2010-09-29 Travel Photo Album - Lesson 2

因為 22/9 係中秋節的關係...所以第2堂既 Travel Photo Album 就順延了一個星期才上堂...好心急呢~~!! 

一上到 Amor ...嘩~~好多 bookcloth 返左呀...好多顏色呢!  見到好多手作同好都響度埋首尋心頭好呢...

仲未夠鐘上堂...所以就揀埋一份...不過揀揀下先記起自己未"禁"錢呀...所以拿拿林跑落街搵銀通...走左幾個街口先搵到 @@~~

揀左幾卷 A3 Size 的...好多色都好靚架...不過唔買咁多喇...整唔切呀~~~

前幾日拎左 d Honeymoon 既相去晒...太多喇...揀揀下都無心機...哈~~求其抽左 d 去晒啦~~

終於同個 album cover 重逢喇!!!

呢堂要整 3 張內頁呢...哈~~~我地呢班大部份人成日心大心細...整整下又走去換紙...好鬼搞笑...!!  個個忙住襯色襯紙.......行黎行去...好多個揀既紙已經同當初面目全非喇!!  哈哈哈~~

我地成日響後面碎紙堆尋寶...一來覺得咁大張紙 cut 少少出黎好似好浪費咁...二黎發覺紙堆中都有寶藏架...有 d 紙都幾靚架...橫惦都係用一部份...所以有時我會換左呢 d 紙黎用~~ heehee~

首先整封面同封底呀~~  不過個綠色 JB 字後黎比我整爛左...所以下堂又要去整過 @@"

呢幾行花邊 punch 到我手都痛......  仲有朵花都未整添......

Olivia 對我地真係極有耐性呢...又不時比下意見我地...教曉我地用好多工具...真係玩得好開心~~

之後整埋第 2 張內頁...又去尋寶喇...哈~~ 又比我搵到張幾靚既紙...襯埋呢張藍色紙...woo!!  我覺得好 ok ...就放棄左我其中一張先前揀既紙喇!!

襯埋三條絲帶...打埋 d eyelet...完成喇!!  不過.........打 eyelet 時...移過左少少位...嗚~~ 唔係太對位呢!!  哈~~不過 Olivia 安慰我...話係特色黎...!!  哈哈哈~~佢講得又無錯啵...真係我既特色呀~~~ 就係成日整錯野!! 

我仲未貼相上去呢...heehee~~ 總係樣樣都差少少先搞惦...

呢頁好特別呢...有得打開架...仲可以響張 memo 紙度寫野添呀~~!!  (我家的小狗最鍾意阻住我影相...叫極唔走...仲唔客氣咁訓埋...@@!!!)

呢晚仲見識埋部 slice 點用...好神奇喎!!

開心既時間永遠好快過...呢晚大家又磨到十點幾喇~!!!  小柔你要原諒我地啊~!! 

同學仔 o個 d 整得好靚架...大家一齊研究...一齊努力...真係好開心呢~~!!