因為今日會同兩位朋友補祝生日...所以噚晚漏夜整左兩張咭...因為都幾趕...我由零晨點幾整到差唔多四點呢...@@!! 有點眼訓...所以有D地方整得求其左...
第一張用番響 B&J 學既 envelope card 黎做藍本...我真係好鍾意呢款咭...好特別!!
用左三個木印仔印 background...不過一黎我手勢唔好...二黎個印仔好似唔多上色咁...搞到印得唔係咁好...我好阿Q咁安慰自己話係 vintage 效果...hahaha~~~近黎成日用既藉口!!
呢張咭係送比男仔的...還可以吧?! 大家唔好咁介懷 d 甩甩地色既印印...就當係時日既洗禮令佢甩左色啦...
< J08 >
打開...鄧鄧鄧...我會派幾張心意紙仔比其他朋友...大家寫上祝福說話再放入去的!!
哈哈~~~因為呢位男士係和我稱兄道弟...所以佢應該唔會介意我幽佢一默的...heehee~~
< J09 >
第二張咭就用剛響 Amor 學既機關咭...heehee~~~
因為無 Circle punch呢類既工具...所以用左原始手作方法...用 cutter cut 個小方型...簡化左好多步驟...因為開始好眼訓了......
打開就見到隻箭豬仔喇~~~ Happy Birthday!!!
絲帶都是旦揀條打上去...後黎才發覺...呢條絲帶係雙面的...另一面係青綠色...會唔會調轉黎打仲襯d呢...不過家下都覺得幾順眼丫...所以懶懶唔想再打過個蝴蝶喇...!! 我唔係次次打都成功的...HEE~~
希望兩位朋友仔會鍾意啦~~~ !!
你真係好學以致用呀
回覆刪除自從喺amor上完cardmaking,我到而家都仲未合成張卡，懶仔！
[版主回覆11/05/2010 00:11:00]哈~~其實我花左好多時間去完成...過程都幾混亂...
點解仲未合成既? 快d完成埋佢啦...越放得耐越唔會做架喇~~
快d整完比我睇下~~
好犀利，甘快就學以致用
回覆刪除[版主回覆11/05/2010 00:13:00]你都係啊...!!
因為剛學仲有記憶...不過襯紙真係花最耐時間呢~~!!
你愈來愈厲害啊. ...我也要上下堂進修一下先得
回覆刪除[版主回覆11/05/2010 00:15:00]其實一d都唔厲害...厲害既係教我既兩位老師~~
我都係將佢地教既功課再做一次...heehee~~~
你都快d報丫...學既過程好好玩架~~!!
好靚呀, 要<讚>
回覆刪除[版主回覆11/05/2010 00:16:00]哈哈~~多謝你個讚啊...好似響 FB 咁...
你學o個兩張呢? 做乜唔post出黎啊?
張card 有袋仔好cute！
回覆刪除[版主回覆11/05/2010 00:18:00]呢張咭既設計真係好特別呢~~~
我地上堂時個個都拍晒手咁讚老師呢個設計~~
妳好叻! 咁快活學活用呀! 我覺得第一個color 好match!!
回覆刪除[版主回覆11/05/2010 00:19:00]因為無乜時間再諗用邊款咭...所以就用番老師 d 功課黎做 sample...heehee~~
你做乜唔 post 埋另一張出黎呀...我o個晚都未得閒欣賞過呢~
整得咁靚, 朋友仔點會唔鐘意喎~~~~~^^
回覆刪除[版主回覆11/05/2010 00:22:00]佢地收到真係好鍾意...因為近年都好少收到生日咭仲要係 handmade...佢地開心所以我更開心呢...真係做手作既動力呢~~