2010-10-29 J CARD (手作咭 J08 & J09)

因為今日會同兩位朋友補祝生日...所以噚晚漏夜整左兩張咭...因為都幾趕...我由零晨點幾整到差唔多四點呢...@@!!  有點眼訓...所以有D地方整得求其左... 希望佢地收到都會鍾意啦...唔介意啦~~~

第一張用番響 B&J 學既 envelope card 黎做藍本...我真係好鍾意呢款咭...好特別!!

用左三個木印仔印 background...不過一黎我手勢唔好...二黎個印仔好似唔多上色咁...搞到印得唔係咁好...我好阿Q咁安慰自己話係 vintage 效果...hahaha~~~近黎成日用既藉口!! 

呢張咭係送比男仔的...還可以吧?!   大家唔好咁介懷 d 甩甩地色既印印...就當係時日既洗禮令佢甩左色啦...  拜託拜託!!

< J08 >

打開...鄧鄧鄧...我會派幾張心意紙仔比其他朋友...大家寫上祝福說話再放入去的!!

哈哈~~~因為呢位男士係和我稱兄道弟...所以佢應該唔會介意我幽佢一默的...heehee~~

< J09 >

第二張咭就用剛響 Amor 學既機關咭...heehee~~~

因為無 Circle punch呢類既工具...所以用左原始手作方法...用 cutter cut 個小方型...簡化左好多步驟...因為開始好眼訓了......

打開就見到隻箭豬仔喇~~~ Happy Birthday!!!

絲帶都是旦揀條打上去...後黎才發覺...呢條絲帶係雙面的...另一面係青綠色...會唔會調轉黎打仲襯d呢...不過家下都覺得幾順眼丫...所以懶懶唔想再打過個蝴蝶喇...!!  我唔係次次打都成功的...HEE~~

希望兩位朋友仔會鍾意啦~~~ !!

 

 

2010-10-27 Card Making Class

星期三晚又去 Amor 玩喇~~~呢次係學整兩張咭...今次仲踫到其他 blogger ...哈~~ yahoo blog 很厲害...!!

今堂好彩阿 Y 坐我隔離...哈~~~因為我手腳慢...成日整唔切聽唔切...所以不時要問佢...阻住佢...

第一輪又係大家忙住揀紙...一有得揀就會心大心細...終於又係揀左D鮮色紙...其實想揀D Elegant 既...不過揀黎揀去唔知點襯...um...我似乎同 elegant 係無緣...

第一張係整糖機咭...好得意...!!   不過我整得好混亂...未組合前...

其實張咭未完成晒...不過要開始整第二張喇~~ 遲d再整番......

好鍾意呢~~~~彩色繽紛...睇到好開心...!! 

第二張咭比較複雜...我用左綠同啡既系列...用 circle cut 時仲整爛左張紙...因時間關係...要麻煩 Olivia 幫我 cut 過...   條 banner 因為要趕住走...所以求其整左條...遲d再執番靚仔d 先得...條 banner 我想 punch 埋兩邊...好似無咁單調咁......

登登.......打開有機關架...!!

個窿裡面有驚喜的...heehee~~~~

呢堂玩得好開心...!!   不過呢個星期連續返左三晚夜校...有點累...

2010-10-29 久違了的大閘蟹

真係好耐都無食過大閘蟹喇~~~今日我地兩公婆去"泊街"推車仔時見到有得賣...所以忍唔住買左幾隻黎過下口癮...HEEHEE~~~ 唔可以食太多啦~~~ 對身體唔好~!!! 

雖然好好味...不過唔可以 encore 喇~~~!!

今年既 quota 無喇~~~~要留番下年喇!!!

2010-10-25 薄荷朱古力軟心蛋糕

噚晚...約埋朋友仔一齊去學整 cake ...今次係整薄荷朱古力軟心蛋糕...!!

呢晚既同學仔多過上次三倍...要拎牌仔順號碼入去揀爐頭...!!

有左上次既經驗...今次比較鎮定左 d ...阿 sir 講既我都會寫低...因為自己知自己事...我唔想漏左任何一個步驟而前功盡廢啊~~!!  無材料再比架喇!!

今次整既海棉蛋糕無上次咁好...打太耐...縮左水...搞到唔可以再 cut 頭 cut 尾...好彩表面唔太濃咋...如果唔係個蛋糕底一定簿過紙...hahaha~~

今次既工序又多 d ...仲要唧cream 又畫花...又要用朱古力整盒蓋...真係一步一驚心...!!

