部份兄弟聚會 & 補電髮

派帖環節只剩餘少量餘額...今日下午約埋部份未收帖既兄弟出黎飲茶...哈~~上次派比部份兄弟都係響呢間茶樓呢~~ 不過始終都係仲有個兄弟無出黎...唯有托兄弟比佢啦~~ 實在無時間再約喇~!!

今日主要除左派帖之外...仲比份 rundown 佢地了解當日既流程...同埋比埋條入場 tie 佢地...講明無 tie 者唔入得門口!!  呵呵~~~

我好有誠意架...包裝算得上幾精美的...所以...比下面就我一次啦...heehee~~ ^^

另外應承幫 11 月結婚的兄弟做 d 驚喜野比佢老婆大人班姊妹...哈~~ 到時一定依嘩鬼叫...嘿嘿~~ 至於係乜...暫時唔可以公開住... 嘿嘿嘿~~

TT 越大越鬼馬...家下仲學人化妝出街...笑到我丫!!

無誇張架...佢有個化妝袋架...我都只係帶支唇彩出街...但佢個袋真係幾多百寶架!!

塊面擦到閃令令...仲擦左D胭脂...@@~~ 真係好貪靚!!

佢仲話幫我化...@@~~ 我梗係唔肯啦...我陣間仲要去街架!!  哈~~

***

電左髮一個月...不過可能髮質問題...好快直左好多...所以去左補電...今次剪碎左好多...唔知會唔會影響 set 頭呢~~?!?!   Ava 無收我電髮錢...只係肯收洗頭錢...仲話見係結婚送比我...真係多謝啊~~ !! ^___^  佢黎緊婚期係11月尾...今年真係多人結婚...幫我地手既人好多都係今年內或者出年一月結婚...所以好多野傾...佢仲問我拎份 rundown 黎參考...佢今日剛過完大禮呢...恭喜晒啊!! ^^