今日係我地行程既最後一日喇...下午就搭飛機返 HK 喇~~
朝早起身...OH~~ 又落雨...仲好大添呀!! 撞鬼丫...朝早仲係去影景點架嘛...真係丫!!
旅遊巴個司機好搞笑...話今日打風添呀...佢係法國藉既黑人...表情好生鬼!!
今日會去塔橋...千嬉橋...大笨鐘...聖保羅大教堂...國會大廈...白金漢宮...西敏寺...全部影相既景點都落大雨仲刮大風...搞到大部份團友仲吹爛左把遮...我地見有對母女無遮用...所以借左一把遮比佢地...臨尾病就唔好啦~~!! 近呢幾日d團友都相繼病呀...係咁咳咳咳~~@@~!!
行晒所有戶外行程...轉戰室內...去參選大英博物館.......呢個時候居然停晒雨無晒風...係咪玩野?! ~___~" 大概上天知道我地半年後又會重臨呢個地方掛......
大英博物館美其名叫"博物館"...實際我真係覺得係個賊竇...我地只係參觀左希臘館...埃及館及中國館...真係嘆為觀止!!! 咩都拎到返黎...真係 crazy!!!!
之後去唐人街飲茶食點心...味道幾好喎~!!
之後就去麗晶街比我地去 shopping 作最後衝刺...倫敦滿街 London Taxi...咩色都有...新款舊款...睇到眼花潦亂...我仲見親都係咁影...哈哈~~ 情意結...又諗番起結婚o個日架花車...嘻~~ ^^
之後就出發去機場喇...香港...我地返黎喇!!!
今次闖出亞洲既蜜月之旅...真係又開心又興奮...因為我地去咁多次旅行...今次既身份唔同左喇!! yeah~~
沒有留言:
張貼留言