以下係我既製作過程和成品...

今次呢個蛋糕要整頂帽仔比佢...我唔記得影我自己整既格仔帽...唯有用阿sir整o個個黎post啦~~~ 阿 sir 畫得靚好多...而我o個個因為 d 朱古力開始杰喇...唔再容許我慢慢畫...所以好快手咁上下左右咁撩~~~

呢個就係未加帽既樣喇...頂帽用黎遮住d生果架...!!

朋友仔陪我黎顛...真係好開心...佢因為唔食 cream...所以佢無學阿sir 咁唧 cream啊~~ 佢個 cake 好有藝術感...

整好晒所有野之後就拎個蛋糕再雪下佢...響等待既過程中...我地又分享阿 sir 個蛋糕喇...可能我麻麻地鍾意食朱古力蛋糕啦...唔鍾意d苦味 @@~~

呢個係阿 sir 既作品...我無跟佢畫花呀...驚畫得唔流暢呀~~!!

呢個係我同學仔既作品...我覺得佢好叻呀...識整多d朱古力格格粉飾個 cake呀...佢唧既朱古力花都好靚呀~~!!

拎到返屋企又係送比阿 B 啦~~ 今次無拎返公司毒害D同事喇...因為阿B上大陸...我驚自己搭車時間耐個蛋糕會溶啦...下次再有機會先害佢地...

2010-10-19 Mini Album

哈~~又要 blog 番轉頭了...因為開始凍...人食飽就想眠......

很早已經知道有 Pegeo ...亦去過朝聖...我鍾意呢度多過 PPArt ...因為呢度雖然細細間...不過真係好多新奇野睇...而 PPArt就只有 clear stamp & stamp pad 令我目不暇給......

之前想上佢既 gift box...不過時間唔啱啦...再問會唔會開班...Peggy 話唔會開喇...有點失望...不過佢話比我知會有 mini album學...一見到 email 時...嘩~~~好靚呀!!  可能我第一次見相簿係風車型...好特別~~~

上星期二 (19/10) 終於上第一堂喇~~!!  之前睇其他 blogger 既 blog 都知會大概響邊度返...不過我上到去...推錯隔離門呀!!!!   比個好惡既男人問我 : 你搵邊個?!  嚇得我即刻話唔好意思搵錯...!!  好驚啊...!!  原來隔離房先係呀~~~~

呢晚有大概十個同學仔一齊上堂...環境比起 amor 係迫了少許...不過又好似回到學生時代做 project 咁...成班人一齊埋頭苦幹地整呢整路...好得意~~!!  今堂又要面對白膠槳...好驚整烏糟其他同學既作品...真係要好小心把掃~~~

原來呢班係中班...@@!!  好彩之前響 Amor 上過 book binding有點概念...我地每人有一份材料...呢堂整左三頁...下堂要整五頁啊~~ 所以返到屋企我要做功課喇...要裁好晒 d 紙先...下堂一返到去就同白膠槳玩遊戲先~~~ 如果唔係overrun都會做唔晒...其實想用3月去德國 & 英國既相...不過阿B都未執好 D 相...太多又無心機搵...所以下堂都係無相帶......um~~ 上次個旅遊相簿我又係未整好...太懶喇我!!!!   要快d完成先得喇~~~ 有點忘記點樣組合本相簿喇~~~!!

今堂有本新免費雜誌黎左訪問我地...哈哈~~~ 其實我覺得記者小妹妹做既準備功課唔夠...反而被訪問既同學仔答得好好呀~~ !!   近黎幾個老師分別都被邀請做不同的訪問...即係 scrapbooking 開始多人認識喇...!!

團購 My Memory 攝影套餐

今日見到有個團購幾吸引...可以帶寵物去一齊影...想帶細細小狗去影下相玩下~~於是買左張 coupon...嘻~~~ 揀左套餐 A ...因為有多D Hard copy...!!

