當時係 Jul 11 應承佢的...亦大概說了一個完成咭的時間...兩星期...
終於我呢兩日搞惦左...仲欠個信封就可以寄了!!!
唔知同學仔仲記唔記得我們的約定呢...?!
今次又係做 Side Step Card ... 本來我想做轉轉咭比佢的...不過我仲未研究個 die 點用...
而且我今次做咭既主題如果用 SSC 會表達得好D...希望同學仔唔好失望啦~~~~~~~~~
當然又係整張模擬咭出黎先...我發覺咁樣整對於我呢D技術差既人都係一個好方法~~!!
張咭既概念係...想表達響巴黎鐵塔附近好遊閒的下午......
希望我能夠做到出黎~~!!
其實呢張咭對於我黎講都係個挑戰...因為好多地方要油顏色...!!!
(呢方面係我非常弱項!!!)
呢位同學對我上次整既牆好有興趣...所以我今次再整多幅比佢睇下實物...!!
(真係非常獻醜的做法...!!)
另外...有個朋友仔比左D彩沙比我...今次就拎黎試下玩下...d 沙好多色...好靚架~!!
當草皮咁鋪...應該唔會好似大球場D草地咁一忽忽掛...哈哈哈~~~
呢張咭都係混合左少少 Mixed Media 元素落去...希望同學仔收到後喜歡啦~~~
呢 part 用既時間其實唔多...反而最長時間就係同d公仔油顏色...
其實每個公仔我都油過兩次...第一批全數塊面一撻撻咁...掉得~~!!
第二次油就用淺一號色...自然好多...@@~~
因為我只有 160 gms 既畫紙...為左硬淨d...仲要加多層咭紙托底一齊剪出黎...剪到手都軟...!!
仲有d 草 & 雲...無die...又係就咁徒手剪出黎...之後加點 distress ink...感覺唔同晒~~~
汽球就剪 pattern paper 的...五個應該夠用~~!!
之後放響咭底度併下位...覺得順眼就拿拿臨貼好佢...我驚又有意外整爛呀!!!!!
為左效果再立體d...大部份都用左海棉貼...要再補下貨先得...!!!
個鐵塔刻意用張帶點 vintage 既 pattern paper...再加點 distress ink... (好幫得手!!
) 今次唔係用 distress ink makers 黎上色...終於買左 copic ...不過超貴...!!! 但係真係非常好用!!!!
如果有朋友去台灣我一定捉住佢幫我入貨...!!! 香港賣 $38 一支呀!!!!!!! 台灣大概 $25 左右咋...!!!!!!
汽球加左 d 彩繩...立體d ...好似綁在單車上...好遊閒寫意的感覺... (我覺得...!!
) 
今次張咭的平面圖...!!
終於完成左喇~~~~~~~!! 希望同學仔收到後鍾意啦~~~~~~~~~~!!!
油顏色方面...真係要下苦功先得...完全係填顏色...
一點光暗位都無呀~~~!!! 差~~!!!!
一口氣入左 24 pcs Copic !!!! 入左七個芒果妹妹...加埋書展d收穫...!!
我在 FB 已宣佈破產了~!!!
