星期六重陽節...下午曾氐家族一干人等上後山拜山...呢日都幾晒下呢...男子組忙住除草...女子組就忙住拍蚊...各有各忙~~~ 之後上香燒衣紙...打埋草水...放埋炮仗...落山斬雞 & 燒肉...之後傾左一輪計...就各自各歸家......
我同阿B去左荃灣睇下 d 傢俬鋪...因為想做過廳o個個櫃...嘻~~ 想做過可以放我 d 工具呢~~ 不過都未諗定要點整...再搵下靈感先得......
之後去左熊貓酒店樓下個商場行...woo~~~有吉吉島既什麼店呀!! 呢間好大下喎...而且種類多好多呢~~~ 呢間好多哈佬喂既用品賣呀...!!
之後即興去左五月花食放題...呢度好過上次響旺角食喎...d 位無咁迫...飽到丫...成日食食食...想唔肥都好難 lu ~~~
食完之後...去左買鞋...因為我對 converse 就爛咁...上次落雨鞋底仲入水呀...哈~~ 其實想買好耐...不過揀唔啱色...終於今次買左對紅色~~
因為伯伯加奴 d 雪糕劵就到期喇...所以拎左去換個芒果雪糕蛋糕呀...幾靚丫~~ 都幾好味喎!!! 仲有三張...下次可以換多個~~!!
另外早兩日去左哈根大訂左個雪糕蛋糕 for 1018 ... 大日子係要有 d 野應下景既...其實係我為食囉........ 不過個店員好搞笑...anniversary 唔識串...又問同事...點知都係串錯...所以...我用 iphone 查左個字比佢照抄......
沒有留言:
張貼留言