Our Sweet Honeymoon Trip ~ Day 8@血拚老佛爺,凱旋門,梵爾賽宮,紅磨坊28/10/2009

噚晚就係響呢間 Holiday Inn 渡宿喇...環境及設備都不錯...不過...早上我卻在門外 pk 了...真的瘀爆...唔知食緊早餐既團友睇唔睇到呢?!  @@~~~

哈~~ 今日見識到法式掃街車...很先進啊!!!  還有吸塵的功能...又乾淨又輕鬆~~!!

而歐洲提倡環保...政府鼓勵市民用腳踏車返工...又環保又健康...更貼心地提供租借服務...呢度借第度還都得...只要你插下張咭就可以了...快捷簡便...所以周圍都見到踏腳踏車的人們......

今日我地首站既行程係令男士頭暈...女士身痕既節目!!   就係血拼百貨公司!!!!!!  晨早老佛爺還沒開門...我地已在門口守候...因為再晏D就會好多人架喇!!! 

一入到去...五花八門...各種牌子數得出都會搵到!!   很多識途老馬既團友已經出動去搵心頭好了...而我...因為事前完全無任何準備...所以只好周圍看...當然入了 LV 探訪啦~~

入到 LV ...真係嚴格...要排隊等 Sales 黎招呼你...呢度係一對一的招呼...其間我想看看團友所選的袋款也不可以...@@!!  駛唔駛咁?!  又無 catalog...要你自己講要咩佢先拎出黎...係買就 check 貨...之後比錢...還要提供 passport!!  因為佢未必會賣比你架...特別係香港人...當佢覺得你係水貨客既時候...@@!!!   想看看還可以買什麼根本無可能...佢都唔希罕做生意咁...所以唯有慳番啦...因為我只係識 neverfull ...就只能買這個了...哈哈~~~ 而我另外識既就係 reporter...不過呢個已經響若干年前買左了......

之後去左 Tiffany ...買了戒指及手鍊...其實只是比 HK 便宜少許...不過人在外地...總係想駛點錢...呵呵~~~

個個在樓下埋頭血拼...我諗唔係咁多人好似我地咁得閒響度影相...百貨公司的天花其實好靚架...不過有點似葡京咁花花碌碌的天花...哈哈~~ 有點像風水陣...難怪個個一頸血出來啊!!

還有一間是春天百貨公司...這兩間國際知名的大百貨公司...相信很多香港人也不會陌生了...春天有點舊...不過由時裝到家庭生活用品都很齊全...可是我們無時間再去參觀了...辦退稅也用了不少時間呢~~~

而老佛爺則有一個漂亮的內部建築和玻璃圓頂...更有為中國人而設的中文目錄和服務台...大概知道中國同胞就是有渣不完的銀兩......

我們去那天...就有很多中國同胞在血拼了...掃貨面不改容...幾大袋的戰利品...倒有點羨慕...哈哈~~~

我比較喜歡老佛爺...因為它的分類很齊全...內部裝修豪華...感覺比較高貴...我就想找自己喜歡的法國品牌...買點小配件回來...可是…卻發現香港的專門店更便宜...款式更多...UM...

就連掌舵人也喜歡香港….

這裡就是9區大名鼎鼎的拉法葉百貨Galeries Lafayette哦..又名老佛爺百貨...(我想說...老佛爺這個譯法真的好好笑...說出來也很順口...不過打出來的話我覺得拉法葉優雅些) 這百貨公司是全巴黎最多最多遊客的...因為很多很多旅行團的自由購物時間都會待在這裡...

本館的中心標誌...是被列為古蹟的彩色玻璃圓拱頂...就像歌劇院的包廂一樣...典雅而壯麗...在地下中心的化妝品部仰首就見到...各位...下次血拼的時候...抽點時間抬頭看看這美麗的拱頂啊...哈哈哈~~~

血拼過後...上回旅遊巴上...踫巧遇上示威的人群...很有秩序很和氣...還和車上的我們打招呼呢~~!!  

是日午餐還是中菜...um...不太喜歡跟團友搶食般... d 資深師奶實在太手快口快...很怕蝕底的樣子...令人看的沒有胃口......

巴黎凱旋門（Arc de triomphe de l'Étoile），又稱雄獅凱旋門。位於法國巴黎的戴高樂廣場中央，是拿破崙為紀念1805年打敗俄奧聯軍的勝利，於1806年下令修建而成的。拿破崙被推翻後，凱旋門工程中途輟止。波旁王朝被推翻後又重新復工，到1836年終於全部竣工。巴黎12條大街都以凱旋門為中心，向四周放射，氣勢磅礴，為歐洲大城市的設計典範。凱旋門高49.54米，寬44.82米，厚22.21米，中心拱門高36.6米，寬14.6米。在凱旋門兩面門墩的牆面上，有4組以戰爭為題材的大型浮雕：「出征」、「勝利」、「和平」和「抵抗」；其中有些人物雕塑還高達五六米。凱旋門的四周都有門，門內刻有跟隨拿破崙遠征的386名將軍和96場勝戰的名字

之後去我地下一個景點~~~凱旋門...法國3大名勝之一....好宏偉....相信冇人唔識呢個景點...我地又係地瘋狂影相...朝早既凱旋門景色又另一番味道...不過無時間上去頂樓參觀呢...據聞要行上好幾百級樓梯才上到去呢......

之後就出發去梵爾賽宮...皇宮金壁輝煌...地方大得嚇人...首先我地排隊拎國語既翻譯機.....入到去就有一個教堂...度度都係黃金咁...不過我地對西洋史認識不深...影左幾影就離隊出去花園影下相喇.......

花園相當大...我地只係行左一小角落...一望無際咁.......

響度無無聊...我地又發揮我地既無聊精神...響皇宮出面玩逐格跳...哈哈~~~ 始終負荷太重...跳得不夠阿B輕鬆好看...HAHAHA~~~ 跳得也不高呢...很難一心多用...又要跳...又要笑...又要望鏡頭...又要擺姿勢...哈~~

呢餐係成個行程至正o個餐...有鵝肝...有橙鴨...有靚既法國紅酒...兩個人一支呢...不過我地無乜飲...導遊叫我地量力而為呀...哈哈~~~佢話費事飲大左...一陣響車嘔...難為了司機要洗車...仲話假若真係想嘔...唔該拎閣下今朝買既 LV ... Chanel 各大牌子既袋出黎嘔落去...哈哈哈~~~好搞笑!!

飯後自費去巴黎出名的紅磨坊夜總會睇表演...OH~~~ 成晚無上裝...看的我頭暈眼花...不 D 舞蹈員實在太靚又跳得出色...據聞所有藝人都經過嚴格挑選...女的要有5呎9...男的要有6呎3 左右...表演確實很精彩......但門票要成千元呢~~~ @@!!