2013-07-07 Side Step Card Making

前幾日...BLOG左我在磨拳擦掌...又畫晒草圖...!!

星期日及星期一...我都非常認真去將草圖變成事實!!!!! 

咩圖...?!  咪呢張囉...!!    (<---- 夠喇!!!  成日拎出黎獻醜...!!! )

首先整左個咭底出黎...刻意比A4大少少 (咪傻啦...當然摺左之後無咁大啦) ...

因為我驚唔夠位放野...!! 

之後就拎晒 D 相關既 DIE & STAMP 出黎...粗略拚下先~~!!  (壞習慣....!!)

最後有D唔夾得埋既就 OUT 左先...例如個遠山&屋景...!! 

之後開始製作...製作過程相當混亂...所以唔得閒影相了~~~~~~~~~~~!!!

係咁 DIE 係咁剪係咁 STAMP ...仲學人油顏色 (<---超級弱項!!) ...





D草我係咁憑空剪出黎...剪到手都有 D 抽筋...!!! 

不過而家睇落...除左係綠色會聯想&假設係草之外...

換左係紅色的話...似猛火多D...


呢款咭特色係分開三層...可以做成一個場景效果...!!


最後一層...我將佢做成遠景效果...有個小男孩 ( 孤獨地 ) 響大樹旁放風箏...!!!

中間嗰層...做左個響公園既場景...

做得低左 ... D DIE 唔夠大...有點難影到... 下次 DIE 細既話要做高D ...!! ( 記住記住!! )

有街燈...單車 & 欄杆... 本來想放兩架單車...又好似太多......所以搬走左一架...

所以呢層又係孤獨單車...!!! 





至於正面的第一層...做左一個場景係個女仔 (孤獨地  ) 響度踩 ROLLER & 唱歌~~!!

我仲未將 D 野痴上去...用 MASKING TAPE 痴黎睇下效果先...

(拿~~~好明顯...技術差既人就會係架喇...!! )

個女仔其實我剪得好辛苦...我 STAMP 左幾個出黎再剪出黎組合成的...!! 

頭髮...面...手....腳...衫...裙...花...roller shoes...每一PART都係剪出黎...!!!

仲要油顏色...條裙係 pattern paper做成...星星 !!!  

不過後尾其中有粒星...整烏糟左少少...有d un 住的感覺... (處女座的固執個性又黎...!!)

呢張咭...在構思時...想有點突破 (個人認為的突破) ...

所以我加左少少 MIXED MEDIA 效果...!!

就係用 GESSO, LIGHT MODELING PASTE & SPRAY INK 做左個牆身...!!

視覺上 & 摸落去( 懶係) 有 D 質感咁........!! 


以下呢張係我在星期日晚完成既 SIDE STEP CARD 的平面圖...!! 

不過我覺得上面 D 野有D 單薄...好驚未到有緣人手中已經爛...!!!   

(咩事咁化學...?!  )

其實我已經每個 DIE 都 DIE 幾個出黎...再痴埋一齊...希望會硬淨D ...

不過棵樹 & 街燈可能實在太幼細...好似好易就會斷咁....!! 

 我有另一盞街燈...不過係單頭...而且我覺得呢盞襯 D 囉!!!  (好主觀又懶堅持!!)

其實咭上面...我為左要再立體 D ...用左好多 海棉貼 黎製造 3D 既感覺...!!

睇唔出?!  咁戴立體眼鏡啦~~~~~~~~~~~~~~~~~~~ ()



之後......處女座既性格又作怪......所以星期一晚又將佢地再加工 !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

又再努力碌 DIE ....盞街燈最後我碌左六七個出黎痴埋...!!!

欄杆, 棵童話樹 & 單車 都碌左四五個再痴埋...

今次硬淨到丫...不過痴既過程有點想死......!!!  

架單車換左顏色...棵樹我嫌佢吊腳有點怪...所以將佢夾硬駁長番...!!!


< 改良後既平面圖 >

好似順眼D.......

呢張睇到少少厚度喇...!!!   我每一part都痴得好辛苦的...

希望收到的人會喜歡同愛惜啊~~!!! 

今次打算臨 deadline 先寄出...當然有點原因...不過原因唔想公開...!! 

係經過第一次交換咭得番黎既感想...!! 

因為呢個始終算係一個少少的比賽...我覺得對自己都要公平一點.......

再放響度 hea 多幾晚...可能我又會再執漏都唔定...!!


SIDE STEP CARD 暫時完成...!!!  (其實可以再做好DDDDDDDDDDDDD!!!)





仲有成十日時間...我會唔會傻到做多張呢下..................?! 

有時覺得處女座真係有點麻Q煩的...!!!!  ()