2013 書展

每年的書展...我都會相約細細佬一齊入去HEA下...

今年都唔例外...不過而家我買少左書睇了...屋企D書仲諗緊要點處理...

因為我要謄出D地方黎放野呀~~!!!  個心成日十五十六...

因為儲左好多年...扔左又可惜...又唔捨得...!! 

而細佬通常都無乜買書...佢係陪我行...幫我拎下野...請佢食餐飯就超滿足了...嘩哈哈~~~

今次書展...好似去左美食展咁...唔係裡面好多野食...

而係我地由出發去會場之前就食食食...首先早餐都去左日式拉麵店...

早餐都食左百幾蚊...@@~~!!

LUNCH 無帶野食入去...行到肚餓就食會場D小食店...都唔平架...

一個撈麵都要 25 蚊...我地兩個一人一個...笑鬼死...!!  仲要企響度食......

食完之後...兩個不約而同話超好味...可能好肚餓的關係...

兩個都話從未食過咁好味既 營多 拉麵....哈哈哈~~~

之後仲買左兩支激冰可樂黎飲...點知佢嗰支唔識結冰的...!!  @@~~~

夜晚...我地決定去番上年在會展食過的意式日式餐廳...!!!

今年都係食咁上下既餐...個麵包又係超好味...!! 

墨魚沙律...又靚又好味...!!    份量都ok多......

肉丸又係好好味~~~!! 

海鮮 PIZZA 又係好好味...!!! 

仲好大個添...!!!  所有野都清晒...兩條友仔真係超好胃口!!!! 

最尾仲有個甜品結尾...呢餐真係食得好滿足...!!! 

不過埋單要三百幾...差唔多四舊水...@@~~~

今年既書展...唔算好多人...我想買既野...我覺得少過上年...!!! 

但今年好驚喜...就係多左好多手作鋪...雖然唔係平好多...有D甚至係唔平...

不過我搵到三本 8 X 8 的斷晒貨既 Pattern papers !!!  開心到不得了!!!!

仲去探左兩個 miss 擺既檔...真係超巧合...原來佢兩個認識的...仲夾份 share booth...!!!

入到去當然少量都要幫襯下...旺下佢地嘛...!!!

買左兩 pack 日本出既細細地既立體咭仔...未玩過...希望我有耐性...哈哈~~~

買左 d 印仔...顏色...die... cardstock 等...都算好好收穫...!!

仲有買左幾支膠水....最抵...四折左右...!!!

不過最遺憾係買唔到 set markers~~!!  係搵唔到個 booth...!!!

可能個天係想我用 copic ....!!!  (知我技術唔夠...唯有用好d既材料搭夠...!!)

今年買唔到 chocolate rain 既電話殼...買左兩個馬仔殼...我鍾意呢款殼既質地...!!  好揸手~~~

仲送左兩條電話繩...比左同事們的囡囡~~~

本來話左唔買書...不過最後都忍唔住買左呢四本...

有兩本我覺得幾有意義所以決定買黎支持下~~!!





我們家的小狗...絕對唔會放棄上鏡的機會...影相期間成日響我前面行黎行去...

仲好唔客氣咁踩住d野黎行...若無其事咁...我知佢專登的!!!!   衰妹~~~!!!

等等啦...影完咪同你玩囉...咪成日吃醋啦~~~!!