2010-10-04 蜂蜜桂花蛋糕課程

幾年前...同阿B行書局時...見到D蛋糕書...嘩~~靚到丫...買左本黎睇...不過屋企都無焗爐...哈~~阿B居然買左個細焗爐返黎...不過最後都係用黎整雞翼多...因為都無整蛋糕工具...呵呵~~我有幾好既藉口......!!

每次行過吉之島什麼店...阿B就會有意無意間話: 唔知幾時有蛋糕食呢...?!  你個蛋糕幾時整呢...?!  之餘此類既說話...  不過我一於少理...HEEHEE~~

直至近黎...有點良心發現...因為近黎成日去學呢學路...而且因為家住新界區...學完返到屋企已經好夜...佢都還對我說 十卜十卜...只係話: 你學埋D野都唔益我既?!  哈哈~~~佢又提蛋糕事喇!!!!!!!!! 

其實我對廚房既野真係唔多曉...所以叫我自己一個去學又唔多敢...但問勻D朋友都唔想學...終於問到有朋友想學啊...呵~~有伴了!!!

終於報左10月尾學整薄荷朱古力蛋糕...之後睇睇下其他 course...咦?!  我 4/10 同埋 5/10 都得閒喎...而且個蛋糕都幾吸引...所以唔知邊度黎既勇氣...響網上報左 4/10 學多一堂...仲要係自己一個去!!! 

個個知我去學都覺得好奇怪...因為我廚藝唔精...人又懶 (重點!!)...不過我個人就係咁飄忽...有時會突然去做d出人意表既野~~

又過海喇...近黎返親學都係要過海...由火炭去銅鑼灣只要一個鐘...其實返6點半都幾勉強...加上人又多...地鐵上地面都要成15mins!!!!!!!!  我又未去過禮頓中心...好彩撞下撞下都行啱路...終於返到去遲左 5 mins!!  仲未開始......但我已成身汗了!!!  拿拿臨拎條圍裙出黎~~~開始喇!!!

今晚只有六個同學...其中有兩個係男同學~~ 有個肥仔哥非常好人...成日提我要點要點...仲幫我開爐睇火...

其實阿 sir 都講得幾快...我又要睇佢整...又要寫 notes...非常忙!!!  佢示範完...就叫我地自己埋位整...第一次用 d 工具...手忙腳亂...我連爐都唔識開呀~!!  打蛋又打到一手都係...加麵粉又整到張檯都係...好彩之後都尚算鎮定...一路整一路昅 notes & 同學~~!!

成個蛋糕製作...阿 sir 分左 4 parts 黎示範...每完成一part我都鬆一口氣...還可以應付...

(1) 焗海棉蛋糕底

(2) mousse 蛋糕

(3) 桂花啫喱面

(4) 學切生果花鋪面 & 用朱古力寫字

登~~~~登~~~~~~登~~~~~~~ 終於整起個蛋糕喇...實在太開心...原來我也可以的!!!

放埋 d 生果...用朱古力寫埋字就會完成架喇...好期待~~!!

響蛋糕面寫字好驚呀...阿sir叫我地最好響隻碟上練習下先...@@!!

哈~~~阿B話我好似用塗改液寫字咁...!!  其實真係好難寫架!!!  一寫錯之前兩個鐘既努力就白費架喇!!!!    賣相還可以嘛?!

一切搞惦...要雪一陣先得...呢段等待期間就可以享用阿 sir 剛才示範整既蛋糕喇!!!

oh~~ DELICIOUS!!!!  唔知我整既有冇佢一成咁好味呢?! 

終於完成課程喇!!!!  請同學仔幫我影左張成品合照相~~~呵~~~ 雖然未知味道如何...不過實在太開心...太有滿足感了!!!    我人生第一個自己完成既真真正正的蛋糕呀!!!

入埋學校提供既蛋糕盒...帶著開心又滿足既心情搭車返屋企...要好小心呢...!!!

因為要送比曾生嘛!!!!! 

好彩返到屋企個蛋糕都無穿無爛...嘻~~~ 希望你鍾意啦!!!!! 

不過佢應該幾開心...因為佢即刻影左相放上 facebook...佢話我整得似模似樣...又估唔到我整到...呵呵~~~佢比我 A+呀!!!  不過佢加左句 " ....以我既資質...比我A+...."   .\ /.

第二日帶埋返公司...同d好同事一齊分享...味道還可以吧...!!  heehee~~~ 對我黎講...真係超額完成既工程呀!!!!!!  不過呢個過程又幾好玩既...!!