2.4折！My Memory 室內攝影套餐與最愛留下美好回憶
可拍攝以下主題：個人形象 / 新派簡約家庭照 / 寵物及主人 /情侣合照

• 提供兩種攝影套餐選擇，迎合您不同的需要
  
• 室內拍攝足2小時，讓您盡情擺不同pose 士
  
• 可取回多張4R 相片及底片
  
• 附送8” x 12” 韓式包框掛畫

你有否想過與最愛留下珍貴的一刻其實很容易？MyCutepons 今天推介的My Memory攝影套餐絕對能讓你與愛人把最甜蜜溫暖的一秒永遠留下來。

My Memory 開業超過8年，位於太子的影樓面積超過2,000平方呎。My Memory 的拍攝團隊配備最新的攝影器材，以嶄新的拍攝手法和獨特的取景角度，絕對能拍出高質素的照片，捕捉最真最美的一刻。My Memory 亦很重視相片後期製作，務求讓相中人的神韻更加清晰傳神地顯現出來。

以下為My Memory 提供的二選一攝影套餐:

攝影套餐 A 包括 :
任何攝影主題(個人形象 / 新派簡約家庭照 / 寵物+主人 /情侣合照)
室內拍攝2小時(拍攝60張以上)
1位專業攝影師及1位攝影助理
8” x 12” 韓式包框掛畫 2幅
4R相片6張
取回13張底片(包精修)
(注：請自備拍攝服飾、道具以及化妝用品)

攝影套餐 B 包括 :
任何攝影主題(個人形象 / 新派簡約家庭照 / 寵物+主人 /情侣合照)
室內拍攝2小時(拍攝60張以上)
1位專業攝影師, 1位攝影助理
8” x 12” 韓式包框掛畫 1幅
包 2位客戶之基本化妝
4R相片5張
取回5張底片(包精修)
(注：請自備拍攝服飾、道具以及化妝用品)
* 額外化妝, 每位 $200

如有任何疑問，歡迎致電到 My Memorry Wedding Production House 查詢。

2010-10-16 手作咭速成作品 (J04, J05, J06, J07)

星期六晚食完放題飽到唔想訓...終於的起心肝整下咭~~

一整就整左四張...係咪覺得有兩張好似樣呢?!  哈~~其中有一張係失敗左再補救而成的...!! 

< J04 >

首先整係既用 B&J 101 度學識既 Baby card 款...嘻~~都係摺得唔多平均...用左之前響什麼店買既 acid-free 既紙...簡簡單單既 pattern ...睇落都尚算順眼掛~~

隻公仔 (其實係咪箭豬仔黎架呢?!) 我用左水筆油呀~~ 哈~~ D 陰影位油到有點不知所謂...  仲有~~~裡面d 字我又印得唔好...要反轉印多次...不過都係有 d 無色...最後用水筆填番少少....heehee~~ 整左 vintage 效果呀...不過又係唔太出色...

呢張咭係整比十一月生日的同事妹妹的~~

< J05 >

我好鍾意呢張咭 d 顏色...呢張咭我做左兩次...另一張就係本住唔好浪費既心態去完成為 J07...落少少再講...講番呢張咭先...其實張 pattern 紙係上次粉紅色花花紙既另一面...見 cut 左出黎...所以用埋佢...黃色的亦是什麼店的 acid-free 既紙...好抵...$10 有四張 12x12的薄身紙...簡簡單單幾易襯~~ 呢張咭唔花巧...只係普通的對摺咭...不過我反而幾鍾意...所以錯左都即刻再做番呢張出黎!!    不過內頁仲未決定印咩字......

< J06 >

呢張搵 cuttlebug 黎幫手...不過因為屋企缺乏 cardstock...呢張綠色紙比較沉色...但又唔想放棄唔用...試過縛絲帶又好似單調過龍...而且都唔能夠改變沉色既情況...即係唔突出~~!!

所以就 punch 左條 border 出黎...黃黃綠綠點綴番...既然用開 penny back 既 stamp...就繼續...不過今次用左水溶性木顏色黎油...要練下油讀色先得......

張咭係咪無咁沉色了?! 

裡面加左個 Happy Birthday & 花花一朵~~

< J07 >

呢張咭如果我技術好既話...根本唔會出現...嘩哈哈~~~

仲差D punch 爛我個 doily lace punch呀...因為我忽略左 cardstock + pattern 紙有番咁上下厚...根本唔夠力 punch 到下面個位...點知仲 cake 住左個 punch ...又唔出得又唔入得...搞左好耐先整番出咭紙出黎...好彩個 punch 無事咋...><"

結果整完晒之前 D 咭之後...見呢張咭都只係爛左下面條邊...所以就 cut 短佢!!  變左呢個款喇!!  我整咭好似成日都要做救亡行動...

內頁呀~~~~其實d字都係印得唔好架...我填番d色咋...@@!!!  呢張已經送左比人 lu......哈~~~ 一個響我地結婚紀念日生日的朋友!!!

四張咭黎一張大合照先...之後佢地就會各散東西架喇!!!