百厭細細的近況

小狗細細豬身體時好時壞...有時好精神唔肯訓又搞搞貢....

但有時又差到無乜精神成日訓...都幾反覆下...不過佢近黎就好似開心左好多咁...

雖然知道佢會完全好番係無可能...不過都唔希望佢咁受苦啊~~!! 

近黎覺得佢重番少少...不過而家食野又超級扭計...!!! 

基本上無一餐係自己食的...一定要用匙巾餵~~~!!! 

等都要等到餵佢為止...仲要唔係即刻拿拿聲食啵...

左聞右聞...又要你陰聲細氣 tum ... 大爺到佢丫...!!! 


不過又對我地食既野超級有興趣啵...睇下佢...

又八卦響碗雞粥附近徘徊喇!!!!!!!!! 

通常佢咁嗲又痴身痴勢...總會撈到著數...!!! 

食飽之後個樣幾開心幾滿足!!!  之後就走去訓~~!!

我成日同阿B講...

將佢 D 糧放上檯扮係我地食既...佢會唔會好似食雞肉咁...係咁拚命想我地比佢食呢?!

哈哈~~~~

佢有幾為食...?!  有圖有真相...無呃人...!!!

睇下佢既渴望眼神!!!!  係咁擒擒貢...平時又扮無力...一有野食就點撲都有力!!!! 

仲係好瘦...><"

不過家下精神左好多了~~~~~!!!

呢位小姐...間中都會發脾氣...係咁抓 CUSHION 出氣...!!!! 

發完脾氣...就大覺訓...!!!! 

仲要同班朋友仔一齊訓...哈哈~~~ 好傻仔樣!!! 

天氣好熱喇...幫佢沖涼的姐姐終於放完產假了...!!! 

所以即刻 BOOK 左 SUN 帶小狗去理下髮...美下容...!!! 


< 剪毛前 >

軟林林摟住佢會好舒服...!!!  不過就成日訓到披頭散髮...!!!

< 剪毛後 >

成身光脫脫...佢自己超唔慣...!!!

哈~~~

訓響公仔堆中扮公仔都得...!!! 

姐姐都話佢瘦左好多啊...家下個身成排骨...得 4.3 KGS 嗚嗚~~~

你要叻叻啦...快D 肥番D啦~~~~~~~~~~~~~~~!!