呢日係我地蜜糖月的第六日行程...朝早食完早餐就出去花橋度行左一個圈...好多香港人響度餵天鵝呢...隻隻肥肥白白咁...!!
朝早和夜晚既花橋景色都唔同...我諗有陽光時會更靚呢~~~
跟住就出發去個個團必去睇既獅子紀念碑......響個公園仔入面...真係影一影相就走...哈哈~~~
獅子紀念碑
雕刻在整塊的崖壁上的石像，是由丹麥的雕刻家特爾巴爾森設計的。這是為了紀念在1792年8月10日，為保護法國國王路易16世家族的安全，而全部犧牲的786名瑞士雇佣兵。
雕像刻在一個淺穴里，一頭瀕死的雄獅帶著哀傷和痛苦，無力地匍匐在地，一支銳利的長箭深深地刺入背脊，邊上還有一些折斷的槍和帶有瑞士十字的盾牌。
整座紀念碑給人以強烈的藝術感染力，被美國作家馬克‧吐溫稱為“世界上最哀傷，最感人的石雕”。
影完一輪相之後就出發去我地好期待既鐵力士峰喇~~!! 因為要上雪山既關係...個個團友今日就將行李內...最厚最保暖既衫著晒上身...做好防禦裝備!! 我仲帶左條好搞鬼既頸巾上山...哈~~個個團友見到呢隻 " 怪物 " 都忍唔住笑聊佢玩呢...heehee~~~
向雪山出發啦.....沿途既景靚到你唔捨得眨眼....瑞士要搵呢d靚景...基本上易過食飯....成程車都係呢d景.....將來一定要再去瑞士~~!! d 屋令我想起飄零燕既海迪......
我地要轉坐三次覽車才上到山峰上...第三轉覽車係精華所在...車箱會 360度旋轉...藍天加上白雪雪的雪景睇到我地個個讚嘆聲不絕呢...實在太靚喇!!! 個個團友都好興奮呢...!! 個個係咁影係咁影~~~
雪山怪物出場喇...哈哈~~~
期間發生了一件驚險的事...... 話說早在2008年中已買了我們的結婚戒指...那時是我人生最肥的一年...足足比現在多了十磅有多...哈哈~~~結婚前因為種種不同的壓力...消瘦了不少...所以戒指是鬆鬆的...因為已刻名字及預防我會再脹大...所以沒有改細 size.......但現在越戴越鬆...上到雪山後... fing 一 fing 隻手...指環差點飛了出來...已跌至指尖呢...嚇得我呆了......即時將戒指換戴在食指上...趺了它肯定比他埋怨一世...哈哈哈~~~ 他可是很珍惜的每天戴在手上沒有除過呢~~~
雖然唔係第一次見雪...不過每次見到雪都會好開心好興奮...大概生活在香港不易見到雪的關係掛...加上我既個性比較大顛大肺...咩都會 bi li ba la 興奮一餐...
我地又玩影 " 影子 " 喇...嘻~~ 著實無聊...不過都算是少少情趣啦...嘩哈哈~~
我地仲同團友玩爬山啊...哈~~~其實係平地黎咋...個個扮晒野咁~~!!
午餐響山上既餐廳食...面對雪景...胃口都好好多呢~~~ 今日仲有瑞士雞翼食添呀!!
食完 lunch 影多陣相...就要搭番3轉車落山喇...唔知係咪因為食完飯為左爭取時間影相睇野...可能我又響樓梯大動作咁跑動...落山中途出現左高山反應...嚴格黎講應該叫 " 落山反應" 哈哈~~ 當期時感覺成身血管都好似麻痺咁...成塊面幾青...好想暈又想嘔...跟住成身出冷汗...嚇得我丫...好彩透左一陣無事咋......@@!! d團友就安慰我話好彩落山先黎反應...如果唔係就浪費左無得欣賞個靚景喇!! 或者係我反應遲鈍啦...有反應都慢過人......傻人有傻福...呵呵~~~
山下既景色都好靚架...有河流有大片草地...舒服到呢...真係好想響度住呢~~!!!
跟住我地要坐幾個鐘車...向法國既波本出發...先係波本住一晚...第二日再坐幾個鐘去大都會巴黎啦......Shopping city 我地黎喇...haha~~~
沒有留言:
張貼留言