...哈哈~~
在歐洲的這段日子...朝朝早餐都好豐富...真係想唔肥番都幾難...!! 而且心情大好...胃口就自然大開啦...返到香港真係變番肥仔喇!! HEEHEE~~
今日我地離開比利時喇...出發去荷蘭...一個我很喜歡的國家~!! 朝早司機叔叔影相留念...他很和藹可親...而且佢手車好定...係一個出色既司機......
進入阿姆斯特丹...沿途經過加油站...見到有好多花束擺賣啊!! 荷蘭既花出名靚...真係名不虛傳呀!! 而且每束都很花心思去配搭呢~~!!
第一站我地參觀木屐廠...還有真人示範製造一隻木屐既過程...不過都唔明有咩好著...硬到咁...又重喎!!
很喜歡五顏六色的木屐仔...可惜我地身上既 EUR 已不多 (以為!!! 等一會就會解釋為何是"以為"了...唉.......) ...所以唔敢亂花錢去買紀念品喇...嗚嗚~~~~ 明天還有一餐要自費的呢...不想餓著肚皮上機...飛到英國已好夜...驚搵唔到野食呢...
所以係咁影影影...影左當買左啦...!! 不過著實也太多款式...要買也買不完...哈哈~~
導遊話: 其實荷蘭係一個好靚既國家...不過我地已經去過瑞士...相對有了比較...所以往往會覺得荷蘭會不外如是...不過對我黎講...荷蘭有荷蘭既靚法啊!! 我一樣咁欣賞!! 可能因為荷蘭係橙色的國家...有種不解的情意結...而且以前也有個令我著迷的足球明星柏金...
同團有位很風趣的阿太...今日捉住我地係咁幫我地合照...還教我倆擺 pose 呢...哈哈~~
很喜歡呢張兩個都無望鏡頭但目光一致的相片...成團人好多人都話我地有夫妻相...這已習以為常...哈~~~實在太多人咁講喇!! 有次在機場過關...關員還把我倆既 passport 拿來對照...@@~~!! 真你似成咁咩?! 當時關員真係話好似架...哈哈~~
荷蘭都好舒服啊~~~!!!
之後去芝士廠...終於看到荷蘭風車及乳牛喇!!! YEAH~~ 大鄉里又上身了!! 周圍的風景真的令人著實興奮!!!
好多芝士試食呢......!!! 一路試...一路阿B就提醒我 : 肥呀...肥呀!! 哈~~
荷蘭出名屈金香...周圍都有種子賣呢...實在很吸引!!! 導遊話可以帶番香港架!!
接下來既行程係乘坐玻璃遊覽船遊荷蘭運河...市內環繞著五條運河...因而此城有 "北方威尼斯"之稱...或者之前坐過頁多拉遊真正既威尼斯....在法國又欣賞過塞納河周圍既古跡景色...而荷蘭這條運河周圍的只有重覆差不多既建築物...雖然係幾靚...不過一個鐘的遊覽時間太長太悶了...@@~!!
當不斷重覆這些景物...的確好靚...不過已變得沒大驚喜了......
臨落船都要同船長黎張合照留念...heehee~~ 非常友善呢!!
之後導遊帶我地去見識荷蘭合法既紅燈區...不過事先講明唔可以影相...唔可以逗留...真係大開眼界...每間屋既下面都係落地玻璃...企了不同種族...不同身材的女性...有d擺出誘人的 pose...有d因為知道我地係黎昅野無幫襯...就關埋窗簾唔比我地睇...其實一路行都幾驚...呢度好似咩人都有...又驚阿B比人拉左入去...@@~ 雖然話呢度合法...但係總係覺得佢地都唔係自願既...心裡面好唔舒服......只係想快D離開呢度...
晚餐依然是中餐...呵呵呵~~ 反而有點懷念合味道杯麵......!!
晚上落腳的酒店依然好惦...附近還有賭場呢...不過無乜團友去...所以都係無膽去見識呢~~!!
