HK KIT CLUB - OCT 13

近黎我真係效率奇高...!!!   我都覺得要比D掌聲我自己!!! 

我係死線王真係唔到我唔認...!!

樣樣都都拖到最後先完成...成日返到屋企就灘響梳化拎住個電話 / IPAD 做化石!!

有時明明有功課要做都走去訓教...!!


十月的 KIT ... 我都係無去到 CROP SESSION... 因為驚要 OT ...!!

不過最後我當日係病左...@@~~~~~~~~~~~~~~~ (係咪同 CROP SESSON 無緣...?!)


收到 KIT 的時候... 嘩~~~ 今次有 SET STAMP 呀!!!!!!!!

不過開心還開心...其實我很少用 STAMP ...因為懶囉...!! 

用 STAMP 要洗 STAMP ... 如果要埋 EMBOSSING 效果...

仲要拎好多架生出黎...所以...我通常都避免去做呢下動作...!! 

再睇下其他配件...有朵好大的花...不過我係決定唔會用的...

一黎太大...二黎太皺了...!!!  我已經將佢盡量整番靚個形...但係真係太大朵了...!!!  (好阻訂囉!!!)

再睇下 D 紙先...都算唔錯...我都有呢 PACK 6X6 ...

之前仲用其中兩張紙黎整左個相架比同學仔倣生日禮物!!

我鍾意嗰幾張呢...呢度就無喇...!!!

今個月呢個色系其實我好少做...感覺好 girlish ...哈哈~~ 唔似我...我係男人婆...嘩哈哈~~~~

一拎起手...就決定用其中一張 cut outline ...!!  (我上次係用呢張紙黎做相架背面的...!)

再 print 埋上個月的生日相...有細細響度坐陣...哈~~~

試左用唔同背景紙黎做底色...睇睇.....!!


 

< 1st version >

用黑色啦...?!  又好似太強烈對比...!!

兩隻色系唔得協調...好礙眼~~!!!  @@~~~ 好似太刻意咁...!!  好眼花~~~

< 2nd version >

雖然我唔太好粉紅色...不過不失為一個新嘗試...!!

睇睇下又好似幾順眼...為免夜長夢多...!!

所以就決定用呢個版本!!!!  (突然覺得自己有了少少改變...變得狠心左...哈哈~~~~)





今次好乖...無借外援 (即係自己既材料) ...

全部用晒 kit 所提供的材料!!! 

唔加咁多其他野...係因為我揀左五張相落去...

再加多d野既話...就好似太 over 了!!

我整左個信封仔...不過未寫千言萬語落去...!!!  haha~~~

再用黑間的 pattern paper 黎做相框突出幅相...!!

將d相再執下位...睇得多又覺得幾順眼...就開始做最後埋尾的行動!!!

就係 " 痴 " 實去喇!!!!!!!!!!

今次既主題用 " My Birthday " ...哈哈~~~ 下個月的 kit ...應該就係 " Our 4th Anniversary " ...!!  


10 月的 kit 大功告成...!!!  真係破晒紀錄呀!!! 

完成左功課...就開始製作小禮物...heehee~~~~

阿B幫左我一個大忙...就係幫我計數...!!! 

(計咩數...?!  哈哈哈~~~神秘神秘!!)

總之係小型大製作...!!  嘻~~~~~~~~~~~~~~~

一切都幾順利 .... 而家其實已經完成左 70% 喇!!

希望唔好衰收尾啊...!!!  好緊張...希望同學仔們鍾意我既小小心意啦~~~~~~!!!

丫......差D唔記得整材料包...但係我仲未諗到放咩材料入去啊~~!!!